موسوعة لبنان المتجدده . . . (تم دمج المواضيع المختصه)

[" أضـــــوى "]

بنات شلونكم وشخباركم
حدي ولهت على الكويت الحبيبه :nbvppw:
بس للحين في لبنان الجميله وكل شي احبه فيها :hjy5jewf:
وامس رحت ويه عيالي وابو الشباب فندق الportemilio بس يومين
:ioljnmlk:وهذا رقمه 0096109933300 وهذا موجود في جونيه بيروت على البحر وحده قريب سوق الكسليك يمه واذا راحو الشباب حمامات السباحه مع ابو الشباب
اروح انا ويه بنتي الجميله الكبيره الي مسميه روحها لميس السوق :dddds: ونبرم :ada:
وفي الليل رحنا الداون تاون (السولدير) وشفنا صنادل زوووووووووووغه تقولين طخم موصندل بس حدهم غالين
وقاعده اساحل ابو الشباب اخذ 2 كعب عالي لي 2 فلات هم لي :eh_s(11):
واخذ منهم بضاعه :080402ask_prv:
والحمدالله شريت حق العيد لي ولبنتي من اشتي في السولدير
واتمنى للجميع عطله سعيده يااااااااااااااااااااااااارب​

يازين الزين والله
فديت النفسيه الحلوووووه والصدر الوسيع
دلوووله جيبي صنادل امانه وضروووري دزيلي عالخاص بشوووفهم عشان اخذلي واحد وحق اختي بعد
الله يحفظج يالغلا

 

[بنت جنيف]

بنات شلونكم وشخباركم
حدي ولهت على الكويت الحبيبه :nbvppw:
بس للحين في لبنان الجميله وكل شي احبه فيها :hjy5jewf:
وامس رحت ويه عيالي وابو الشباب فندق الportemilio بس يومين
:ioljnmlk:وهذا رقمه 0096109933300 وهذا موجود في جونيه بيروت على البحر وحده قريب سوق الكسليك يمه واذا راحو الشباب حمامات السباحه مع ابو الشباب
اروح انا ويه بنتي الجميله الكبيره الي مسميه روحها لميس السوق :dddds: ونبرم :ada:
وفي الليل رحنا الداون تاون (السولدير) وشفنا صنادل زوووووووووووغه تقولين طخم موصندل بس حدهم غالين
وقاعده اساحل ابو الشباب اخذ 2 كعب عالي لي 2 فلات هم لي :eh_s(11):
واخذ منهم بضاعه :080402ask_prv:
والحمدالله شريت حق العيد لي ولبنتي من اشتي في السولدير
واتمنى للجميع عطله سعيده يااااااااااااااااااااااااارب​

دلال انا شريت منه 4 فلاتات ارخص واحد على 100 دولار والباجي على 160 140 دولار يعني حد الصلخ بس يستاهلون النع حلوين وخذيتلي منه كعب ملون قالي على 100 دولار بس صج زووووووووووغه اذا فضيت بصورهم وهم شريت من الايشتي هدوم حق عيالي بس مومشمولين بالتنزيلات وزوجي خذا منهم جينز وكبوس وجوتي وفي محل بالسوليدير كبير بالزاويه هم حلوه جواتيه وجناطه وحتى حق الرياييل حلوه جواتيهم ماعرف اسمه جنه بدايه اسمه حرف الv وجيسهم عجبني اسود بزيبرا ههههاي

 

[كرز أخضر]

الرجاء الالتزام باداب الحوار .. و احترام جميع الاراء ..

والامتناع عن الردود والمناقشات المستفزه الغير هادفه ..

تم تحرير المشاركه من قبل ادارة منتدى كويتيات ..

 

[SG409]

هاي بنات والله بعد عمري دلووووله شوقتيني انا باذن الله الجمعه انشالله عندكم,,,ياحلو اللبنان وناااااسه وهاذي رابع مره ارجع لها واحتمال نسكن بفالوقه عند اهلي...وابي رايكم انا امووووووووووت على السوق...وابي مساعدتكم,,,
الصنادل في منها بحمدون او عاليه.,وهل ابضاعه متكرره واهم شي الصنادل والفلاتات الفسفوريه علشان ما افتر
خاصتا وزوجي مااااايبي سوق وااااايد......الله يعيين يارب,,,

 

[hot caramel]

خــواتي حبوباتي انا باجر بحيل الله وقوته طابره لبنان :eh_s(6):

بنقعد ببوحمدون

نتصحوي بشي يعني مثل مكان معين او مطعم ؟

سفرتي الظهر

وبشتاق لكم كلكم يا بنات منتدانا الراقي "كويتيات"

 

[smailey]

اولا تروحين وتردين بالسلامه ان شاءالله ...شوفي ياقلبي محد
يقدر يحدد ميزانيه لمشترواتك ..لانهم مايدرون وش بالضبط
تحتاجين او تبين من السوق ...
انا راح انزل بعض الاسواق
المعروفه هناك ..وتقدرين تسألين السائق عنها اذا هي غاليه
او لا تراهم ماشاءالله عندهم خبره بهــ المواضيع تعرفين اهل مكه ادرى بشعابها :اسواق فردان وفيه مركز "ديونز" , فردان..

