موضوع ((اللاصفي)) {{هالموضوع تجميع لافكار لاصفي مبتكره }}

[الزين يفرض نفسه]

السلام عليكم ورحمة الله وبركاته

حبايبي ابلات في موجهات وايد يبون لاصفي مبتكر .. مبدع .. متجدد .. :eh_s(7):

فياريت يصير هالموضوع تجميع لافكار لاصفي مبتكره

كل وحده عندها فكره تحطها هني وماتبخل علينا ولا راح نبخل عليها :hjy5jewf:

اقتراح فكره مجربه فكره غير مجربه

حلو ان نتبادل الافكار والاقتراحات

وشكرا ..

 

[الزين يفرض نفسه]

رد: موضوع ((اللاصفي))

شدعوا بنات مارديتوا

انا بطلع فكرة لاصفي ومادري عاد انتوا قولولي حلوه ولا ...؟


اسم النشاط: مسرحية صغيره

تقوم المعلمه بعمل منبه بسيط حسب الخبره ثم تسأل الاطفال من الذي يفعل هذا ؟ ويجاوب الاطفال باسم الشخصية التي تقوم بهذا العمل

ثم تطلب منهم احضار سلة من ركن البيت فيها ملابس وتقسم الاطفال الى 4 مجموعات: قسم المثلين ، قسم المصورين ، قسم الجمهور وقسم المطربين والراقصين

ومجموعة الممثلين تعطيهم ملابس الشخصيات المطلوبه وتقولهم يمثلون حسب رغبتهم يعني تكون المسرحيه مرتجله وبدون نص
لكن الاطفال اكيد بيمثلون مشاهذ تناسب الشخصيه لانهم مرتدين ملابسها فراح يتقمصونها
وتقوم المعلمه بدور المخرج فتساعد بادارة دفة الحوار حتى لا يتشتت كثيرا

وتتخل المسرحية مشاهد غنائية راقصه فتعطي الحرية للاطفال بابتكار الرقصات ويقوم الجمهور بالتشجيع

وبنهاية المسرحية يمكن ان تسأل الاطفال ماذا تعلموا منها.


شرايكم ؟؟


عفيه بنات خلونا نشارك وقولولنا رايكم وعطونا من افكاركم
عطونا الله يعطيكم بيت مكه يوديكم

 

[sunfire]

بصراحةفكرةعجيبة وروعة بس يبيلها شوية ترتيب علشان تطلع العملية مضبوطة

 

[عهود الحب]

هذا تمثيل مو لاصفي
اللاصفي هو ان يستمتع الطفل بالتعلم خارج الفصل
و بعض الموجهات شطوا حيل بطلباتهم
صار فيلم مو لاصفي
صحيح فكرتج روعه واكثر من الروعه يا الزين
بس ماهي معقولة نهائيا
انا عندي احط فترة العاب تربوية مبتكرة ومن المستهلكات ابرك من التمثيل
احط مصورات وفترة تعبير حر
احط فترة رسم حر
مو مرسم
لا رسم حر وبالساحة بعد

احط فترة نادي تجارب خصوصا الحين الماء والهواء كله تجارب روعة
احط فترة بحث واستكشاف و جمع اوراق الشجر وبعد ما نجمعها اخصص يوم استخدمها بالطباعة بالوان الاصابع او اطبعها على الصلصال


احط فترة مشروع فني متكامل الكل يشتغل فيه من عيالي
احط فترة يوم النظافة العالمي واخليه كله سلوكيات وننزل ننظف بالروضة
احط فترة العاب خارجية كلها حركة بحركة وما اقصد حركية لا العاب حركية بس مو حركية

احط فترة سلوكيات المرور واخلي تمثيل على الشارع واحط جم شرطي وجم سيارة

وهكذا



فترة صحافة ونجمع اخبار و صور من المجلات والجرايد

احط فترة عمل بطاقات تهنئة بأي مناسبة


وبعد؟؟؟؟؟؟؟؟؟؟؟؟؟؟؟؟


قولوا بعد

 

[عهود الحب]

اللاصفي هو الخروج من اسوار الفصل الى فضاء الابداع بس عاد مو فضاء الكون الخارجي
ومافيها شي لو تخلينها فترة حلوة وخيالية او سينما ومشاهدة افلام تربوية
بس خلي في لها خطوات واهداف

 

[DoOoOoha]

ماشاءالله حلوه فكرتج الزين يفرض نفسه

وترى منها تخلين الطفل يثق بنفسه

والافضل انها تكون خارج الفصل يعني تودينهم مسرح الروضه ولازم تكون لها اهداف عشان يكون درسج كامل

بس انا اتوقع تعرضين لهم من خلال المنبه قصه بسيطه وان ناقصها شي او لبس ومنها يجيبون الكرتون ويكون فيه الشي الناقص

ويلبسه احد الاطفال بعدين شرايكم كلنا نمثل معاه وتطلع المسرحيه مثل اللي انتي سردتيها بس بتمثيل الاطفال

همن اتوقع راح يقولون الموجهات انها نفس طريقة القصه تسردين عليهمقصه وبعدين يمثلونها بس هذي مبتكره

