موت طفلي

[همس86]

يارب انما اشكو بثي وحزني الا الله

اخواتي العزيزات هل من كلمه حانيه تحن ع قلب ام وتواسيه..
فقدت ابني قبل 3شهور
بعمر سنه والنص ..كان فرحه لقلبي بشكل ماتتخيلونه ماقادره انساه ولا اتخيل حياتي من دونه
يااارب صبرني يااارب
تعبانه وقلبي محترق عليه ماشبعت منه ولامداني افرح فيه
يااااارب يااااارب

ابي تجاربكم خواتي ..متى تنطفي النار اللي فالقلب:eh_s(2):

 

[اختكم نونا]

الله يرحمه طير من طيور الجنه ان شاء الله

والله يصبر قلبج وصدقيني الله ياخذ ويعطي وبيعطيج الاحسن

وعسى ان تكرهوا شي واهو خير لكم

قوي ايمانج وهذي حكمه الله والله يعوضج يارب ويصبرج

حاولي تلهين عمرج واذا عندج عيال عوضي فيهم واذا ماعندج فكري تييبين عيال يعوضونج

بس شنو سبب موته ؟؟

 

[white ro0oz]

حبيبتي خلي ايمانج بالله كبير ورب العالمين يأخذ ويعطي والخيرة فيما اختاره الله
.
فرشي سجادتج وادعي ربج بهالشهر الفضيل واطلبيه منه يعوضج بالي احسن منه وتمسكي بثقتج بربج وان الله مع الصابرين

 

[نـعـومـه]

الله يصبرج ياااارب

طير من طيور الجنه وممكن هالشي سبب دخولج للجنه يكون شفيع لج يوم القيامه

أما من ناحيه الدنيا اقترح عليج تحملين عشان تيبين طفل بأذن الله يعوضج عن اللي فقدتيه

 

[سور المدينه]

الله يأجرج يارب وان شاء الله شفيع لش في الجنه
الفقد صعب
بس حطي في بالك ان ربي عطى وربي اخذ
وربي يعوضك حاولي تجيبين غيره باسرع وقت اكيد ماراح ينسيش اياه بس توجهين عواطفك للطفل الجديد

 

[taliya]

حبييبتي الله ياجرج ويعوضج خير ياارب تذكري ان اللي الله كاتبه لج اهو الافضل وكل شي خيرة للمؤمن صح هالشي صعب بس الدنيا زايله وهذا درب كلنا ماشين فيه صبري واحتسبي وتذكري حديث الرسول عليه الصلاه والسلام ان رب العالمين يقول للملائكه " قَبَضْتُمْ ثَمَرَةَ فُؤَادِ عَبْدِي ؟ " قَالُوا : نَعَمْ . قَالَ : " فَمَا قَالَ ؟ " قَالُوا : حَمِدَكَ وَاسْتَرْجَعَ . قَالَ : " ابْنُوا لَهُ بَيْتًا فِي الْجَنَّةِ ، وَسَمُّوهُ بَيْتَ الْحَمْدِ "
لج بيت بالجنه وهناك ماكو فراق ولا موت ولا حزن
الله يشفع فيه ويصبرج و ياجرج في مصيبتج ويخلفج خيرا منها يااارب و يرزقج الذريه الصالحه اللي تبرج و تسعدج ياارب