ويحتوي على اسواق ومحلات كثيره راقيه جدا وتضم اكثر الماركات العالميه بالاخص الفرنسيه .. كما يحوي على اشهر محلات تصفيف الشعر والمشاغل كـ "جو رعد" و "هي" و "بترفلاي" وغيرهم ..

ديونز:

هو مجمع تجاري بالفردان متكامل يضم سينمات و ردهة المطاعم وفندق و مجمع سكنى. يتكون المجمع من 18 طابق من الشقق السكنية الفاخرة، 131 غرفة تابعة لفندق (هوليداى ان)، بالإضافة إلى بنك، و مدينة ترفيهية، اما بالنسبة للمركزالتجارى فيضم مجموعة متنوعة من المتاجر التى تعرض منتجات متعددة كالأزياء، الملابس الرياضية، الهدايا، العطور وغيرها.

مجمع سديكو سكوير :
يقع في منطقة الاشرفية .

محلات السوليدير:

محلات ضخمة تجمع بين ارقى الماركات العالميه والصناعات اللبنانيه الوطنية والتراثيه .. وبين ارقى المقاهي والمطاعم العربيه والعالميه كالمطااعم الايطاليه والفرنسيه والصينيه والمختصة بالسمك او الستيك ..

مركز بعبدا :

وهو غالي قليلا وفية جميع الملابس والاحذية ذات الماركات العالمية .


مجمعات abc:

إيه بي سى هي سلسلة متاجر شهيرة في لبنان تنتشر فروعها في أغلب المدن اللبنانية، ويعتبر (abc )بمثابة مركز تسوق ضخم يتيح فرصة تسوق جميع الاحتياجات تحت سقف واحد. ويضم هذا المجمع التجاري العملاق مجموعة كبيره من محال الأزياء النسائية و الرجالية وكذلك ملابس الأطفال. علاوة على الإكسسوارات، الأحذية، العطور ومستحضرات التجميل. وهو ليس مجرد مركز تسوق بل أكثر من ذلك بوجود السينمات و ردهات المطاعم و المقاهي المنتشرة بشكل انيق في كل الطوابق.

سوق الزلقا:

يختص بالجلديات من احذية وحقائب ذات الاسعار الرخيصه نسبياً فمعضمها صناعات لبنانيه بموديلات راقيه جدا .. ويحتوي ايضا على بضائع تجارية اخرى ..

اوتيل الموفينبيك: فيه محلات حلوه

جالاكسي:

هو مركز تجارى وترفيهي لبناني يضم العديد من دور العرض السينمائي، العديد من المتاجر والأسواق،مجموعة من المطاعم والسوبر ماركت.


جيفينور :

هو مركز تجارى ضخم يقع فى العاصمة

سوق البرغوث
(خلال شهر 8 فقط)


مترو سوبر ستور :

وهو يتميز بحسن تنظيمه، تنوع معروضاته، بالإضافة إلى خلقه لجو رائع يتيح إمكانية تسوق كافة الاحتياجات تحت سقف واحد..
ايضا : سوق برج حمود ....وشارع ميرالياس في بيروت ...وشارع الحمرا التجاري ..., وشارع الكلسيك,... وشارع معوض.. مجمع الهوليدي ان...city mall
...فرن الشباك....محلات الارمن

في جونيه :
سوق حلو احتمال يوجد بس بالصيف اسمه اتمشى واسهار يفتح من الساعه10 لغايه الساعه 2 بليل
**

الأماكن اللي تتوفر فيها فساتين الأفراح والمناسبات : جديدي / الحمرا / الزلقا / أريف




وهذي المسافات بين اهم المدن وبيروت :

الارز 121كم

المعاملتين 23كم

بحمدون 25كم

برمانا 25كم

بشري 115كم

بعبدا 11كم

بعلبك 89 كم

بيت الدين 44كم

جبيل 38كم

جعيتا 20كم

جونية 21كم

حريصا 29كم

دير القمر 40كم

زحلة 53كم

زغرتا 90كم

شتورة 45كم

صور 85كم

صوفر 27كم

صيدا 43كم

طرابلس 83كم

فاريا 54كم

نهر الكلب 11كم

بيت مري 40كم

تسلميييييييييييييييييييييييين يا قلبي ما تقصرين......​

 

