موضوع الخز انطرح وايد ،، بس هالمرة السؤال من زوجي

[( مي )]

قوة بنات





















بنات ياما وياما وياما ويا كثر ما تكلموا البنات عن ظاهرة خز بعض البنات لأزواجهم
وقت الطلعة
وان طول ما اهم يمشون والبنات يخزونهم ويخزون رياييلهم
( طبعا ماااااااا اعمم )

ذاك اليوم طالعة مع زوجي ،،
ركبنا السيارة جان يسألني
ميوو !! ليش البنات يخزون الريال واهوو مع زوجته ؟؟
جان اقوله لو انت مو خازهم جان ما انتبهت انهم يخزونك ( يعني بجكه لووووول )

قالي لا والله ماخزيتهم بس الحين انتي تمشين ما تشوفين الناس ؟؟ ولا بتغمظين ؟؟
انا نفسج أكيد بمشي مبطل عيوني مو مغمض لووول بس بعضهم اشكره مكاسر يقول في بعضهم يتنحون !!

قلت له تصدق كل بنات المنتدى يشكون من هالحالة

قالي : تصدقين عاد ؟؟
لما اكون بروحي مايلتفت علي قطو ،، بس ملاحظ الخز من تكونين معاي يخزوني ويخزونج ،،

سألني
تهقين ليش الريال بروحه ما يخزونه ؟؟ واذا صار مع مرته يحطون عينهم بعينه ؟؟
قلت له ما ادري ؟؟

بس يمكن بيشوفون لأي درجة الزوجين لايقين على بعض @@


تتوقعون ليش الريال بروحه ماينخز كثر ما لما يكون مع زوجته ؟؟
عاد ملاحظة حتى الحريم الكبار والبنات اذا طلعت مع زوجي واليهال
يشوفوني ويشوفون زوجي ويخزون عيالي ويردون انا زوجي عيالي لوووول

ما ادري شالسالفة :080402ask_prv: ما ادري يشوفون الأشباه ولا شنو !!​

 

[iLLuMinaTion]

الله يعيننا على الخز

 

[موليس]

رد : موضوع الخز انطرح وايد ،، بس هالمرة السؤال من زوجي

ممممممممممممم:eh_s(7):مم شوفي بـ النسبه لي , أفكر بـ قد إيشش الزوجين منسجمين مع بعض يحبون بعض ..
ممم قد إيشش يهتم بـ زوجته ويحبها , أشووف إذا شخصييه ولالا مممم يعني أشياء عاديه ماأدري أنا أفكر بـ كيذا بسس ماأخز يعني مجرد نظرهـ ! خاطفه =) ​

 

[المـــــها]

أشك السالفه لجنة تحكيم ههههههههههههه
يسوون مقارنه يشوفون لايقين لبعض
منو أحلا
العيال حلوين ؟؟
على منو طالعين ههههههههههههههه
:s142:

 

[( مي )]

رد: رد : موضوع الخز انطرح وايد ،، بس هالمرة السؤال من زوجي

الليمونيشن
مشكورة على المرور

موليس
وابهالنظرة الخاطفة على قولتج !! شلون بتعرفين انهم منسجمين مع بعض واذا يحبون بعض ؟ وشالإستفادة من هالشي !! ومشكورة على ردج

المها
اي اذا قاموا يخزون واحد واحد فينا واليهال طبعا اقول لزوجي واضحك شوفهم يطالعون اليهال كل واحد علي ولا عليك لووول
مرة بنتي الكبيرة انقدت تقولي ماما شفتيها شلون تشوفنا ؟؟ شفيها ؟؟ قلت لها مشبهة علينا يمكن

 

[Cander]

الخز بكل الاحوال والمناسبات والافراد

الواحد بروحة يخزونة ولا بروحها يخزونها ولا مع مع بعض هم يخزونهم

لبست عباية يخزونها لبست بدلة يخزونها او يلبس دشداشة ينخز او بدلة ينخز بالطبيب بالسوق بالدوام

مو بس الريال مع زوجتة يخزونهم

مع الاسم ظاهرة منتشرة

 

[Cander]

