~*|| موضوعي الثقيل من عقب غيبه : لوك عرسي + منتجات حبيتها ,, حياكم :) ||*~

[حلآوهـ حمرهـ]

السلآم عليكم ..



شو اخبأركم يا حلوأت ؟؟ اكيد اشتقتولي :eh_s(22):

والسموحه انقطعت عنكم وانشغلت بالدراسه وعلى ابواب التخرج ادعولي :yaaaaaarb:





موضوعي هالمره ملياان : لوك عرسي ومنتجات حبيتها وشويه حركات بتعيبكم ان شاءالله



شغلات شريتها وحبيتها واتمنى صدق انكم اتجربونها ..



شنطه الميك اب .. احلى شي خذته الصراحه من السوق الصيني اللي بدبي وحاطه فيه كل ميك ابي وفر علي المكان والوقت .. واشيلها وياي اذا ببات برع البيت ماقدر استغني عنها :eh_s(9):





سيروم جيرلان بالذهب .. عرضته بموضوعي قبل بدون تجربه .. بعد التجربه وااايد حبيته يعني الميك اب معاه صدق صدق يفررق وماقدر استغني عنه .. من ناحيه التثبيت زوين .. يعطي لمعه للويه رووووعه سواء بالميك اب او بدون ميك اب وحده خفيف مثل الماي ..





من ريد ايرث .. عاليمين سيروم للبشرة الدهنيه , روعه اليوم الصبح اول مره اجربه لانه بشرتي صايره دهنييييه يعني عقب ساعه من الميك اب يبدا ويهي يلممع ويخترب مكياجي .. ولما جربته اليوم ويهي مالمع واحس بشرتي مشدووده وناشفه واايد حبيته .. حطيته الساعه 8 الصبح قبل الميك اب ورديت البيت 12 الظهر ويهي مثل ماهو ناشف بدون لمعه :eh_s(9):

وعاليسار لوز باودر .. عيبتي وايد رقم 3 غامجه علي كانها برونز بس حلوه حق الصيف واذا حطيتي فاونديشن فاتح عليج حطي فوقه بودره غامجه عشان يتساوى اللون





شرايح تزيل صبغ الاظافر .. تلاقينها بالجمعيه .. اهي تنظف عدددددل بس بطيئه شوي .. انا استخدمها عقب الاسيتون العادي لما اكون حاطه مناكير غااامج ويبقى لون خفيف على الاظافر تشيله وترد الظفر مثل ماكان ولا كانج حاطه عليه مناكير




كونسيلر دي ام جي ام .. رقم 1 ولونه كانه حليب فراوله بينكي فااااااتح .. خذته للاظاءه رهيييب
عقب الفاندويشن احط منه شوي تحت حاجبي وعلى خدودي وعقب احط فوقه البودره يعطي اضاءه حلوة
وطبيعيه




عدساتي اللي احبهم .. فرش لوك اليوميه .. مالبس عدسات كل يوم بس ف المناسبات وا اذا طالعه مع ريلي او حتى للجامعه اذا خاطري اكشخ .. العسلي والرمادي اليوميه بس ومالقيت الالوان الثانيه كلهم شهريه .. رووعه يا بنات واايد زاااااااهيه وواضحه عالعين انا جربت تراي كلر صح فاتحه وحلوة بس باهته عالعين وبالميك اب الثقيل احسها تضيع وغير انها متعبه وثقيله شوي .. اما هذي مول ماحسيت فيها ومافكر اغيرها




ماسكرا ميبلين .. جفتها على عين ربيعتي خبااااال جنها تركيب .. بس لما انا جربتها ماحبيتها وايد يعني شوي تكتل بس الحلو فيها وايد عمليه وتوصلين للرموش الصغار بسرعه يعني زينه للصبح او للوكات الناعمه




شدواتي البنيه .. اموووت ف اللون البني بالميك اب .. من ماك وماكس فاكتور وميك اب فور ايفر52 اشتخدمهم ك شدوات وارسم فيهم حواجبي




