مواقفكم بالفحص الطبي قبل الزواج ~ :)

[أنا الأنوثه]

لا يوقـــــف ^^

 

[أسيرة_أحزاني]

أفاي يعني مستحية ولا ينادونة وماسمع جان اقولة ترا نادوك جان يروح بعدها خمس دقائق نادوني طلعت ولا واقف ناطرني مع امي
الحين اييلكم الضحك قلت خلاتدلع
جان اقول فيني دوووخة وي وي وي جان يقولي شفيج اخترع مسكين ولا اقولة لأ مافيني شي
طلعناااا انا لابسة ملفع خفيف أهوا جدامي و امي و كان هوا اليوم و انا امسك عباتي لاتطير و حالتي حالة
حسيت بهوا برأسي ولا ملفعي طااااااير وقوم الحقة و انخش ورأ الطوفة والبسة ولا قاعد يدورني حسبالة مغمي علي هههههههههههههاي
جان اقولة مافيني شي ملفعي طار و ملفعي صار شكلة فللللم متبطل ماني قادرة ألبسة من الهواااا ومتتتتت ضحك اوووووف الحين يقول عني هبلة
بسسس صجججج موقفي كان يضحححححك ويفشل شلون كان يدورنننني غشيت ضحك
وناطرين النتيجة انشالله خير يارب ادعووولي

هههههههههههههههههههههههههههه

 

[اميرة عرش قلبه]

ههههههههههههههههههههههههههههههههههههههههههههههه

ذكرتوني باللي صار لي انه يومها كنت المفروض اروح الجامعة طبعا اهو مايدل المركز الصحي الي بنروح له بما ان اهو من منطقة ثانية فبالدقيقة يتصل على امي

ولا وصل قبلنا ومادشينا الا واهو قاعد في ويهنا وانه اطالعه من تحت لاتحت يطالع وانه ابي اضحك بس ميودتها مو قادرة

بعدين دخلنا الغرفة مع الممرضة وعطتنا اوراق نعبي البيانات وطلعت وخلتنا وانه ماسكة ايديني والرجفة يالله وانطره يتكلم ومااذكر شقال بالضبط

وبعدين رحنا بنسحب دم انه دشيت قبله واهو ماكو له مكان برا وانه حضرتي رافعة كتافياتي لي وين وانصدم ان دخلوه معاي ابيه انحجرت

وبعدين خلصنا واخر شي لازم ندخل على الباحثة واهي متاخرة مابتيي الا عقب ساعتين ابيه وانه عندي جامعة مااقدر اتاخر الا وحدة من خالاتي تقول روحوا بيتكم وتالي ردوا مرة ثانية انصدم شلون ارد هالمسافه وارجع مستحيل فقالوا له تعال معانا الا اقول انه بروح الجامعة وبرد لكم جان خالتي تقرصني تقول لي قعدي

ورحنا البيت والوالده ماقصرت ماخلت شي ماسوته من ريوق على بوو ريل بنتها اهني ونادتني تعالي اخذي الاكل وحضرتي من الربكة حملت لصحون بدون صينية ووديتهم ام الفشلة احرررراااج وقعدت وياهم على الريووق ومااكل الا يقول حق امي شفيها بنتج ماتاكل الا اتليقف واقول انه اكل يقول اكلي عدل ول ماراح اكل وشربت شاي عن خاطره

هههههههههههههههههههههههههههههههههههههههههههههههههههههههههههههههههههههههههههههههههههههههههههههههه:dddds::dddds:


الله يخليه لي حبيبي :33_1185028183:

 

[عن النسآ أفرق ~]

-



انا رايحه مع امي ، احس هاليوم مااا فيه شعور كلش !!
بنننننج
قعدنا انا و امي و اهوا قاعد جدامنا مو معانا ،
ما شفته بالبدايه من الخرعه اسولف مع امي
امي خاااااااايفه و ماسكه الجريده و ترجف
وقف يعطي امي الاوراق و يخزز
دشينا بنفس الوقت بس طبعاً مو نفس الغرفه
و بعد ما طلعت شفته عدل واقف ياخذ ورقه
بسسسس و بعدها التقينااا صدفه بنفس اليوم :d​

 

[ᵀᴴᴱƘsҺɑ]

انا كل مااذكر ذاك اليوم اضضحكك
كنت رايحه مع ابوي كنت وقتها مفهيه حددددي
واحنا بالسيازه ابوي بنروح فحص اللي ب الصباح
المهم ابوي سفط ونزل من السياره علشان يدق ع مآى هزبند هع
علشان يدليه طريق الفحص
.. طبعا محسوبتكم وقتها مفهيه ههههههه ابوي نزل واروح انزل وراااه مااشوف الا االلي يخزني ويقول اركبي السياره للحين ماوصلنا هههههههههههههههههههه وقتها كنت ابي اختفي ههههههه

 

[ملح الدنيآ.]