الخز بكل الاحوال والمناسبات والافراد

الواحد بروحة يخزونة ولا بروحها يخزونها ولا مع مع بعض هم يخزونهم

لبست عباية يخزونها لبست بدلة يخزونها او يلبس دشداشة ينخز او بدلة ينخز بالطبيب بالسوق بالدوام

مو بس الريال مع زوجتة يخزونهم

مع الاسم ظاهرة منتشرة

 

[" غـادهـ "]

رد : رد: موضوع الخز انطرح وايد ،، بس هالمرة السؤال من زوجي

والله من قلت الحيا قطع لا مستحى ولا خوف من ربي الحمدالله والشكر !!

وآنا ما يبط جبدي إلا إلي تقول والله مو قصدي نظره عفيه .. لاوالله صج عاد ألحين متنحه ساعه وتقولين نظره عفويه موقصدي شي !!؟

عاد تصدقين همن آنا وأخوي ذاك اليوم كنا نتناقش بهالموضوع أهو حيااااااااااوي حيييييييييييل فديته ..

يقولي غدوي شفيها الدنيا مقولوبه يقول آنا وربعي لا دخلنا مطعم وإلا كافيه ندور الزوايا ونقعد والبنات وين القعده الاستراتيجيه للخز تلقينهم مستحلينها وهات ياخز بهالأمه لوووووووووووووووووووووول

ولا يمر واحد إهو ومرته إلا هات ياخز ويا تحليل جنج تقوليلهم يلا بسرعه منو اطلع الأخطاء السبعه ولها جائزه خخخخخخ والله صاج !؟

والله شي يفششششششششل ياااااااربي وين الأنوثه يعني خلاص اندثرت والله الحيا شعبه من شعب الأيمان

 

[عقــد منثور]

رد : رد: موضوع الخز انطرح وايد ،، بس هالمرة السؤال من زوجي

بعد كويتين لازم نخز

اممممممممممممم انا اعتقد انها بلاغة شف ..

ابسط شئ بالجمعية يخزونج بعدين ياخذون نظره خاطفة على الاغراض ..

انا ااشوف انها ظاهر صحية .. .. رياضية للعيوون لوووول

 

[Jolia-007]

رد : رد: موضوع الخز انطرح وايد ،، بس هالمرة السؤال من زوجي

الخز بكل الاحوال والمناسبات والافراد

الواحد بروحة يخزونة ولا بروحها يخزونها ولا مع مع بعض هم يخزونهم

لبست عباية يخزونها لبست بدلة يخزونها او يلبس دشداشة ينخز او بدلة ينخز بالطبيب بالسوق بالدوام

مو بس الريال مع زوجتة يخزونهم

مع الاسم ظاهرة منتشرة

معاااااااااااااااااااااااااااااااهااااااااااااااااااااا :eh_s(15)::eh_s (15)::rerrerek::rerrerek:

 

[‏إنگِسَارْ آلشَـوْق ..!]

رد : رد: موضوع الخز انطرح وايد ،، بس هالمرة السؤال من زوجي

بكل مكان يخزون ..~
ملاحظه هالشي واااجد ..~
وربي حتى عند الإشاره يبطلون عيونهم .. ليش ؟ مدري ؟
لقافه ..!
فضول ..!
حب استطلاع ..!
كل شي تقدرين تقولينه ..؟
وبالأخير (قلة أدب) .. والله صج جذي صاروا البنات .. بس صح لما يكون الواحد مع زوجته يخزونهم أكثر الظاهر يشوفونهم شنو يسوون ..!؟
عاد بصراحه أنا لاشفت وحده جذي .. اغثها وأمسك ايد زوجي .. كيفي


يسلمو مي // الموضوع بوقته خصوصا هالأيام والدوجه بالسوق
^_^

 

[a7la MUM]

