موضة بدلة العروووس

[كلي لكـ]

سلآلآلآلآلآلآلآلآلآلآلآلآلآلآلآلآلآلآلآم لاحلى عرايس

اللي خلصت عرسها الله يبارك لها

واللي خلصت تجهيز وصكرت جناطها الله يعينها عالمحاتات ورهبه ليله العرس هههههههههههه <<< حزب التخويف

واللي تجهز الله يوفقها وتشتري احلى المشتريات

واللي تنطر يتحدد عرسها عسى الله يوفقها ويتحدد اليوم قبل باجر


ادري طولت بالمقدمه بس احبكم كلكم وايد وبكل حالاتكم <<< صايره رومانسيه هاليومين تحملوني


المهم ندخل بصلب الموضوع
واللي باين من عنواني

ابي موضة بدلة العروس هالسنه يعني عرفت ان الدانتيل دارج بقوه وراحت موضه الشوارفسكي <<<<بس لابد لمسات منه ولا ماتطلع عروس

و اللو ويست دارج وبعد

ابي اعرف عن شغل التطريز و القصات

و الطرحات بعد


يلا عرايس فيدوني وفيدو البنات لان في بنات مثلي مالهم خبره ومايطلعون للاتيليهات وايد:ggdw:


:eh_s(7):والله يعطيكم العافيه سواء للي ترد علي او اللي ترفع الموضوع

 

[شموع الياسمين]

لرفععععععععععع لعيونك

 

[الأميرة جوري]

بالتوفيق..يارب

 

[كلي لكـ]

جزاكم الله خير حبايبي

 

[بياان]

بالتوفيق للجميع

 

[pearls_q8]

up up

 

[أم*سلمان]

=!= بدلة عروس أسطوريه بتخليج عروس الموسم مسويتها بـ 4000 ==!==

السلام عليكم ورحمة الله وبركآآتهـ ..

خـــواتي العـــرايسس


اول شي الف ألف مبروك ..

وعسى الله يهنيكم


عندي لكم بدلة عرووس بتخلي الكل غصب عنهم يتكلموون عنج طبــعــاً بس للحابه تكووون عرووس المووسم ..!!

بدله اسطوريه ملكيه ..


قمه بالفخامه والروقي

البدله فخمه وراقيه بنفس الوقت

والشغل اللي فيها غريب واتحداا اى احد شايف نفس شغلها ..

وقصتها تطلع جسمج غصب

واللي أحــلا من البدله كمااان

الطرحه شغلها حيل حيل مميز و راقي واحلا من البدله

وكله شوارفسكي وكرستال ولولووو ..

بس مو على دفااشه


ملاحظه:: ما أحلل اى وحده ما عندها نية اجار او شراء ..

للاستفسار ::67069609

 

[عروس مطيريه]

والله الحين اكثر شي اللولو موضه سنه

هذااا اكثر شي اشوف

 

[عروس مطيريه]

و ايه من جم يوم كنت عند يوسف الجسمي

ابي اشوف بدل عراااايس

والله عندهاا شي حلوووو حق عرااااايس

 

[عروس مطيريه]

بس ترا زهراء القاسم ستايل و على جسم بنااااات

ذوق ذوق ذوق روحي و شووفي بنفسج

وبسس

 

[yam_yam]

حبيبتي بحكم مجالي بفساتين الزفاف
اقولج الموضه هالسنه

اللويست مع اللولو
و هم الدانتيل دارج بس اكثر شي اللولو

و الشوارفسكي ماتروح موضته بعد مو حلو العروس طافيه مره وحده لا يكون موجود بس على سنع مو دفاشه

و ترا للحين فيه ناس تفضل النافش اللي على ذرابه و دانتيلات و نعومه


و بقولج على الالوان مع انج ماسالتي ههههه
الكريمي او الاوف وايت الغامغ دارج
و الاوف وايت

بس الابيض راحت من العام محد يفضل الابيض


اي سؤال انا حاضرة حبيبتي

 

[كلي لكـ]

بعد عمري بنات ماقصرتو وجزاكم الله خير

انا مفكره باللويست و الاوف وايت ماحب الابيض وايد فاقع

اممممممممم بمر عالاتليهات واشوف وانا مفكره بموديل بس مادري منو بيضبطه لي

عموما مشكورين واااااااااااايد يا بنات ماقصرتو حبايبي

و يام يام بعد عمري ماقصرتي والحمدلله وضحتي اللون الدارج لانه راح عن بالي ههههههههههههههههه العيله وماتسوي

شكرا بنات

 

[الحــور]

مادري والله

ياليت اللي عندها خبررره تساعدنااا

 

[لكبريائي مهابه]

نفسس تفكيري والله محتاااره بالموديل
واخاف اختار ويطلع قديييم مشكووره عالموضوع حبيبتي..

 

[كلي هلآك]

اي صح الاوف واايت الغامج دارج <<< بس بصراحه ماعجبني إذا مو ابيض ماله داعي عروس
واللولو وايد هابين في

 

[•Brown•Sugar•]

النفنوف مولازم يكون عصر ثاني ع شان تتميزين بهاليوم
اهم شي يكون ذرب وراقي وناعم
لان البساطه تبرز جمالج

الموضه الدارجه النفنوف يكون لو ويست او قصه السمجه ونافش من تحت

والطرحه اللي هابين فيها غريبه تصير مشبوكه مع الايد مثل هالستايل


واللون الاوف وايت مايبيله كلام
المسكه هابين بالمسكات المدوره الناعمه باللون الاوف وايت او الاحمر
والمكياج هابين باللون السموكي مع حمره باللون الاحمر

 

[كلي لكـ]

حبايبي يسلموووووووو عالمرور

وانا مستحيل البس غير الاوف وايت او اللي لونه لؤلؤي

مافكر بالابيض شفته عالطبيعه ماعجبني

مادري يمكن الموديلات القصات اهيا اللي تحلي اللون

 

[كلي لكـ]

النفنوف مولازم يكون عصر ثاني ع شان تتميزين بهاليوم
اهم شي يكون ذرب وراقي وناعم
لان البساطه تبرز جمالج

الموضه الدارجه النفنوف يكون لو ويست ونافش من تحت
والطرحه اللي هابين فيها غريبه تصير مشبوكه مع الايد مثل هالستايل


واللون الاوف وايت مايبيله كلام
المسكه هابين بالمسكات المدوره الناعمه باللون الاوف وايت او الاحمر
والمكياج هابين باللون السموكي مع حمره باللون الاحمر

بعد عمري ماتقصرين وانا مفكره بهالطرحه من زمان لانها وايد عاجبتني
ومشكوره عالاضافه للمسكه والميك اب
بس مافكر باللون الاحمر كلش مادري:eh_s(22):


تسلم ايدج ياقلبي

 

[al_nooory]

انا عرسي قبل 3 شهور وكانت بدلتي قمه بالذرابه والرقي شوارفسكي مع لولو وكنت حديث الموسم واذا حابه تشوفينها هذا رقمي 99396644

 

[اوتار الحياه]

للرررررررررررررررررررررررررفع