[dalal art]

هلا والله بنت جنيف وحمدالله على السلامه ويااااااااااااااااااارب كانت عطله سعيده :eh_s(7):
وهلا والله اضوى قلبي وردج يسعدني ويشرفني وحاضر اليوم بروح السولدير واهجم والله كريم وبس ارجع اوعدج اول وحده اراسلج حبيبتي وحياج الله تعالي بيتي في السره والدعوه لج ولاختج واي احد يعز عليج :hjy5jewf:
وهم حق بنت جنيف وبقلاوه واي اخت في المنتدى:gathering:
وعطله سعيده يااااااااااااااااااااااااااااااااااااااااااااااااااااارب للجميع :nbvppw::nbvppw:

على فكره راح اكتب للكم الاماكن العجيبه مع الصور ان شاء اللله بس
عيالي يعطوني مجال ووقت لانه الاب توب مشترك والحمدالله على كل شي

 

[@Miss Dio@]

ناطرين يا بننات الله يجزيكم الجنه هذول بنات ديرتي راعيات الفزعات

 

[فجــر]

فاااشن قيرل بلييز اختي بلبنان وابي جناط وفلاتات واكسسورات فسفوريه بلييز قوليلي من وين ابي اقولها تيبلي ؟؟ وبجم اسعارهم تقريبا ؟؟

ناطرتكم يا بنات بلييز بسرعه ..

 

[" أضـــــوى "]

الرجاء الالتزام باداب الحوار .. و احترام جميع الاراء ..

والامتناع عن الردود والمناقشات المستفزه الغير هادفه ..

تم تحرير المشاركه من قبل ادارة منتدى كويتيات ..

 

[" أضـــــوى "]

دلوووله يااااااااااااابعد عمري انتي

قاعده اسووولف لامي عنج

تقووول باذن الله لارحنا لبنان السنه الجايه لازم نشوووفها ونعزمها عندنا

وااااااااااااااي صج اللي مثلج يدشووون القلب

واعذريني انتي والبنات والمشرفه ..ماكان ودي احتك ببعض الناس بس بعض المخلوقات لازم يجي من يوقفها عند حدها

 

[بنت جنيف]

دلوووووووووله يشرفني اني اشوفج ياقلبي وصج بسفرتي هالسنه حق لبنان استانست اكثر من العام وماودي ارد واذا تبين فلاتات شوارفسكي خفيف خذيتهم من بحمدون على 50 دولار

 

[عروس ماتهنت]

ابي سيارة بسائق الي عندها تحطه الله يعافيها بروح يوم الاربعاء

حبيبتي اللي سالت عن رقم تلفون سايق هذا رقم ابو محمد رجال كتيييييييييييير ادمي و ثقة يضل معاج طول اليوم وياخذ من 100 ل 120 دولار على حسب انتي وين نازلة 03269738

 

[عروس ماتهنت]

الفزعة يابنات خليجنا

حبيباتي أنا نازلة ببحمدون كان عندي شغل و خلصته و مديت جم يوم بس بروحي و محد معاي ... عفيه اللي تحب تكلمني و نتلاقى نسولف و نتسلى ترد علي على الخص لأني بامووووووووووووووتتتتتتتت من الزهق:0bee2e8d89: كله بروحي وحتى مو قادرة أروح المناطق السياحية لأني أحس بصير جنني هبلة حتى محد وياي يصورني :krkrkr::krkrkr::krkrkr::krkrkr::krkrkr:

صراحة بنات ماكسرت خاطركم , و للعلم مواصفاتي طويلة و حنطاوية و أضن انني حبوبة و عمري 29 سنة
و أبحث عن شاب ملتزم يقدس الحياة الزوجية :tomato2:..... جني شطحت شوي و طلت عن الموضوع خخخخخخخ:dddds:

يللا بنات انتظر ردودكم على الخاص تاخذون اجر فيني

يللاااا بااااااي

 

[ريم الخبر]

تعوذوا من ابليس يابنات ...الموضوع مو للهواش موضوع رائع وحابين نستفيد ونفيد
الله يهديكم بس ...

 

[bambena]

رد: مشاركة: لبنان يا بنات . . .

هـــلا و غلا

حبوبتي بقيت اسأل من وين تشترين هالتراجي ؟

ابي اماكن حلوه ورخيصه ببوحمدون وعاليه ؟

لاني لمارحت بوحمدون وعاليه الصيف الي فات تعذبت غالين صلخ بالدولار

والله ال100 دولار جنها 10 دنانير وال10 شتييب وجبات من ماك !!