انا تعجبتني بصراااحه

<<<< تحب الخروج عن المألوف

 

[^ليلاس^]

اللاصفي حوسه دايما احتار شراح اقدم؟؟
:s141:

 

[DoOoOoha]

انا اتذكر حضرت درس نموذجي حلوه فكرته اسم تغذيه راجعه

ويكون عن طريق استخدام برمجيات الحاسوب وهدف الدرس ان مو كل طفل يدخل ركن الحاسوب ويشوف الموجود في البرمجيات

فقبل ما تخلص الخبره بيومين يكون هذا اللاصفي كتغذيه راجعه للطفل

عن طريق عمل فريقين وطبعا البرمجيات فيها فطومه وشطوره و...الخ

اول شي تطلع طفل من المجموعه الاولى وتوريه القثصه وتخليه يتكلم عنها ونفس الشي للمجموعه الثانيه

وبعدين تلوين يعني تدخل على صفحه وحده من كل شخص موجود بالبرمجيات وعقب توزع الاطفال على المجاميع

طبعا كانت مسويه بزل على شكل شطوره جنه مادري فطومه وحاطته بركن الالعاب التربويه

وركن الحاسوب حاطه فيه البرمجيات والفنيه ساحبه تطبيقات من البرمجيات وبعدين مسويه ملف عجيب مثل

مسويه متاهه ويوصل الكله بالصوره ومسويه عن العدد شغل بسيط بس عجيب

يعني الدرس عباره تذكير باللي فات بالخبره عن طريق الحاسوب

وهمن عندي درس ثاني عن طريق لعبه بس خل اسال مشرفتي فيه بعدين احطه لكم

 

[DoOoOoha]

اي والله حووووسه وعلى قولت عهود خروج عن المألوف

وهذا اللي يذبحنا نبي فكره ما حصلت

انا عندي مرسم انشاءالله بعد العيد بس بسويه مو نفس المرسم المعتاد

بحط مشروع فني ويسونه وبحط رسم على زجاج بس بدال الزجاج ابحط شفافيه اامن للطفل

وهمن بحط الرمل الملون واجيب القص واللزق اللي يتلزق من ورى واقلبها اشكلها بالكتر على الشكل اللي انا ابيه مثل قطرة مطر

واخلي الطفل يشيلها ويكت الرمل داخلها

وهمن بحط خياطه عن طريق رسم شكل على خامه ويخيطها بالابره البلاستيكيه ويمكن الخامه المخرمه للحين ما اخترتها

وبعد بجيب جرايد فيها صور عن الماي واخليه يقص ويلزقها في ورقه ساده

وللحين كل ما طرى في بالي شي سيفته بمخي ياريتي اللي عندها فكره جديده للمرسم تفيدنا

 

[عهود الحب]

المرسم حلو شنو ماسويتي فيه يطلع روووعه
حلوة فكرة الرمل الملون والشكل المفرغ
حلو كل شي قلتيه
في فكرة بعد عشان اللاصفي التمثيلية يطلع حلو
لازم يكونون لابسين ازياء القصة ويختارونها من قبل يعني قبل فترة الاركان يختارون
شخصياتهم المفضلين
والله خوش فكرة بس ودج تحطين لج فترة تدريب جم مرة ويكون مسرحية تراثية ويتعودون عليها

 

[عهود الحب]

ترى في لاصفي تهذيبي
و في لاصفي حفظ قرآن
و في لاصفي قصص من الشعوب او من التراث القديم
و في لاصفي سير الانبياء والرسل
و في لاصفي غنائي
و في لاصفي لعبة كرة قدم او كرة سلة
و في لاصفي ..................... هههههههههههههههه ماراح نخلص شكلنا
في لاصفي تنسدحون وتطالعون فيلم باباي < وينه هذا وينه خخخخخخخخخخخخ

 

[طبيعيه]

بنات مشاء الله افكار حلوه
ابدعتوا و الله
بس بغيت اسال شنو خطوات لا صفي تهذيبي ؟؟؟؟؟ .......او......لا صفي قران كريم ؟؟؟؟؟؟

 

[عهود الحب]

هلا مثير بسيط يتدرج الى الهدف المرجو تحقيقه
ثم مناقشة المثير وتعزيز الجوانب الوطنية والسلوكية و الدينية
ثم الدخول بالقصة او المناظر الخاصة بالتهذيبي سواء كان عن طريق جهاز الحاسوب او عن طريق مصورات او قصة او ماذا كان ببالج


مثال
نبي نسوي تهذيبي عن الوضوء بمناسبة الماء والهواء
نحط منبه بسيط و ان كان صوت ماء او لبس صلاة او سجادة
نتطرق للجوانب الوطنية والسلوكية و الدينية
ثم ندخل على التهذيبي بقصة عن فضل الوضوء او خطوات الوضوء من خلال قصة حركية او من خلال التمثيل او مثل ماقلت من خلال الكمبيوتر
وبعدها نتكلم عن الماء والمحافظة عليه
و وين نصلي ومنو بنى لنا المساجد
وشنو واجباتنا عند دخول المصلى
وهلم جراااااااا