مواقفكم عجيييبه

أب

أب

 

[ضحكتي ماركة ]

الله يتمم عليكم ي رب

ويرزق اللي مو منزوجين بالزوج الصالح

 

[اميره^_^بحلآها]

هههههههه الله يوفقكم إنشالله

<

 

[ريـــمْ]

بنآت أذآ الرجآل قلبه تعبان شوي
يآثر بالفحص ولآ لآ ؟؟





​

 

[الفوز حلو]

الانيما مالها شغل انا فيني انيميا حاده والحمدالله النتيجه زواج آمن ..
والي تسأل عن تغيير لون الايد اي انا صارت بقعه سوده جم يوم وراحت

خنقول موقفي الجميل 
كنت نايمه ومااادري ان باجر الفحص كلش وهذا احسن شي لان لو دريت جان مانمت
دق اخوي قال قومي يالله فحص قمت لبست وكل شي ومادق اخوي كلمت مرت قالت لي نايم انا اهني قلت يووه لايكون حلم مالي خلق امسح الميك اب >> شوفوا التفكير
جان اشوف المكالمات الا صج اخوي داق موحلمانه جان يدق قال انزلي دقايق وجايج ببدل ورحنت طوول الطريج ملتزمه الصمت ميته سحى هو بيلطف الجو يسولف يقول الحمدلله ع ايامي وزوجتي ماكو فخص احسن احسن هههههههه
جان نوصل للطبيب برا ويدق اخوي عليه مادري هو دق عشان يدلون بعض جان اسمع صوته واضج وقلبي طربقطربق مت خوف حسيت صج لانمومستوعبه زواج ومسؤليه
المهم نزلت ماشفته عدل عدل لا بس قفاه حشيت بشعور مريح الحمدلله عقب جاب اهوي ورقه بيانات عبيناها ودخلت يسخبون مني المفروض ابره 1 كبيره بس الم موراضي يطلع كلش كلش جان تجيب السستر 3ابر صغار وطلع الدم اهم شي شافت بطاقتي المدنيه قالت هذي انتي هذي بق بق  انتي سمول مع ان هذا انا كوزن ماتغيرت .. وعقبها وداني اخوي مطعم ريقني وشرالي عصير برتقال وتم بحمدلله وملجت والله يكتب لي التوفيق ولكم والفال لكل بنت يارب ..

 

["tala"]

عسى الله يتمم عليكم ويوفقكم ويسعدكم كلكككم
مواقفكم حلووه ويسلموو ع الموضووع راائع


واذا انخطبت بقولكم موقفي >>مع اني ماابي اتزوج بس يمكن اذا كبرت اغير راي

 

[رنيم الروح]

الله يوفقكم زواجي سبق هالقرار تملكت قبله بـ 6شهور والحمدلله مولاحقه عليه لانه انا من غير شي مواقفي اتفشل

 

[عزوتي خمس صقور]

ويه بعض البنات تزوجو بدون فحص يا حافظ شلون تضمنون خو الريايل اغلبهم مجربين مع اجانب
والله مايندرى فيهم والله يكفينا شر الامراض ان شاء الله ويحفظنا ويحرسنه
للحين طموشه ادعولي

 

[manoooram]

مواقفكم حلوة

 

[روج وردي]

الله يجيب الرزق وادخل اقولكم موقفي

 

[حلآوهـ حلوهـ]

انا كنت عايشه معاه من قبل وبييننا ميانه

بس كنت وايد متوتره هاليوم ,, يمكن خوفا من النتيجه

سرنا انا وهو وامي بس هو بسياره ونحن بسياره

ودخلنا المستشفى وعبينا استماره فحص الزواج

وبعدين كل واحد منا سار وسحبو دمنا وبعد ماخلصنا دخلونا غرفة مرتبه ومريحه للنظر

وعطونا ملف فيه وايد اسئله عن المستقبل والحياه الزوجيه وبعض اسئله جنسيه طبيه

طبعا انتي تجاوبين وريلج يجاوب وبعدين يشوفون توافق الاجوبه

وننحن كان التوافق بيننا شي و 80 % الحمدالله ,, وخبروني بالاشياء المختلفه وعطوني نصايح

