موضـوعي هذا لـوجه الله

[معي احلى]

كلامش ماعليه غبار ..



بس احيانا النساء توصل للمستشفي المناوب يكون طبيب مش طبيبه مافي مجال اختيار وهي في حالة ولاده



او حالتها تستدعي طبيب يعني خبره اكثر من الطبيبات ..




(عن نفسي عازبه بس اسمع انه احيانا خارج عن ارادة المراة .. )

 

[&هند&]

عاد انا مخططه اذا حملت ان شاء الله بولد عند دكتور حيان الاحمد لانه يولد طبيعي من بعد قيصريه وانا تعبت حيل بقيصريتي والله احترت من قريت موضوعج


جزاج الله خير ،،،

 

[M!Ss Smart]

كلامج صح حرام ومايجوز ان تولدين عند دكتور ومو بس الولاده حتى العمليات الجراحيه دام في دكتوره مايجوز دكتور يكشف عليييييكم لان بتاخذين ذنب لاتقولون هذا اشطر اللي يتوكل ع الله الله يبارك له فيه عمليته او اي س لان ترك الحرام وراح للحلال رضى بالله

 

[الغيلم]

بموازين حسناتج خيتي

 

[اللهم الجنة]

من ترك شيئا لله عوضه الله خيراااااا منه

 

[Aloe Vera]

اللي يقولون الضرورات تبيح المحظورات مافهمت عليهم

يعني الحين بالكويت كلها مافي ولااااا دكتورة امرأة تعرف تولد طبيعي بعد قيصري؟؟؟
و مافي ولا دكتورة تعرف تفر الجنين ؟؟


و اعرف وحدة منقبة تولد بالحكومة تقول لايمكن يدخل علي دكتور لو مافي دكتورة تولدها الممرضة بس مستحيل ريال يشوف عورتها و ترا الممرضات بعضهم شهادتهم توليد يعني قابله عندها صلاحية تولد

انا وحدة الحمدلله من التزمت الله مسخرلي دكاترة حريم بكل مجال القاهم و من احسن مايكون حتى بالعمليات ستاف نسائي كامل

 

[Flower20]

مشكورة عن نفسي ما كنت ابي دكتور
بس شفت الموت كنت بس ابي ارتاح
فحسب الطبيب الي بالمناوبة خاصة الي تييها ولادة فجاة نفس حالتي
بس لما اتذكر السالفة تكش نفسي بس لا حول ولا قوة

 

[عسل حدي]

رب لا تذرني فردا وانت خير الوارثين

 

[مشتطـه]

بنات بالنسبة حق اللي الياهل مفتر

والي بتولد طبيعي عقب قيصري ؟


من قال بإيد الدكتووووور ؟؟؟؟؟؟؟؟؟؟؟

هذا كله بإيد الله

و وايد حريم يعرفون يفرون ويولدون طبيعي بإرادة الله دورو وتلقون



كيكفكم انا نبهتكم

هند توكلي على الله وادعي انج تولدين طبيعي
الدكاترة ما بإيدهم شي كل شي بإيد ربج



قبل الحريم بدون شهادة ولا دراسه اهم اللي يولدون

 

[نونا**]

اللي تقول ماكو دكتوره تعرف تولد طبيعي بعد قيصريه ياختج كا موضوعي بالقسم محد عطاني اسم دكتوره !!!احنا مانالف حجي الناس اللي مرت بتجارب وتعرضت لامور مو زينه اكيد بتتكلم من واقع تجربتها اما اللي والده طبيعي اكيد بتقول نفس ماتقولون !!عالعموم حتى بالعمليات بالعمليات دكتورتي ناهده العلي وطبيب التخدير كان مصري ريال يعني ماتضمنين!! ويعطيج العافيه مشتطه ان شالله بميزان حسناتج!!