واذا ماعليكم كلافه ابي مطاعم حلوه هم ببوحمدون وعاليه؟

وشنو الاماكن الحلوه الي تنصحيني فيها

ويزاج الله الف خير يابعد عمري


مشكلتي الكبييييره :

سلمكم الله بحجز من النت بس مااعرف السايتات ولا الطريقه

والي تعرف بليز لاتبخل علي وتعلمني

وبكون ممنونه لها وعسى ربي يوفجها ويسهل امرها ويفج عوقها​

هلا حبيبتي عموما لبنان غاليه

بس في محلات رخاص وصالونات وايد فخمه وخبره ورخاص راح ادزلج على الخاص لان الحين ماقدر عندي شغل
ابشري

 

[bambena]

هوت كراميل بحمدون شارع صغير يشوق كل شي فيه محلات شويه ومن اوله لي اخره مطاعم وبرمانا وعاليه قراب حيل وحتى بيروت مو بعيده كل يوم جربولكم مطعم مطاعمهم حلوه خاصه اللي تطل على الجبل

 

[bambena]

نور دزيتلج رقم سايق على الخاص

 

[فجــر]

شدعوه بنات ما في احد يرد علي << فزعتكم يا الربع :ggdw::eh_s(1):

 

[نوره حبيبة أبوها]

هاي بنات

قولوووولي الحمدلله عالسلامه

توني رديت امس من لبنان

ياحلوها من ديره على كثر مافريت ديار العالم ما لقيت احلى منها ديره وشعب وجووو

طبعا رحت 24 ورديت 28 الي هو امس

بس شنووو وناسه بقولكم اشسويت

اول ما وصلنا طبعا رحنا سكنا الخاص <<احم احم

سكنا بشقه من شقق عم زوجي ...المهم كنا اندور الفراش وحطينا راسنا ونمنا من تعب الطياره

بصراحه طيران الوطنيه مو مثل ما امدحوووه الطياره اصغيره واتخوف وبس اتقرقع والخدمه حدث ولا حرج والنفسيه الخايسه ولبس المضيفات المصخره مادري اشلون تقلقصوووا داخله واغلبهم روسيات وبدون

المهم ثاني يوم قعدنا الصبح ونزلنا بحمدووون مشي ونااااسه وشرينا ريووق وتريقنا علينا بالعافيه وكنا نمشي داخل الغيمه جني هايدي

والعصر رحنا قصر موسى وتعشينا بنبع الصفااا ايهبل وبالليل رحنا بحمدون تمشينا فيه مو مال مشترى يلوع الجبد وغالي ..احس اني خبله اذا شريت

احلى ما عندهم شغل الهاند ميد وكله مكود بمعارض الكويت بس على ارخص ..والا مدالية تليفون شوارفيسكي 40 و60 دولار ؟؟ اشدعووه ؟؟

ونفانيف الاعراس في جم محل مميز بس نار تصلخ صلخ ..موديل ناعم من 800 دولار وطالع واهوا ما يسوى 50؟

ما شريت الا جناط تقليد شانيل وقوتشي درجه اولى اتحلفين انها الاصليه شريت عن خاطري 2 وحده لبستها ووحده خشيتها للعيد ان الله راد

المهم وثالث يوم ماقعدنا الا العصر ورحت شارع الحمرا موووو حلوووو كلش رحت الابلسي (abc) كلش ما عجبني فرعهم الي بالحمرا يمكن الي بيروت احلى مادري

ورحت عاليه حلووو عنده تكرمون صنادل شوارفيسكي وكعوبه حلوه ما يوصلون 100 دولار خذيتلي صندل و كعب اثنينهم طلعو علي ب 120 دولار ... ومحل الخباز للاطفال عنده شغلات حلوه للجهال شريتلي 3 بدل لباسل

وتعشينا بمطعم جنه الكسليك حلووو

ورابع يوم نزلنا عسوريا <<<قلبت لبنانيه

رحنا الحميديه

قشيتلي بجايم وقمصان واطقم داخليه وحق بسولتي تبانات وبدل اطقم وجاكيتات شتويه وحركات اتجنن يمكن 6 اطقم

وشريت صوغتي من هناك شراشف ومكسرات وفواكه مجففه وحلويات عربيه تمشينا بالحميديه لي المغرب اتهبل والله واسعارها حيل معقوله

وبعدها طلعنا لبلودان الله ماكثر السعوديين والكويتيين اهناك تعشينا باعلى مطعم ببلودان ما اذكر اسمه ابو زايد مادري ابو زياد

ورجعنا بحمدون الساعه 2 بالليل

وخامس يوم رحنا لمغارة جعيتا الساعه 11 وخلصنا منها عال4 تغدينا بمطعم المغاره ايهبل وردينا شقتنا لمينا قشنا ورديت الديره

ماكان ودي اهد لبنان والله مالحقت اشبع منها .اللي بتروح تاخذني معاها

وبس سلامتكم