رد : رد: موضوع الخز انطرح وايد ،، بس هالمرة السؤال من زوجي

الموضوع ياي بوقته
امس انا وريلي و وليدي هالنتفه رايحين البيرق وقعدنا بستار بكس وحده قاعده جبالنا بس عرفتي اللي شكلها بريئه عبايه وحجاب زااااااانطه روحها فيه بدون ولاقطرة مكياج وطااااااااااااايحه خز!!!
عاد انا شفتها جيكرة وماتنبلع قتله وي شوفها هاذي معجبه فيك شوووووفها شلون اطالعك!!
المهم قتله بروح امشي ولدي وبخليها تاخذ راحتها بشوفها شتسوي المهم طلعت ووقفت بره اتابع الحدث ولا اطالعه وتبوسم بنت اللذينا عيني عينك لعنبوج توج ياهل بو17سنه ((على فكرة انا 19سنه لوووول)) والله ماتستحين!!!
المهم دشيت جان اروحلها طاولتها قتلها حبيبتي ماماتي عيب عليج تخزين ريال متزوج تبين اكلم امج الحين كانو امها واخوها يطلبون ورحت عند امها تخيلووووووو يعني بكلمها وانا اصلا قتلها لو سمحتي عباتج عاجبتني والتفت عالحلوة وابتسمت ومسكت ايد زوجي وطلعت عاااااااد اهي شكلها يضحك مااااااااااتت خوف من امها خافت اتحاجيها لووووووووول
فهمتو ولا لا ولدي بحضني لعوزني

 

[.،:"$الـعـوبــــة$":،.]

رد : موضوع الخز انطرح وايد ،، بس هالمرة السؤال من زوجي

اهلين مي،،
شوفي يالغالية قبل كنت اتضايق ، الحين ولااااااااااااااااااهمني ، تخز لين تقول بس ، واللي ماتوصله بايدها تطاوله برجولها على قولتهم !
بس اللي صاير يغثني لما يكونون عيالي معانا ، ولهيت بالسوق ، تلقينها وبكل وقاحه تقرب من الجاهل وتبوسه قدام ابوه ، والله يخليه لك ، وياحلاته !!
شوووووووووووووف الحركاااااات السخيفة بس !!
بس عيالي قلبهم على قلب أمهم فديتهم !
ولدي ابيضاني ونتفه !! لدرجة ماتخيلونها ! مربع صغير ! وملبسته مرة دشداشة سودا ولافة راسة بغترة نفس الاماراتيين ،
اشوف ناس واجد يتكلمون عنه ويأشرون له ويضحكون !
بس يوم دشيت مذركير، ابوه كان ماسكه قربت وحده الكحلة منييييييييييييه لي مناااااااااك،والحمرة برتقااااااااااالي ! وتمسكه وتلمس غترته وتقول ياحلاااااته ! عاد هو فجأة ( حيوانة كلي كترة ) !
الترجمه=(حيوانة خلي الغترة)
ودزها ويمشي ويخزها ! فديت الدقمه ياناس !
وانا قريبة منهم واطالع واضحك بشوف آخرتها، ورجلي ولاكنه يشوفها راح ورى ولدي وجابه وجوا عندي ! وانا أخزها وابتسم مبين من خدودي بالنقاب وارفع حاجب ،بما معناه (انك ماتسوى عليك تهزأتي)​

 

[( مي )]

رد: رد : موضوع الخز انطرح وايد ،، بس هالمرة السؤال من زوجي

على قولتكم
بيخزون كيفهم انا من قبل ولا مرة اشتكيت من هالسالفة
بس اللي زوجي لاحظه واستغرب
ليش مع زوجته وعياله ياكلونا اكل بالخز
واهو بالذات بالعناد يخزونه خز
بروحه محد درى عنه

عاد اقوله انت الحين بعرف متضايق انك بروحك ما يخزونك ؟؟
ولا مستانس ولا شالسالفة
يضحك يقولي لا بس انا ودي افهم اهم شنو غرضهم من هالشي ؟؟
لوووول

احلى مام : فهمناج الله يحفظ وليدج انشالله

العوبة
ضحكتيني ولدي صغير وتنفة ومربع هههههههه

تسلمون بنات كلكم

 

[ملكتني بالحب]

شوووفي حبوووبه

انا وحده اطالع الناس بالسوووق الله لو كان واااحد ومرته قمه في الوناسه عندي احب اطلع الاختلافات السبع الي بينهم

