المهم لبنان فيها طبيعة وشعب طيب ومضياف ومزوق
فيها سوقة غالية ومطاعم حلوة ومناظر تهبل والجو والهدوء موجود بالجبال سواء برمانا او بحمدون او عاليه
واذا تبين ثلج في باقي شوية بفاريا وفي تاجير شاليهات وملابس وتزحلق بس التلفريك مصكر
السوقة:
الحمرا كله جواتي وجناط وملابس حلوة وفيه زين الاتات وفيه دواعيس ماتخلص مثل سوق السالمية الشارع وفيه مطعم بكراون بلازا برة حلو , السوليدير غالي وفيه مطعم البلد
يمدحونه, الزلقا للمصميين والخياط وهم سوق , الفردان وفيه مجمع 730 و731 وهو رااقي وحلو وقعدة ستاربكس فيه حلوة وفيه فندق هوليدي ان ديون فيه سينما ومكدونالدز والعاب اطفال مثل ستاربكس, وهذا كله موجود ببيروت , وفيه بحمدون شارع المحطة سوق موسمي هم شغلهم حلو وفي محل جدام سفير يبيع ملابس عروس وبدل حلوة واسعارها ارخص من الكويت بس سوقتهم موسمية
الطلعات والرحلات اللي تاخذ وقت من الصبح:
مغارة جعيتا حلوووووووووووة , حبتور لاند العاب بحبل مكان بارد, قصر موسى ومتحف الشمع وحريصا , تقدرين بيوم كامل تاجرين واحد وتفرينهم كلهم الا حبتور يبيله نص يوم بروحة
وبالليل تنزلون على السوليدير تسهرون وتتمشون وتتعشون
او تقعدون بالروشة ومطاعهم على البحر هم روعة
الفنادق:
التوب
فينيسيا وموفمبيك على البحر ومكانهم حلوورويال ضبية شوي بعيد بس كل من يمدحة وحبتور تحته سوق وسينمات بس بالاشرفية , هوليدي ان بفردان اربع نجوم بس حلو واسعارة زوينه
والمنطقة راقية وفيه سينمات ومطاعم وسوق
في فندق يهبل ورخيص ونظيف للي يبون يوفرون وما يقعدون بالفندق الا للنوم وهو هوتيل بلازا سعر الغرفة للمزوج الليلة ب 100 دولا يعني 30 دينار بالحمرا بوسط السوق اما الفنادق الباقية اغلى
والمطاعم الحلوة
منير برمانا روووووووووووووعة تغدوا فيه وطلبوا المهلبية وذوقيها وادعيلي وطلبي منهم فواكه
ومطعم برج الحمام بموفمبيك وطلبي سمج طازج
ومطعم عبد الوهاب بالاشرفية وطعم مانويلا كل من يمحدهم بس لحد الحين ما جربتهم
حسافة يا كشموشة ما قريت ردج الا لما رجعت واااااااي ميتة على التان
بروح اسويه بالكويت مع ان السعر دبلات بس ودي من زمان
المهم شلون جونا بعد لبنان اهناك الجو الحين رووووووووووعة غيم وبراد خفيف
وفوق برد حلو
يلا تروحون وترجعون بالسلامة
