مواقفكم بالفحص الطبي قبل الزواج ~ :)

[فوق الوصف ~]

أب !

 

[ام ريتال 4]

ههههههههههه حلو الموضوع انا صارلي موقف عن جد يفشل من جد حسيت اني طفله انا قبل مايضربوني ابره اصارخ وتحاول معاي بس مافي فايده لين ماراحت لزوجي تععععععال هذا مافي معلوم هذا بيبي قام يصارخ زوجي وعمتي معاه تهزئني من جد فشله حسيت نفسي بعد الابره مغمى علي في السياره يحاول يكلمني وانا كنه يكلم جدار مو من الابره من الصياح والظغط الحمد لله عدت على خير

 

[ana 7elwa]

ماكو موقف رحت سويت تحليل والحين ناطره النتيجه يوم الاثنين

بس انغثيت منه لوووول وسكبت فيه واول ماخلصت سيده السياره ولا نص ابتسامه ولاااشي

 

[وردة-الكويت]

الله يوفقكم يارب يابنات ويسخر لكم ازواجكم وعقبال الطموشات

 

[قشطة]

مواقفكم حلووو

انا وااعليه قمت الصبح بروح الدوام والا اشووف تلفووني عندي رساله من الساعه 4 الفجر
من اخوي
يقولي لا تروحين دوامج بنروح المستوصف عشان الفحص ..

انا فوووق راااسي وااعليه !!!!! تعجب واستفهاام
ماكنت عااارفه شنوو اصلا فحص
وعطيت اختي التلفون قلت لها روحي لابوي وخليه يشووف االمسج << يعني مستحيه ههههه
وقال ابوي طيب
وهم راحوا منه وانا قااعده الساعه 7 ماعندي شغل رحت النت بحثت عن الفحص الزواج وشنو يبوون وما يبوون
وقلت اشوه والله على بالي يبون غير تحليل الدم تحليل بول ههههههههههههههههههههههههههههههههههههههههه
وانا عليه شسمه المهم
واقعد الساعه 9 ونمشي انا واخوي
ونطرنا شوي بالمصافط والا الاخ تووه واصل وهو يسووق يدورنا ولقانا وراه وهو يمشي جدام والا شنو تهقوووون صااار !!!!!








.








.



الاخ دعم هههههههههههههههههههه ياني بغيت اموت ضحك واخوي يقوول هاااا هذه اولها ههههههههه
وهو مرتبك ومستحي
وبصراااحه عقب ما عبينا البيانات
وبغينا ندخل الغرفه والا تطيح عينه بعيني حتى وهو لابس سبور ونظاره والله شفت عيوونه بعيني خخخخخ

ووووبس

 

[كاملة الدسم]

يوم الفحص قمت مبجر ولبست بدله الوانها فاتحه صباحيه وحطيت ميكب كامل بس كله خفيييييييييف

و رحت دوامي وبعدين استأذنت ورحت الصباح وامي يت هناك وقعدنا ننطر الحبيب فوق نص ساعه

و تالي لما يه سلم وقالي في مشكله !! وانا وامي بققنا عيونا و لا ورقة العدل فيها غلط مخربطين اسامينا مع اسامي غيرنا

ههههههههههه جان تقوله امي انت توك تشوفها !! الريال ارتبك وتوهق وقال لا مو قصدي ميخالف ما عليج امر عطيني بطاقتج

و خذى البطاقه و راح كلمهم ومشى الحال و اهو متفشل ومنزل راسه ينطر دوره وانا خزييييييييييييييييته خززززززززززززز

و عقب رحت سويت فحص ويوم يينا نطلع و لا اهو بويهي ويعتذر عالتأخير ومن هالحجي و حرك سيارته وحركت سيارتي وراه

هههههههههههه مع انه في طريج ثاني بس العوابه وما تسوي

 

[Al-7almah]

عقبـــــــــــآالنآ >> طمووششـة =)

 

[بولندية]

انا و قت الفحص ماصارت لنا مواقف بس عقب ما ردينا من الفحص لاني خذيت حبيبي ف كنت اكلمه قالي ان عيال عمه لما شافو ان خطبتنا دشت بوقت الجد حاولو يشيشون ريلي ان ما ياخذني و الحمدالله اللي ربي تمم علينا و الله لا يغير علينا =)

 

[سنااااي]

وناســــــــــه الموضوع,,,,

 

[eL 3eFa]

الله يرززززق اللي مو مخطوبات يارب

ويتمم ع الباجي

 

[رفيف الورد]

آمييييييييييييييييييييييييين يا رب العالمين أجمعين

طمووووووووووووووشه

 

[katkoota90]

لووووووووووووووووووووووووول مووضوووع فضيييع


انا ابوي دق عليه قبل الفحص بيوم قال له
باجر الساعه 10 ونص خلك هناك

@@ وابوي الصبح طلع عنده شغل ضروري الساعه 10

قاللي قومي بسسسسسسسسرعه خنروح الحين الساعه 8 !!
:| قمت بسرعه بسرععععه

كنت مضبطه منبه قبل الروحه بساعتين
على ما تفج عيوني من التتفخخ
المهم

قمت بسرعه ولبست بنطرون بيج
وقميض شيفون بيليسيه "تكسير " اسود
ومعاه ربطه ع الخصر

و ملفع بيج وجنطه برادا سوده وجوتي اسود
واكسسواراتي ذهبيه

حطيت مكياج نااااااااعم حيل حيل
وحمره لحمية على وردي

ورحنا بسرعه وقلت بلبس نظارة :| ماراح اقطها عشان اخزز براحتي ههههههههههه

رحنا هناك :$ اول ما دشينا مكان الفحص شفناااااه وسلم على ابوي

وقعد اهوه وابوي ب كبينه وانا وامي بكبينه :$
<=- رايحه مع امها وابوها هههههههههه

واااي لما سويت الفحص وخلصت (((((((( طلعت مشيت جدامه
احسسسه يخززني من ورا استحيييييييييييييييييييييييييييييييي
وصوت الكعب و المكان فاضي (( فشله


