موضوعه ،، مايهمني

[امـ جوجو]

بصرراحه استحي اطنش او ادقره او اسوي نفسي مو مستمعه لانه عمره مادقرني

 

[chocolate-T]

وعليا علي اسمع واهتم وعيوني تنط لي بررا وريجي ينشف من الاهتمام
وانا لي تحجيت حجوة يا يان يدوخ وينام مايكملها لي الاخر
او انه الدقرة بالمخبه
والتدقر الكوود بربع بالله ماتعطينا حل وياهم؟؟؟؟؟؟؟؟؟؟؟

ميرسي عالمواضيع الحلوة

 

[( مي )]

ههههههههههه
بدعتوا​

انا ساعات اسمعه وانا اقول بقلبي ياربي متى يخلص
ياربي تخلص سالفته
والله يهديه ما يتسلط بالسوالف البايخة إلا وقت النوم ،، يصير الصبح يقولي مع ويهج اسولف لج انطرج تردين القاج نايمة @@
هههههههههه​

وانا ساعات اذا سولفت عادي فجأة الا اشوفه يحوس بموبايله او فجأة ينفعل مع المباراة ويصرخ وانا اتكلم بموضوعي @@ ،، ولا يقوم يتذكر شغلة فجأة
عاد بعدين يعتذر ويقولي كملي سالفتج
انا اقوله بس طاف
لأني صج اندقر واحسه يجامل مو من صج​

 

[JANAA]

الاغلب اناقشه واسولف معاه حتى لو مالي خلق

بس نادرا ما اتبوسم واهز راسي واعلق تعليقات مقتضبه

وهو نوعه موقرقي نادرا ماينطلق​

سيم سيم :eh_s(15)::eh_s(15):

 

[FeShinGoOo]

لاااا عاد لقيتي انا زوجي لو ما اخليه يكمل السالفه او اقاطعه ياكلني هالمره احسسه ان سالفته ممله ؟؟

اسمع وصج ساعات اتثاوب وانعس بس اسمع واسوي روحي مهتمه ومن داخلي ودي ازنطه اففففف ياكثر ماتصير هالحركه

 

[FeShinGoOo]

اما انا لو اسولف اكل تبن حشاج على ما اخلص سالفتي

نفس امس طالعين كوفي وبقوله سالفه اول مره رن تلفونه ورد :/ ثاني مره بقولها هم رن تلفونه ورد ثالث مره هم بقولها رن تلفونه ورد جان اعصب قتله العن ابو السالفه الي طلعت من عيني .. كلش ماكو احترام بط جبدي

 

[om.7madiiin]

لووول انا ريلي يقرق يقرق يقرق
اسمعه و اي لالا شلووون و منو و ليش و شحقة يندمج معاي

واذا سالفه مليقة اتثاوب و ادوخ لووول >حقيررة

و اذا انا سوولفت و ما عجبته السالفة يقولي فطوم سالفتج مليقة لوول
و مرات يقووولي اي اي شلوونج بعد لوول عشان اسكت لووول
ومرات اسووولف بنص السالفه يغمض عينه و لا يشووف فوق مو هامة

بس عادي تعودت قمت اسوي نفسه اذا سالفه مليقة اشووف فوق و يمين و تحت
بعدين يستوعب ان مو عاجبة الموضوع و يقعد يضحك لووول وبث

 

[فيفي الحلوة]

اول ما اخذت ريلي كان دايما يسولف بالسياسة وانا بس اها ،،اهممم،،، زين او اهز راس مثل الهبلة وانا لايعة جبدي ويا ويلي ويا سواد ليلي اذا ما شغلت حواسي معاه او فريت راسي شوي للتلفزيون يعطيني محاضرة شطولها انه عيب ولازم تنتبهين لي وانا اذا تسولفين ما اسوي لج جذي ...الحين عقب 10 سنوات من هالحنة والزنة على راسي صرت اخذ واعطي وياه واتناقش جنا قاعدين في ديوانية ....اما سوالفي اللي تخصني اهوا نفس الشي يهز راسه واها وزين وبعدين بس ما يدقرني...لكن غالبا هالسوالف اطلع حرتي فيها مع خواتي وصديقاتي.

 

[miss_7sawiya]

شوووفي اسمع اي موضووع بس اذا ما عجبني اعطي المووضووع طاااف خصووصا اذا تكلم عن الكرة >> اقووله انا شكوو اذا فازو ولا خسروااا عسااهم يحترقووون اي والله لان اغلب مواضيع ريلي عن الكرة حيااته بس كرة غيره ما عندة

 

[دنيا الهم]

عادي خل يدقر المهم اطلع الي بقلبي خصوصا اذا كانت حرة هههههههههههههه-

 

[انا لحبيبي .]

بالنسبه الي بسمع وبناقش ، لانه بفكر بالمستقبل اولادي مثلا يكون ميولهم متل ابوهم ويسالوني سؤال بهاالمجال او الخصوص واكون عارفه ، بحب اعرف كل شي

تسلمي ع الموضوع ،،

 

[alhnan]

والله المفروض تحمدون ربكم عندكم زوج يجابلكم و يسولف معاكم

انا لو مكانكم و زوجي يسولف معاي و يجابلني و يطيحله سوالف ابين له اني مهتمه

 

[dectora 7elwa]

اهو خل يسولف بالاول
اللي عندي حالته مستعصيه

 

[المنبثقة]

بالعكس اسولف معه واخذ واعطي معه وبعد زواجي عرفت لاعبين المنتخب والانديه منه ..........

وعلى فكرة لازم الزوجه تنصت لزوجها وتاخذ وتعطي معه .......هم سواليفهم كذه عن دوامهم وربعهم والكورة .....

لازم مانكون زوجات بس .....لازم نكون اصدقاء لهم بعد ............ز

اعرف وحده كانت كذه ماتعطي زوجها اهتمام لسواليفه عن الكورة مثلا وربعه .....الخ .

الحين هو اول مايجي من الدوام ينام الظهر بس وبعدها يقضي يومه عند ربعه ومايرد الا اخر الليل .......

وهي الحين ندمانه لانها ماكانت تعطيه اهتمام وتحس انه راح من يدها ..........

 

[PuPa^^SWeeT]

انا اذا سولفت حق ريلي سالفة ماتهمه شيسوي ؟؟؟ يسالني على طول جم الساعة

شرااايكم

اما انا اذ سالفته دوختني ولا ماهمتني سكتت و اهزز راسي ( اااا اييي وبعديين )

بس الاذن مسكرة
لووووووووووووووووووووووووووووووووووول

 

[جوري 2007]

طبعا اجاريه

انا خدامتي ماحب ادقرها ولا اي انسان بالدنيا حتى لو ياهل

هالدور ابو عيالي

اجاريه وامري الله

 

[om al ghaleen]

لا اسمعه مااحب اطنش اللي يسولف معاي
حتى لو كان غير ريلي

لاني مااحب اسولف واحد يقاطعني او يكون مو منتبه

 

[اشتياق]

امممم
وي
لاااا
امبيه
كككككك
واريح عمري لوووووووووووووول

 

[ريانة العود ،،]

أمشي معاه ع الخـــط لووول لو ماادري ش الطبخه خخخ