ومافيها شي لو طبقتم بأنه خليتي اثنين يتوضون
وجدام الكل مع المناقشة ومع الاناشيد عن الماء والتسمية قبل الوضوء والادعية
يطلع خوش نشاط لاصفي





القرآن الكريم
حلقة تحفيظ
انا كنت اطبقها دايما بالانصراف
بس بالعام الماضي اخذنا الاذن انه نطبقها باللاصفي

مثير بسيط و ان كان نشيدة او هدية وفيها شريط قرآن


قصة بسيطة خيالية عن القرآن او فضله و لاعن اي شي له علاقة بالدين
مناقشة
نشيدة بسيطة
تقعدينهم على شكل حلقة دينية { من قبل البداية يعني لبس الصلاة للبنات والاولاد طواقي }
وتبدون ترددون مع الشريط وتحفظون سور قصيرة
مثال الاخلاص المعوذات الكوثر النصر <<< وفيهم اجر كبير يسوى الدنيا ومافيها



في بعد استفسار ؟؟؟

< ام اللقافة :dddds:

 

[عهود الحب]

ممكن لاصفي زراعة بمناسبة الماء و الهواء


يابنات اللاصفي ابتكار المعلمة مو محدد مسبقا


وكل مايطلع ببالج يكون خاص بالخبرة الجديدة يكون احلى و احلى


الخبرة القادمة روعه وتستحق الاهتمام


ممكن نسوي لاصفي ترشيد ونسوي حملة على المدرسة ونعلم الاطفال سلوكيات اغلاق الصنبور

خلي الاطفال يناقشون ويتكلمون مو انتوا


خليهم يمثلون ادوار الماء رشود و رشودة


سووا الي تبونه اهم شي موافقة المشرفة الفنية

 

[^ليلاس^]

حلوة افكاركم وايد :ggdw:

 

[الزين يفرض نفسه]

مشكورين ابلات ماقصرتوا على هالافكار الحلوه

وانا يبت لكم فكرة جديده حق لاصفي

((اللون الاخضر))

منبه بسيط مثل مزج اللون الازرق والاصفر

يعطينا اللون الاخضر

اين نشاهد اللون الاخضر

في الغذاء
في الحديقة
في الطبيعة
في ملابسنا واشياءنا والعابنا
في اشارة المرور

اهمية اللون الاخضر لاشارة المرور تنظيم السير
اهمية النباتات الخضراء تنقي الجو وتعطينا منظر جميل

ثم العاب عن اللون الاخضر
او تلوين تطبيقات باللون الاخضر (مجموعة الالوان الخشبيه / مجموعة الالوان الشينيه / مجموعة الالوان المائيه / مجموعة الوان الاصابع / مجموعة الصلصال الاخضر )

 

[^ليلاس^]

حلوة فكرة الالوان

 

[ملاك-77]

الله يعطيكم العافيه

 

[DoOoOoha]

ماشاء الله شلون يقولون مافيه لاصفيات كاكم بدعتوا لااهنتواااا

بس عهود احنا عندنا ماكو لاصفي تحفيظ قرآن تهذيبي يعني تسردين قصه عن الانبياء ما ادري ليش حاكرينا

ولاصفي الحمله حلو عن ترشيد

ماشاءالله عليكم بدعتوا

بعد نبي افكار

 

[منورة]

بدعتواااااااااا يابنات ايييييية الافكار عندنا بس يابنات المشكلة التوجية انا اول ماتعينت بغيت اطلع عن المالوف وابي احط واحط حبطوني قالوا مايصير لا هذا فية وهذا فيييييية ليما قلت مالت على اللي بيبتكر عندكم ههههههه


المهم لاصفي الالوان روووعة وعهود تحفيظ القران ودي يا ناس كافي الاجر وتوني شارية اشرطة تعليمية وسيديات بس بطبقهم الكورس الجاي <<<ماعندي الا لاصفي واحد حركية والثاني موسيقى




نجي للمهم الخبرة الجاية الماء والهواء

سووا تجارب بس بالهواء الطلق مثلا جيبوا الطائرات الورقية وطبقوا التجربة الهواء يحرك الاشياء

وممكن واهم قاعدين مثلا جيبوا المراوح اللي ع شكل وردات تعرفونها اللي عند ابو مية وحركوا وبعد القوارب الورقية وخليهم يطبقوا عالتجربة ع كل شي موجود بالحديقة طبعا بعد ماسوا التجارب اللي عندج ويروح الوقت ويستفيدون




بس تدرون شنوا المشكلة الخوف انج ماتدرين شنو تسويين يعني هالخطوات تنعفس وتحسين ماقدمتي شي عشان جذي شاوري المشرفة بكل شي وصار ماصار قولي انتي اللي قلتي مو انا ^ـــــ^





























عهوووووووود ماشاء الله عليج كل هالابداع وماصرتي مشرفة ايييييييييية يا حزم الظامي الشغيلات والشطار مالهن حظ اقوووول عند ربي مايضيع شي ^ـــ*