موسوعه تنظيفكو لكل بيت حصريا لمنتدى كويتيات

[om el7elwen]

[SIZE="5"]السلام عليكم حبايبي السنعات كلنا انحب النظافة والريحة السنعه لبيوتنا اليوم بكتب لكم طريقتي بتنظيف البيت وابي مشاركاتكم.
بسم الله:
اولا:نقسم التنظيف بجدول الى يومي واسبوعي وشهري وموسمي :
ثانيا :الاحتياجات لوازم التنظيف انا احب اقسم بسلة مثلا ادوات الغسيل بروح وادوات الحمام وانتوا الكرامة ابروح والدرايش ابروح.
ثالثا:التنظيف بكل زاويا او الغرف يعني اشوف شنو الشي اللي يحتاج تنظيف امشي خطوة خطوة بالبيت .


اولا:اليومي:

افتح الدرايش للتهوية
تنظيف الغرف مكنسة او مخمة يدوية انا افضل المكنسة + المخمة اللي فرشتها ضعيفة احط فيها ماي حق الزوايا و اطراف الطوفة +
سلة الغرفة تحتوي على ( منظف الزجاج انا احب اللي بريحة اللولوللدرايش والمناظر +رشاش الماي يحتوي على ماء +منظف الخشب للباب ولكمدينا والارفف+ديتول برشاش انا افضل الازرق او داك الورد لحواف السرير+الابجورات+الكرسي+البراويز والصور. اكياس القمامة

اخيرا اعدل السرير وارتبه طبعا ارش الرشوش والعطور ومرات ابخره .

غرفة اليهال نفس الطريقة .


ثانيا:تنظيف غرفة المعيشة والصالات

تنظيف الصالة تحت القنفات والطاولات بكنسة اومخمة +تنظيف السراميك او الرخام(منظف وملمع السراميك انا افضل بليج+كومفرت للريحة او معطر السراميك موجود بالجمعية)
تنظيف الدرايش بمنظف الزجاج والطاولات والارفف برشاش منظف الخشب والتلفزيون بمنظف والقنفات طبعا اتشيلين المخاد وتنفضين منهم الغبار.و تنظيف الاكسسوارات

ثالثا :الحمام عزكم الله

سلة الحمام(رشاش فيه ديتول+رشاش فيه جف+كلوركس+دس+منظف الحنفيات +فرشة اسنان قديمة +مساحة الارض+اسفنجة+فرشة الحوض+منظف الزجاج+فوطة للتنشيف الكلي+منظف ومعقم المرحاض.

رابعا:غسيل الملابس:

الملابس البيضاء:تايد+فانيش للملابس البيضا اول شي الدشاديش انا الدلاقات البيضة انقعها بكلوركس اولا
اشطفهم ابداوني بس الدشاديش لا بدون داوني
الملابس الفاتحة
الملابس الغامقة
مع شطفهم بداوني اوكونفرت
انا ملابس الاطفال بروح اغسلها بصابون الوزير او دفي الوردي

المطبخ:غسيل صحون الريوق وبعد الغدا
تنظيف الجولة بمنظف خاص +الارفف+والطاولة+الارضية+المغسلة.

تنظيف الممرات والدرج من فوق الى تحت ومسحة بمخمة السراميك او الرخام

ت[/SIZE]

 

[om el7elwen]

ان شاء الله اكمل بس ناطرة ردودكم ومشاركتكم لان الانترنت بطيء عندي

 

[اموره وحلوه]

رووووووعه
كملي حبيبتي ناطرينج

 

[om el7elwen]

مكشورة حبيبتي ان شاء الله بكمل

 

[عيالي غناتي]

كملي حبوبه اندمجت هههه عساج على القوه

 

[om el7elwen]

ثانيا:التنظيف الاسبوعي:
اولا:غرفة النوم :
1-اغير الشراشف والكنابل.
2-تنظيف الدرايش.
3-تحت الفراش انظفة.
4-انظف الادراج والارفف خصوصا شباصات اعيالي.
5-انظف الكبت بفرشة خصوصا الحواف.
6-انظف الطوفة بماي وشوية كومفرت وفوطة.

ثانيا:الصالة وغرفة الاكل
1-اطلع القنفات والكراسي او ادزهم انظف تحتهم.
2-انفضهم من الغبار ابعصا الخشبية.
3-انظف الطاولات عدل.
4-انظف الدرايش .
5-انظف الاكسسوارات والورد المجفف باستخدام الاستشوار.