عاليمين باليت nyx رووووعه للنو ميك اب مع اني ماحب احط شدو كل يوم بس هذا صدق حبيته احط اللون البني الفاتح على كل الجفن المتحرك واللون البني الغامج عالجفن الثابت والابيض تحت الحاجب رووعه ومات بدون لمعه .. والباليت الثاني توقع من دي ام جي ام , خذته عشان الاضاءه البيضا رووعه لتحت الحاجب وفيها لمعه خفيفه والشدو الاسود وااضح ولمعته حلوة للمناسبات




باليت بلاشرات من ماركه مكياج .. رهيييييييييييييب :eh_s(2): كل الالوان اللي احبها فييه ومعلمه عليهم بالازرق .. الوانه وااضحه وحلوووووة وكل الدرجات اللي احبها ماقدر استغني عنه :ggdw:

 

[حلآوهـ حمرهـ]

ارواجي اللي استخدمهم حاليا وتوفقت ف اختيارهم .. اول لون فوق من nyx روعه لونه مايل عالبطيخي
والباقين كلهم من برستيج .. 2 واحد فوق بو غطا ابيض روووووووووعه لونه فضيع بيبي بينك ويحلي يحلي بشكل ماتتخيلونه ولونه طبيعي لايسمر ولا يبهت مستحيل تندمون عليه ويوالم كل البشرات وكريمي ودج تاكلينه رقمه CLL19 ..




قلوساتي يممممي .. الوانهم وااااو ويخلون الشفايف مثل الزجاج صدق رووعه




مناكيراتي اللي احبهم من ريد ايرث عاليسار .. الوانه روووعه وثقيل مال طبقه وحده بس والثاني لونه زاااهي وحلوو اكيد اتجوفون الكشك مالهم ف المولات ..

وانا احب احط لون المناكير والروج نفس الشي ..




العطر اللي عاليمين دكني اسمه قولدن دليشوس .. موطبيعي فظييييع ريحته شي خياااالي بالنسبالي طبعا يمكن تحسونه عادي بس انا متخبله عليه وبسرعه خلص عندي ريحته غير غير حتى لما احطه ماحط وياه دهن عود ولا عطر ثاني بروحه يكفي .. جربوه صدق بيعيبكم .. والثاني من الرصاصي دهن عود رش وايد حلوو مب مخلط لا ريحته دهن عود صافي لاني اتعايز ساعات احط دهن العود عند اذوني واتمسح فيه هذا اسرع ..


--------------------------------------


حركه حلوة امس جربتها باظافري .. كلنا نحب الاظافر لما يكون لونها وردي طبيعي وصحي .. انا اظافري الحمدالله ورديه من الله بس لما احط مناكير فوشي وعقب اشيله يبقى لون وردي خفييف عالاظافر يخليها حلووووة ف يبت الروج السحري كلنا نعرفه اكيد .. ومسحت عالخفيف على اظافري عطاها لون وردي حلوو جربوها حلوة الحركه ..

------------------------------






الحين انيي للوك العرس .. بتستغربون من لوكي لانه ناااااعم واااااايد وخفيييف لدرجه انه مافيه لون اسود نهائيا .. لاني صبغت شعري عسلي بخصل بلاتينيه وحواجبي بعد فتحتها ولوكي كان بالوان ترابيه ومسحه برونز


ماشاءالله ..












هالصور بدون تعديل ولا فوتوشوب عشان ابين الوان الشدو عدل .. لانهم صفوا البشره وبيضوا عيني لانها محمره من العدسات ..
حده نااعم صح ؟؟ العدسات تراي كلر الزرقا .. الرموش بالحبات مو كامله ..