وسويت الفحص :$ وطلعناه ب يومين واسطاته اهوه :$

والحمد لله ربي تمم على خير .. ويارب يسخر لي قلبه :$
ويرزق كل اللي ما تزوجو

 

[ام طلال العتيبي]

انا باالنسبه ليــــــن .. اختبصت وقلبي طااح ابطني.. خايفه من الفحص ومن شكل الريل؟؟؟؟
طبعاا رحت وعيني باالارض ونقاااب وعباية رااس شكلي يضحك كل هذاا عشان مابي ه يشوووفني الا بليلة عرسي ....

 

[الحزن مخاويني]

موفقين

 

[ام مناوي2009]

خساااره انا مالحقت علي هالسالفه
بس بقولكم
سالفة اخوي يقول كنا رايحين انا وابوي
ومرتي وامها وابوها
ابوها جلس معانا وهي قعدت مع امها
يقولون اول شي نادوني
دشيت سحبت دم
وقعدت بره انطرها ادش ولما دشت ماطلعت البنت
جان يقول قلبي نغزني
يحليلللللله حنون اخوي فديته
يقول وانطر وانطر والبنت ماطلعت يقول عاد استحيت ومشيت مع ابوي ردينا البيت
اول مادخل البيت يركض عند امي ويقول يما مرتي دشت الفحص وماطلعت تكفين يما اتصلي علي امها تلفون طمنيني عليهااا
وتتصل امي علي امها وتقول امها اي والله داخت عليهم وحطولها درب وبعدين سحبوا منها دم البنت داخت قبل لايسحبون منها دم
اظن انها داخت من جمال اخوي الفتاااان فديته

 

[little-voice]

لوووووووووول اهم شي يحطونكم بغرفه وحده ههههههههه ضحكتيني
انا ما حاشني القرار
خووش موضوع

 

[رُۈحَ ۈ رْيحَآن]

موضوووووووووووع يووونس حده

 

[sona87]

تجاربكم تونس

بس اتزوج اقولكم المواقف

بس سؤال محيرني اذا مثثلاا طلع في البنت مثلااا انيما ياثر على الزواج؟؟؟

 

[Mrs Al-Nasser]

لوووول عيل آنآ نكته ,
الله يسلمج انا فيني ربو
أول شي قمت من النوم مختبصه وحالتي حاله وعلى ماوصلنا بالشمس وحررررر قاعدين ندور المكان مو دالين لوووول
المهم وصلنا وانا مرتبكه وخايفه , اخاف من التحليل وهم مرتبكه من الموقف وهم حر
قعدنا مع بعض نعبي البيانات اشوي ولا اقول حق امي مختنقه احس بطيح " من الربو :eh_s(1):"
اشوي ولا اطيح عليهم هههه واختبصو واهوا اخترع راح يابلي ماي
ونادو رقمنا دش اهوا حلل
لما طلع ولا انا بويهآ بيدخلوني على ولجير لوووولعروس مسكربه
وبس على ماهدوني خذو التحليل واهوا وامي يمي ويابولي عصير وجبس من الخرعه :eh_s(22):
حآلتي صعبآآ
​

 

[أبلـه بيبيات]

انا قصتي قصة لول
اساسا كنت اكلمه بالفون بعلم اهلي يعني متفقين متى بنروح الفحص
طلعت من دوامي الصبح ومريت امي ورحنا انا وامي واهو بروحه يانا هناك
طبعا هناك احساس لا يوصف يخرع !
يعني شي صج مو غشمره خلاص فحص عقبه زواج
نطرنا على ما ياب ريلي ورقة وقال لي عبيها طبعا عبيتها ويايب لي معاها كان قلم
اهو كان بعيد امي جان تقول لي اخذي القلم ذكرى هاليوم
عاد اهو قلم بو اميه يلوع الجبد وبالغصب يكتب قلت لها لا ويه شبي فيه مابيه وخليته عالكرسي
جان تقول والله يذكرج بهاليوم بعدين اخذيه وتاخذه وتحطه بجنطتي
جان ايي ريلي ويقول فلانه وين القلم الرسبشن يبونه !
طبعا انا هاه ! القلم ! اي قلم اي اي مادري وينه خل ادوره
قال يلا دوريه ناطرج ابيه يروح عشان اطلعه من الجنطه قصت وي حسباله فقر ماخذه قلم
طبعا لزم علي الا ادوره جدامه جان اطلعه من جنطتي الله يالاحراج
ولما نادونا عشان ندش طبعا الرسبشن الحريم بطو جبدي شهالنظرات الخايسه !
احسهم عوانس ومحترين ! نظراتهم ويع
جان تقول لي بنزر لو سمحتي اهو بروحه خزيتها خزه بغت عمرها
جان تقول لي السستر لا تعالي معاه طبعا انشرح صدري لوول
يوم سحبو دم معروف اني اخاف من الابره من اشوفها اغشي
اول ماسحبت غشيت وتميت يمكن ربع ساعه ارجف وطايحه غشيانه وريلي مايدري
اول ماطلعت الكحل سايح والملفع ضيم
يعني كان يوم لا يوصف لوول
بس بنفس الوقت كان حلو
والفال للعزابيه
وعيدكم مبارك