هالتقرير باذن الله شامل وكامل عن خلطة البيبي فيس الخاصه بـBK وحاطته بموضوع كامل بالقسم واعرضه هني للفايده
وعشان الي يستخدمون هالخلطه يعرفون تفاصيل اكثر وبالفتره الاخيره وايد منتديات
ناقلين الخلطه وبدون لايذكرون حتى اسمي ونسبوها لهم
وعليهم بالعااااااااااافيه وانا محللتهم و وايد مستانسه
وانشالله تعم الفايده وكل الي بالعالم يستخدمونها ويشوفون نتايجها الطيبه
شنو فايدة البيبي فيس؟
وشنو مكوناته؟
وشلون طريقة الخلطه؟
وشلون طريقة استخدامه؟
ومتى تبين النتيجه؟
وهل النتيجه دائمه؟
كل هالاسئله راح نرد عليها مع بعض
اول شي شنو فوائد البيبي فيس ( من مكوناته )
1-يزيد من تدفق الدم في البشره ويغذيها
2-يعطي البشره نضاره
3-يرطب البشره
4-نعومه للبشره
5-مضاد للالتهابات
6-يطهر البشره
7-يشد البشره
8-يفتح البشره
9-يقلل المسامات
10-يزيل الهالات السود
11-مضاد للاكسده ويحمي الخلايا من السرطان
12- توحيد لون البشره ويصفيها
13- يتخلص من النتوءات الصغيرة
14- يساعد على توازن البشره ويتحكم بافرازات الدهن
15- يساعد بامتلاء البشره ويقلل من التجاعيد ومظاهر التقدم بالسن
16- غني بالبروتينات والفيتامينات
17- مضاد للعدوى والالتهابات
18- درع واقي للحفاظ على رطوبة البشره وتوازنها
19- يطري الجلد ويقاوم عملية الشيخوخه ( يعني شباب دائم )
20- يساعد على نموالخلايا الجلدية
21- يساعد على استعادة انتعاش البشره المرهقه من مستحظرات التجميل
22- يؤخر الشيخوخة ويحمي أنسجة الجسم من التلف
23- مهدئ ومطهر للحروق والبثور والجروح الملتهبة
24- يحمي البشره من اشعة الشمس الضاره ( مو واقي شمس )
25- يقلل ويمكن يخفي اثار حب الشباب والدوره ( وايد بنات قالولي انه وخرهم )
هذي فوائد الكريم وما اعتقد في كريم فيه كل هالمميزات والفوائد!!
والاهم من هذا كله انه طبيعي 100% ومافيه اي اضافات كيماويه ولا زئبق ولا كرتوزون
والكل يقدر يستعمله
وهذي مكونات البيبي فيس وشوفوا فوائد مكوناته:
1- زبدة الكاكاو الخام: غنيه بمادة الفلفلنول لنضارة البشرة وزيادة نعومتها وملمسها وزيادة تدفق الدم إلى الجلد ومقاومتها لأشعة الشمس.
2- زبدة الشيا الخام: تعطي نعومة ورطوبه للبشره وتقلل التجاعيد وتعالج التهابات الجلد وتوفر حماية فعالة من اشعة الشمس الضارة كما تستخدم لعلاج الجروح والحروق والندوب وعيوب الجلد والتحسس والصدفية ومشاكل جلدية اخرى.
3- زيت الجزر: غني بفيتامين أ الذي يوفر الحماية للبشره ومضاد للالتهابات ومغذي للبشرة.
4- زيت الشاي الاخضر: من اقوى المطهرات للبشرة ومضاد للاكسده التي تدمر خلايا البشره والالتهابات الجلدية.
5- زيت بذر الكتان: يحتوي على احماض اومجا3 الدهنية وعلى معادن وبروتينات تغذي البشرة وتحمي من سرطان الجلد.
6- زيت الورد: مفيد لطفح الجلد وازالة السواد ويفتح لون البشرة ويشدها وينعمها.
7- جنين القمح: لشد البشرة وتبييضها واعادة نضارتها ويقلل المسامات وفعال للهالات واسمرار البشره كما يحمي من التجاعيد ويغني بفيتامينات ب1 ب2 ب5 هـ (E) ف أ بالاضافه الى البروتين لتغذية البشره.
8- زيت السمسم: من أفضل المواد الطبيعية التي تمنح البشرة صفاءً وإشراقا وينصح باستخدامه في حالة جفاف وحساسية الجلد يلطف البشره ويحميها من اشعة الشمس والاشعة الضاره بالبشره وهو غني بفيتامين E وبالبروتينات.
9- زيت اللوز: مفيد لإزالة التصبغات والبقع من البشرة وتوحيد لون البشره ويعطي نعومه وترطيب قوي بالاضافه الى تغذيته للبشره.
10- زيت الليمون: قابض للانسجه و يساعد على توازن البشرة الدهنية كما يساعد على التخلص من النتوءات الصغيرة التي تنشأ بالبشرة بالاضافه الى ازالة تصبغات البشرة وتطهيرها.
11- زيت الحلبه: يحسن لون البشره ويساعد على امتلائها ويحارب علامات التقدم بالسن ويعتبر مغذي قوي للبشره.
12- زيت حبة البركة: يساعد البشرة على مقاومة عملية الشيخوخة من خلال وجود بروتين قادر على الاحتفاظ بالماء ومضاد للعدوى والالتهابات والاشعة الضاره كما تعالج البرص والبهاق وحب الشباب.