بس مو مأخذه الموضوع خز عن قصد لا بس جد جد احب اطالع وهذي اعتبرها مشكله

الصراحه مو حلوه الوحده تحزز بالناس
البعض يعتبرها وقااحه

بس والله اني ارووح السووق من غير لا اكشخ عشان ابين انه اخز من غير غرض يعني بس كذاااا عبط

مره خزيت وااحد بسوووق حييل والله مو عشان شي بس احسبه خالي عشان كذا ركزت الا امرته تخزني خز والله خفت منها
هههههههههههههههههههههههههههههه

ادري انكم راح تكرهوني بس انا حبيت ابين انه مو كل الي يخزون قااصدين
وللعلم انا بس اطالع ما اخز:s141:​

 

[◇◇◆»RyoOoma]

رد : موضوع الخز انطرح وايد ،، بس هالمرة السؤال من زوجي

لوووول صح انا ملاحظة هل شي مره اخوي قال واحد من ربعه طول ما اهوا عزوبي ولا بنت طلت بويها بس تزوج ماكو بنت ماطالعته ويا زوجته.. السبب بنظري عشان البنت تسبب شرار بين الريال ومرته ولا شتبي بواحد متزوج الحين حتى لو الريال الشيب تارس راسه وطالع ويه مرته ماكو بنت ماطالعة لوووول

 

[الأميرة جوري]

رد: رد : موضوع الخز انطرح وايد ،، بس هالمرة السؤال من زوجي

انا بصراحه كيفها خل تخز زوجي مشكلتى بصراحه يخزون عيالي اسم الله عليهم حييييييييييييييل يخزون يامال عيونهم للبط والله اخاف عليهم ووحده من بناتتتى اسم الله عليها تحسين الجمال طالع من خدوووووووووودها والشعر يابعد عمري <دوووووووم اخاف عليها حتى لمن اكون بسوق لازم حتى الشباب يسلمون عليها واتلها واخزهم يخترعون هههههههههه يمه صج اخاف عليها عمرها 6 سنين وتبجى اذا ماخذيتها ,,,,,,,

 

[هاديهـ&مطيعهـ]

رد : موضوع الخز انطرح وايد ،، بس هالمرة السؤال من زوجي

بس يخزونكم عشان يحرونج ويطلعون الطلعه من عيونج وتنبط جبدج سبب الخز (( الزوجه )) بس حره ليش أهي طالعه مع زوجها ومستانسه بيشوفون شنو الزود اللي فيها مخلي ريلها يطلعها
على كل تحليلاتي للحين مالقيت السبب بالضبط

 

[ام انتيكه]

رد : موضوع الخز انطرح وايد ،، بس هالمرة السؤال من زوجي

هالظاهره منتشره بشكل موصج الله يشافي الجميع منها
انا بنتي مسويه استنفارات بكل مكان لي رحت مكان وماخزوها سملله عليها تكون معجزه يوقفوني وبوسون والي يسأل عمرها وحاله واخر مره كنت وياها ولا من كثر ماطاحو فيها خز بالمجمع والناس اطالع فيها انتبه الظاهر عليها ريال من المطاوعه انا دايره ويهي اتشرى ولا التفت واهوا يسمي عليها ويقرا ويقطيها ويمشي ولا معاه زوجته واعياله ارتحت انه
قصده خير وانه الله يابه لي يقرا المعوذات على بنتي وبس ...... وانشالله كل واحد نيته يخز قرضه شريف,:hearting:,

:e3:
​

 

[للزين هيبه]

رد: رد : موضوع الخز انطرح وايد ،، بس هالمرة السؤال من زوجي

اقسم بالله ياميوووووش نفس سؤاااال زوووجي
تخيلو كل ماارووح السوووق
يشوووف الهيلقيااات يخزووووني خززز ويااليت الخززززه خزززه حلووو
لااااااااااااا خزه من فووووق لي تحت
جاان يلف علي زوجي قاال تعرفينها ؟؟؟
قلت لاء؟؟؟
قااال امبلاا شقتج شق بالخز
قلت والله ماعرفها
والسالفه قبل اسبوووع وللحين يقوول حلفي ماتعرفينها @@