وايد حبيت هاذي الخطوه ,,

وعقب قالولنا بعد 3 ايام تعالو واستلمو التنتيجه

طبعا بهالثلاث ايام حالتي مب حاله حتى هو كننا نكلم بعض على البيبي وكل واحد فينا خاااييف

صدق تعبت نفسيا وييت المنتدى اشتكي للبنات هههه

ورحنا حق النتيجه وقبل لانستلمها طرشلي على البيبي : لو شو ما كان فيج راح اخذج يعني اخذج .. أحبج

امبيه ويهي استوى احمررر لوول ..

بعدين دخلت انا على الدكتوره وقالت خله ينطر بره .. وقعدنا نسولف وهو على اعصابه

الدكتوره متعمده هههههه وتسولف وتهذرب بس طلع عندي فقر دم ..

وعقبها سرنا الكافيه وتريقنا مع بعض وطبعا الوالده معانا ^^"

وملجنا والحين يالسه انطر العرسس =)

 

[بنت شاهة]

ااب خوش مواقف ضحكتوني الله يسعدكم -

 

[*مطبخ الذواقة*]

هههههههههه والله زين سويتي بس انا صراحة خفت ماتجرأت
بس احاول اسرق النظر بدون مايشوفني
هههههه واخوب ناداني صوب استراحة الرجال
ويكلمني عن أجهزة ومادري شنو وانا متنحة شفيه قاعد يناديني هالحزه
عشان اجهزة من صجه اخوي !!

جان يقولي بصوت واطي ياحماره خزييه خزييه طالعي
انا بقيت امووت من الضحك على اخوي فديته
جان اقوله ماقدر ماقدر واهو يقولي اقولج خزي
ههههههههه
مادري شصار فيني بهاليوم
ولما طلعنا اهو عطانا ظهره وطلع واحنا نفس الشي
لان طلع بطريج عكس طريجنا
جان اصير بطله والف اطالع زوله من ورا ههههههههههههههه






---









:tongue22:

هههههههههه ياحليله اخوج ...ما شاء الله ...عاد اذا تزوج رديها له ...

والله يبارك لكم يا بنات والفال للطموشات
...

 

[Zinab BH]

مواقفكم عجيبة بقولكم موقفي
انا اموت بشي اسمه رقاد وامي اكثر مني
انا اللي رحت قعدت امي من النوم عشان نروح المستشفى واهو صارله نص ساعة ينطرني بالمستشفى
تنقيعة من اول يوم مسكين لووول
الا الوالدة تقول لي روحي بروحج 0_o تحب النوم اكثر مني و عدوها اللي يقعدها من نومها اقولها يمىىىى قوووومي بالزور قامت ورحنا
خلته يقعد يمي على مايجي دورنا وانا لازقة في امي واطالع جووتيه واهو يطالع على صوب
ومافصخت نظارتي الشمسية لان فيني رقاد مو طبيعي اخاف يشوفني بالرقاد لوول
خذو طولنا و وزنا مع بعض و خذينا الدم هم مع بعض مستشفيات البحرين فضيحة
وبعدين دخلونا على استشارية زواج اهو تم يهذر وياها وانا ساااكتة كل ماتسألني اقولها مثل ما قال الاخ لووول مافيني شدة اتكلم من النوم الا الاستشارية تقول بنهاية كنا نبي نسمع كلامج
الا يقول لها ساحبينها من اللحاف و جاية 0_o
لوووول يوم لا ينسى ويوم استلم النتيجة مع ابوي خذيناها و تمت الملجة عقب بثلاثة اسابيع يمكن
ايام جميييلة جدا كانت

 

[أميرة-]

انا يوم الفحص وصلت انا واخوي قبله وقعدنا بالسيارة عقب اهو دق على اخوي وقاله انه وصل وشفنا سفط قريب قلت لاخوي انزل انت قبلي وانا بمشي وراكم ههههههههههههههه عشان اقزه على كيفي

نزل اخوي وسلم عليه ومشوا وانا مشيت وراهم .. انا قعدت بروحي وهو راح مع اخوي يسوي الاوراق وسحبوا منه قبلي بس طلعت من غرفة الفحص الا اهو بوجهي ينطر المهم اني طالعته عدل ههههههههههههههه

يومها ماكنت كاشخه بس كحل ومسكره انا ماحب احط مكياج اوفر