حطتلي بلاشر خفييييييف يادوب يحدد خدودي .. الروج بيبي بينك

عن نفسي راضيه وايد عن ميك ابي مابقتنع بكلام اي وحده تقولي خفيف عادي مب مال عروس لاني اعرف لعمري كل ماكثرت المكياج وغمجته صرت ساحره



وبس فديتكم هذا اللي عندي الحين .. اي شي خاطركم تسالونه او تبون تشوفونه انا فالخدمه

والسموحه عالتقصير :eh_s(22):

 

[يازمان العجايب]

من طول الغيبات جاب الغنائم
وفعلا جبتي احلي غنايم
الف مبروك الزواج
بالنسبه للأغراض
جربت جيرلان حلو مخليته للمناسبات
ماسكرا ميبيلين ماعجبتني كلش
ريد ايرث ماجربته

 

[كوريا وبس]

هلا حبيبت قلبي نورتي المنتدى

انشاء الله من الناجحين والاوائل

اب صراحة المنتجات عجيييييييييبة

تهبل

تسلمين حبيبتي

 

[كوريا وبس]

والف الف الف الف

مبرووووووك على الزواج

والله يخليكم لبعض ويبعد عنكم كل شر

 

[مملكه الرشاقه]

الف مبروك عالزواج والله يهنيج
يعطيج العافيه عالموضوع الحلووووو ماشاءالله اغراضج حلوه
واللوك ناعم اول مره اشوف عروس مكياجها ناعم جذي ماشاءالله

 

[بنوته حيرانه]

ما شالله لوكك مره حلو وناعم

وصادقه احنا عندنا معتقد ان العروس لازم تحذ كيلو مكياج ليلة عرسها !!

وهذا خطأ لان كل وحده تحط اللي يخليها باجمل حالاتها سواء كان كثير او خفيف

بعض البنات مو حلوات تحتاج ميك اب كثير يغطي عيوب البشره ويعمل كونترول للملامح هذي شعليها خليها تحط كيلوين مو بس كيلو

والبنت النعومه لو تحط خفيف تبين جمالها ،، ولو تكثر تخفي جمالها وتطلع عجوز ساحره زي اللي بكاتالوج سحر الشرق خخخخخخخخخ

 

[A7la 7oorya]

woooow 3jeeeb mshallah waayed 7lw w naa3m a9ln a7la chthy!! w mbroook 7bebtiii!!

up
up
up

 

[Lavita]

ماشاء الله اغراضك رووعه ومبروووووك ياعروووسة : )

 

[SpiceGirl]

اهلا اهلا

من طول الغيبات جاب الغنايم p;

مبروك الزواج و الله يهنيج

و بالعكس حلاته مكياج العروس يكون ناعم .. ماحب مكياجنا الاوفر بالعروس

حلوو لوكج مشالله .. احس ستايلج تغير "للاحلى اكيد" :eh_s(22):

و تتهنين بمكياجج


و لآ تقطعين :eh_s(17):

 

[نورسينا]

روووعه

 

[حلآوهـ حمرهـ]

تسلمون حبيباتي ماتقصروون ..

انا هذا حدي بالمكياج اكثر من جي عادي مااعرفني خخخخ

 

[كريستال]

بالمبارك والله يرزقكم الذريه الصالحه

عجبتني اغراضج وجيرلان كنت افكر اخذه بس كلامج اقنعني فيه اكثر

مكياج عرسج ناعم ولوكج خطير ماشاء الله باربي


تهنيتي

 

[foshia girl]

ألف مبروووووووووووووووووك
تهنيتي يارب
واللوك نعوووم ولايق عليج قموووره اسم الله عليج

الله يحفظج ويهنيج ياااارب

 

[نورسينا]

بالعكس هيك جونان واللي ما يعجبه ما عنده نظر!

 

[pama girl]

الف مبرووووك


ومشكورة على الموضوع الحلو

 

[كـآتـيّ]

آلف مبروؤوؤوؤوؤوؤگ ،. تتهنين حبوبـهّ

لوووگج رووعه ،

 

[Confused Girl]

اول شي مبروك
و بالعكس الناعم حلوو .. احلى لوك شفته عليج

 

[- BambeNo -]

ماشاءالله روعه بالعكس أحلى الميك اب الناعم ..
منو معدلنج ؟
مبروووك يالغلا والله يرزقج بالذريه الصالحه..

 

[من يشابه ديرتي]

الف مبرووووووووووووووك والله يهنيج :eh_s(17):
لوكج حلووووو:rerrerek:

^
بغيت أسألج عن ريد ايرث مبطل عندكم الحين؟؟ ووين ؟
لان الي عندنا سكروه