13- زيت الزيتون: يرطب البشرة و يصل إلى أعماق الجلد مما يشكل درعا دائما للحفاظ على رطوبة البشرة وجعلها ناعمة ونضر ومشرقة.
14- زيت الجوجوبا: يخفف الجفاف ويطري الجلد كما يقلل التجاعيد وكافة الأعراض التي تسببها الشيخوخة للجلد. كما يساعد على نموالخلايا الجلدية وله خاصية محاربة البكتيريا و الفطريات.
15- زيت البرتقال: يساعد على استعادة انتعاش البشره المرهقه من مستحظرات التجميل ويسد المسامات المفتوحة وهو مثالي لعلاج البشرة الجافة.
16- زيت زهرة الربيع: يصفي البشرة ويعطيها رونق بتنشيط الدورة الموية ويتحكم بتوازن الدهون.
17- فيتامينE: يؤخر الشيخوخة ويحمي أنسجة الجسم من التلف بسبب التدخين أو تلوث الجو وله فوائد في المحافظة على صحة الجلد وحمايته من الامراض.
18- فيتامين A: يساعد في ترطيب الجلد وتقليل التجاعيد وهو أفضل العلاجات التي تساعد في التخلص من تجاعيد الوجه وآثار الشيخوخة على البشرة.
19- زيت الافوكادو: فهو مغذى رائع ومرطب ممتاز ويحتوى على مكونات تبقى رطوبة لبشرة ونظرا لاحتوائه على مضادات الأكسدة فهو يحافظ على شباب البشرة ويجدد خلاياها المتضررة من العوامل الجويه او من عامل السن وغيره وهو يستخدم لترطيب البشرة وعلاجها بعد حمامات الشمس او بعد التعرض لشمس حارقه ويفيد البشرة والشفايف ويستخدم كبديل عن واقى الشمس وهو يحفز انتاج الكولاجين على سطح البشرة ليبقى البشرة مشدودة وخاليه من علامات الشيخوخه المبكرة.
20- زيت البابونج: يستخدم في علاج مشاكل الجلد حيث يعمل كمهدئ ومطهر للحروق والبثور والجروح الملتهبة وقرح الجلد والدمامل , وكذلك التهاب الجلد والاكزيما والطفح الجلدي ويستخدم أيضا في علاج البشرة الجافة.
21- زيت البنفسج: يحتوى على مجموعة من المواد المضادة للتأكسد التي تعمل على منع التأكسد والوقاية الكاملة للجلد ضد الأمراض الجلدية وأيضا فيتامين E الذى يعتبر العامل الرئيسي المغذى للجلد.
طريقة الخلطه موجوده بهالرابط
http://q8yat.net/showthread.php?t=759908
طريقة استخدامه؟
اولا لازم تكون البشره نظيفه ومساماتها تستقبل الخلطه
يعني لازم نغسل البشره عدل ويفضل استعمال سنفره لازالة الجلد الميت
عشان تتجدد البشره وبعد التقشير , استخدمي اي كريم مقشر..
طريقة الاستعمال:
كميه قليله جدا جدا (لان الكريم كثيف وايد) وراح تغطي الويه كله
يعني لا تلطخين ويهج فيه!!
ومره وحده في اليوم قبل النوم بعد غسل الوجه وتنظيفه
وفي بنات يستخدمونه مرتين و3 مرات في اليوم ومافي مشكله لو تخلين منه 6 مرات في اليوم
عاااااااااااادي مافيه اي ضرر.
ملاحظه :
1- الكريم ريحته حلوه وطبيعيه وايد .
2- ينحط تحت العون وحوالينها عادي.
3- حتى اذا دخل منه بعيونج عااااادي مافي مشكله ولا يحرقهم.
4- ينحط على البشره الملتهبه والمحترقه وحتى المجروحه.
5- تقدرين تستعملينه ورى الحف راح يهدي البشره ويبردها ويمنع التهابها.
6- الحوامل يقدرون يستخدمونه وما منه اي ضرر.
7- يستخدم لاي مكان في الجسم غير الوجه ( حتى المناطق الحساسه في الجسم ).
الحين النتيجه:
النتيجه تبين خلال 4 ايام
ومن اول يوم راح تحسين بفرق في البشره
والنتيجه مجربه ومضمونه وراح يغنيج عن "ابر النضاره" وابر الاوميقا3
والنتيجه دائمه اذا حافظتي على بشرتج ورطبتيها
ومع الاستمرار عليه راح تلاحظين وايد تغيرات وتكتشفين وايد اشياء
وكل هالمعلومات من تجربه ومن مكونات الخلطه الى كتبتها لكم
ومو يايبه شي من عندي
وانشالله الكل يستفيد منها ولا تنسوني بدعائكم يا قلبي
الي علي شغله وحده بس لان وايد بنات يحلفوني على البيبي فيس لما يشترونه
ويقولون مو خالطه معاه شي ضار؟!! وانا اقولهم لا ويحلفوني
وانا جدامكم كلكم اقول:
والله والله والله والله والله العظيم مو ضايفه عليه ولا شي غير الي ذاكرته لكم
والله علي شهيد ومحاسبه جدام ربي... وتطمنوا
والي تخاف لا تطلبه مني والمكونات كلها موجوده فوق والطريقه حاطتها وتسويها على راحتها
شتبون بعد؟ :sfg: فديتكم حبايبي