وطاولة الطعام انظف الكراسي عدل بفرشة وبخاخ الخشب.

6-انظف الارضية.
7-انظف الباب.

تنظيف الحمام:اطلع كل اللي بالحمام عزكم الله
1-انظف الدريشة من داخل وبرة.
2-انظف الشفاط بجف وماي.
3-انظف الطوفة.
4-انظف البانيو واحط فوم من كافور ينحط حق الحنفية.
5-انظف المرحاض.
6-انظف المغسلة.
7-الارضية افركها عدل بفرشة اسنان قديمة ومخمة الخشنة بجف وديتول والوزيرز
8-انشف الارضية وادخل الاغراض ز

انظف الممرات والسلم والبيبان البلاكات.

تنظيف المطبخ:
1-تنظيف الثلاجة وتصفيتها.
2-تنظيف الادراج والكبتات من داخل وبرة والارفف.
3-تنظيف الطوفة .
4-تنظيف الجولة والميكرويف بماي وليمونة احطها اول شي بعدين انظفه.
5-تنظيف الادوات الكهربائية كلها والبلاكات.
6-تنظيف الارضية.

 

[الحراير]

يعطيج العافيه ياقلبي بصراحه اعجبتني طريقتج

 

[REMMEEE]

لا اله لإ الله ماشالله عليج
هاي كله في ايوم تسوينه
ماخليتي شي حق التنظيف الشهري
الله يعطيج الصحة والعافية حبيبتي الصراحة ياليت اكون مثلج

 

[om el7elwen]

يعطيج العافيه ياقلبي بصراحه اعجبتني طريقتج

الله يعافيج ياقلبي انا احب التنظيف وايد فيني وسواس نظافة هههههههه لا صراحة تنظيف الخدم ما يعجبني كلش

 

[om el7elwen]

لا اله لإ الله ماشالله عليج
هاي كله في ايوم تسوينه
ماخليتي شي حق التنظيف الشهري
الله يعطيج الصحة والعافية حبيبتي الصراحة ياليت اكون مثلج

شوفي اليومي كل يوم بس الاسبوعي اقسمه على ايام.
الله يعافيج ياقلبي :eh_s(7):

 

[Q8stylle]

يعطيج العافيه

 

[REMMEEE]

حبيبتي ودي اسوي مثلج

الحين عرفت جدولج اليومي طبعا هاي كله الصبح

ممكن تقولين لي شلون التنظيف الاسبوعي و شلون الشهري

الصراحه احس ماكو وقت حق كل ذي

 

[برونزية رشيقة]

يعطيج العافية

أم الحلوووووووووووووووووووووووووووووووووووووووووووووووووووووووين .. ماشاءالله

 

[Mrs P!NK]

ماشالله طريقتج حلوه
انا كل يوم انظف بس من غير سنع من فوق لي فوق

 

[om el7elwen]

يعطيج العافيه ياقلبي بصراحه اعجبتني طريقتج

الله يعافيج ياقلبي

 

[om el7elwen]

يعطيج العافيه

الله يعافيج

 

[om el7elwen]

حبيبتي ودي اسوي مثلج

الحين عرفت جدولج اليومي طبعا هاي كله الصبح

ممكن تقولين لي شلون التنظيف الاسبوعي و شلون الشهري

الصراحه احس ماكو وقت حق كل ذي

حبيبتي هذا الصبح تقريبا من الساعة 8 ترى اذا تعودتي بسرعة اتسوين الشغل
التنظيف الاسبوعي نفس الللي حاطيته بس الشهري انظف فتحات التكييف ابجف والستاير

حبيبتي انا صراحة ما احب تنظيف الخدم احس بسرعة وماكو نظافة

 

[om el7elwen]

يعطيج العافية

أم الحلوووووووووووووووووووووووووووووووووووووووووووووووووووووووين .. ماشاءالله

الله يعافيج ياقلبي

 

[om el7elwen]

ماشالله طريقتج حلوه
انا كل يوم انظف بس من غير سنع من فوق لي فوق

حبيبتي صدقيني اذا سويتي طريقتي كل يوم اصير عليج كل شي سهل

 

[cat_women]

مشكووووووووووووووووووووووووووووووره