موضوعي عن الخدامة

[ReD&FoSHia]

انا اكتشفت انه الخدم لما ايوون يخربوون نظام اليهال .. تبي اتشيله و اتلقمه بايدها حتى لو كبار .. مايصير ... ولدي ابتدائي كبير يبت توني هندية لاني حامل و عندي بنتين 6 و 5 سنين ومع هذا كل مرة الاقيها ادش عليهم اتوكلهم .. وجم مرة احاجيها اتنرفززني اتقولي اوكي واترد نفس الحالة .. عندي نيبالية تامة عندي اكثر من سنتين وبهالفترة مادشيت لقيتها اتوكل عيالي جنهم يهال ولا معاقين .. و مهما اتحجين ويا الهندية تعطييج فيلم تبجي واتقولج اوكي وخلاص اخر مرة واتعيدها ؟؟... شتسوين فيها هذي .. وعيالي كبار مايحتاجون مراقبة بالاكل اصلن

 

[بنت^كآليفورنيآ]

الله يكون بالعون


عادي والله لا تدققين على الاشياء الصغيره

بس لاتغثينها صدقيني تحط الحره بعيالج

 

[Mrs.H]

اي والله صاجة.. انا بعد اوصل لدرجة ان ودي اطنشه واكمل نومي لكن قلبي يعورني لانه ولدي وصراحة انا نفسيتي تتعب حيييييل معاه لان اسم الله عليه غثيث ودعلة وفوق هذا يبيج اراغوز24 ساعة مع انه مايضحك علشان جذي احاول اخليه معاي اطول وقت وعلى فكرة وقت الغدا والاكل احطه بكرسي واكل واسويله حركات علشان لايمل ويبجي..امس رادة من العمرة وانا مو نايمة من صلاة الفير بس اخذته بالليل وتحملته لان ولدي محد يتحمله غيري خليته عند امي ليلتين وحسيت اني استاثمت فيها الله يعينها
عيل شلون الخدامة؟

انا راعية مواجيب بس مشاويري قصيرة وما ارد متأخر ونوعيتي ما اطلع بيتوتية بس اروح استقبال ثلث نص ساعة وارد حتى العرس ساعة كلش كلش ساعتين انا عودت الناس اني ايي العرس مبجر وارد مبجر
وانا ماخذة اجازة اتفرغ للبيبي بتخلص قريب وراح يتضطر البيبي يقعد مع الخدامة وقت دوامي

على فكرة انا كان عادي عندي احمل بعد الاربعين بس بعد ماعرفت الامومة وفهمت ان الولد يبي مجابل واهتمام اجلت الفكرة ليما احس ان وضعه اوكي ذيج الساعة احمل

 

[Bio_reem]

انا مع ان الخدامة لشغل البيت والعيال شغل الام والاهل
شخصيا ولدي كمل ٣ سنوات ما عندي خدامه،. برمضان وصلت خدامه طالبتها لاني حامل وقعدت شهرين وسفرتها، بهالشهرين انا اطبخ، وولدي اميه بالاميه علي حتى مايرضى ترفعه للمغسله اذا بغسل ايده بعد اللغدا ، الحين ولدت وماعندي خدامه

 

[أم يزيد &سديم&]

عموما الخدم شر لا بد منه
واتقين الله فيهن
أهم شيء

 

[انتيكا]

حبيبتي مالومج وصح كلامج انا بغربه وولدي عمره 10 شهور وماعندي خدااامه انا ماسكته وشغل البيت تعب نفسي بس حتى لما كانت عندي خدامه ماخليها تمسكه انا امسكه ما امن من السوالف اللي اسمعها

 

[لذه السكر]

انا جربت الوضع 6 اشهر من غير خدامه بغيت اموت والله ماتصير 8 الا ادور الفراش دواره

وعقبها يتني ومثل ما قلتي لشغل البيت فقققط صراحه البيت ما ادري عنه قاطته عليها اللهم اجيك من وراها كل يوم وغسيل الملابس علي وبس

ولدي اتعمد ينام متاخر بال12 عشان الصبح انا بالدوام يقعد متاخر الضحى والا الظهر شوي الا انا راده ماياذيها والحمدلله من ارد البيت عندي

الحمدلله لان تعود عالجايد الحين عمره سنتين فديته احس شال عمره لوما العناد بس

الاكل احط صحنه على بباي ميكي واقصص تفاح و صمونه ومكسرات واحطه بداره واهو يلعب اذا شاف الاكل اكل اذا مو يوعان يخليه اوكله بعدين ...... ما اتعب نفسي واراكض لان اليهال مخهم باللعب

داره مزهبتها بس حقه كل الالعاب والقصص موجوده وماكو شي خطر اخاف عليه يتعور انسدح بداره العصاري واهو يلعب لما ينام والا يقعدني يبي شي

الحمدلله ماكو اي باد مثل باجي اليهال مجابله مغيب عليه اييي اعطيه اذا واصله حدي ومالي خلق يلعب العاب تعليميه وبالكثير ساعه ساعه ونص واشيله

الطلعه كل مكان وياي اذا الياهل تعود من اهو صغير يطلع مع اهله راح يحترم قوانين الطلعه

هذي شوي افكار اساعدكم فيها

وهذي الامومه والاجر ما ناخذه ببلاش الحمدلله عالنعمه