 

[Aloe Vera]

عادي انا داشة عمليات مو ولادة شي مايخص الولادة كل الدكاترة حريم من تخدير و جراحة و ممرضات كل شي موجود و اللي تبي تلقى لا انا دافعة فلوس و شرطي كلهم حريييييم و شفتهم بعيوني بغرفة العمليات

و بعدين موضوع بالمنتدى مو مقياس علشان تحكمون ان مافي دكاترة حريم يعرفون يولدون طبيعي بعد قيصري
انا بنفسي شفت فيديو باليوتيوب دكتورة نجلاء الزعفراني تتكلم عن هالشي و طريقته و ياما حريم ولدو طبيعي بعد قيصري و عند دكاترة حريم ترا الموضوع مو معجزة عشان ماتتم الا على ايد فلان و لا فلان

 

[مشتطـه]

Aloe Vera
عدل كلااااااامج


نونا انتي ما شرطتي وشي طبيعي التخدير بيكون دكتووور
والمنتدى مو كل شي فيه ؟

ولانكم مو متوكلين على الله وحاطين ف بالكم ان بإيد الدكتورة هالمسألة ما راح تتوفقون

 

[أبكاني ذنبي]

جزاج الله خير توني ادري

بس بالعموم انا مستحيل حتئ السونار اسويه عند ريال


ولدت عند دكتوره وهالمره عند دكتوره ان شاء الله

 

[مشتطـه]

اي زين سويتي

اصلا حزة الولادة تستحين حيييل

انا مت من الحيا من السستر

 

[غلآآ زوجها]

جززززاج الله خير ،،،، سبحان الله مره كنت اعالج وكانت دكتورتي موًموجودة مافي الا دكتور حسيت شكلي غلط وكاني اسوي شي غلططط ما ارتحت طلعت منه

 

[مشتطـه]

سبحان الله

حياج الله نورتي يا غلا

 

[أإلع ـشق دلع ـهـأإ]

بنات من صجكم شالكلام شنو دكتور يولد طبيعي عقب عمليه من صجكم !!!

نسيتوا ان الولاده بيد الله سبحانه واهو اللي يحدد طبيعي ولا عمليه حتى اشطر الدكاتره ماراح يحددون اذا ربي راااد شيئ قال كن فيكون

ادري بتقولون احنا ندري بس نبذل الاسباب

غلللللط انتي سويتي ذنب انج اعتمدتي ع الدكتور انه بيولدج طبيعي

لو انج متوكله ع الله حق توكل ودعيته بكل صلاة وقلتي ربي اني بترك الدكتور لوجهك الكريم فكتب لي ولاده طبيعيه عند احسن دكتووره


صدقيني بتتيسر ولادتج وربي بيرزقج احسن دكتوره وبتولدين احسن ولاده

وان تعسرت فهذا من الله وربي يبي يكفر ذنوبج بالشي هذا

فلازم تتوكلون ع الله وتثقون الله التسهيل والتيسير كله بيد الله مو بيد الدكتور

لو اخترتي افضل دكتور واشطر صدقيني ربي لو كتب لج تتعسر ولادتج بتتعسر ماله شغل الدكتور

ولو ولدتي عند دكتوره مبتداه ببيد الله يخليها اسهل ولاده وايسرها

ليييش لانج توكلتي عليه مو على الدكتور ووثقتي فيه وعرفتي ان السهاله بيده مو بيد الدكاتره

فخافوا الله واتركوا الدكاتره لوجه الله وعيب عورتج تتكشف ع غريب عيييييب

 

[أإلع ـشق دلع ـهـأإ]

ومششكوره حبيبتي مششتطه تعجبيني دايما

واسال الله ان يكون الموضوع في ميزان اعمالج يارب

 

[FuSheYa]

يزاج الله كل خير


الله لا يحدنا ان نكشف عوراتنا على رياييل

 

[مشتطـه]

حياتي العشق تسلمين

صاجه من واقع تجربة الدعاء واللجوووء الى الله يسهل كل صعب
نورتي يالغاليه



امين فوشيآ شكرآ عالمرورر