مواقفـــكم لما قابلتـــــي ( ريلج ) شريـك حياتــج

[دلع*]

قوه بنات

عساكم بخيــــر

نبيكم تشاركووونا بمواقفكم

شلون كانت اول مقابله لكم

متى كانت قبل الملجه ولا بعد ؟

شنو كان رده فعله ؟

شنو الاسئله الي قالها لج ؟

هل كان مرتبك ولا لا ؟

منو قعد وياكم ولا برووحكم


المايك لكم

واي نصايح فيدوناااااا

 

[راقية بذوقها]

سكتي انا ملكتي بعد بكرى الجمعة وبشوفه شوي وحدي خايفه والدوره جاتني قبل موعدها بخمسه ايام وفلونزا واسهال حشى مابقى شي صج شعوور غريب وطبعا مافي نووم ربي يسهل يليت البنات يفيدوونا ويطمنونا

 

[iLLuMinaTion]

خوش موضوع

 

[دلع*]

راقيه بذوقها تصيحه .. استمتعي .. هالمقابله مراح تنسينها بحياتي والله يوفقج

LLuMinaTion شاكره ذوقج ​

 

[غرام 20]

ههههههه وناسه
انا خطبني ويبي يملح عليه وهوا ماشافني بس امي اصرت انه يشوفني
عشان مايتحجج بعدين او اكون ما اعجبه
والحمد لله شافني وطار فيني وكنت حدي كاشخة جني رايحه لعرس
وقعد بعيد عني وامي تكلمة واهو يطالعني وانا ميته من ابضحك بس مسويه نفسي استحي
ولما ملجنا من باجر الحفله قال بتغشا معاج وقعد معاي ما اسولف يطالعني وانا اقول شنو شفيك
وكل شوي اقول له تبي ماي ابنحاش ومن باجر الحفله تلبيس الدبل ووناسه
نصيحة عيشو الجو لاتقوبين استحي عادي دامة زوجج هههههه
والله يمم عليه يارب وماباقي شي علي العرس

 

[راقية بذوقها]

ماشاء الله عليج لا حبيبتي صعب اكون مثلج انا ماعمري قعدت مع رجال غريب وماعرف الا ابوي واخواني وخوالي انا من الحريم استحي تبين رجال غريب ماستحي منه وموفقه يارب والله يسهل علينا

 

[دلع*]

راقيه بذوقها لا تحاتين انا نفسج عمري ما كلمت احد غريب وحدي حياويه في مواضيع هذي بس بوقتها
صرت نفس غرام يتني نوبه ضحك لووولـ الله لا يوريج كل ما اتذكر الموقف اضحك

الله يسهل عليكم وعلينا ويوفقكم

 

[tota77]

لووووووول خوش موضوع

انا صارلي شهرين من ملجت .. واول يوم كنت ساكته اهو سأل واهو جاوب

قال الي عنده كله وماكلمته الا عن دوامي .. كنت حدي مستحيه واول ماطلعوا


جان اقولهم ارتحت وايد انا ابيه لووول :$


وعسى الله يتمم عليكم وعلي يا بنات ويرزق الباجي يارب :*

 

[دلع*]

^
^
اللهم آمين
شنو ما ارتبك يوم شافج ولا الوضع كان عادي ؟؟

 

[tota77]

لا بس اخته تغششه وويها صار احمر

..

بس لان من اهلي ف الوضع ماكان مربك وايد .. انا الي كنت متخوفه لانه يصيرلي وماكنت ابي انحرج بشي :$

 

[Glamour-mutir]

كان وااايد مرتاح واهو يسولف وتنا كنت بموووووت من الخووف والمستحى
وكل كلمه وثانيه ليش مستحيه مني واهو يسال وانا اجاوب كلمه وحددده لدرجه انا علي بالي اني صرت طرمه هههههه وبعدها كلم امي وشتكي علي لوووول اني ما اتكلم

 

[Bink Bubble]

ي بنات انا وقت اللي شافني اول مره بمعهد وجات وحده من خواته ومابينت لي انها تبي تخطب وعادي وكل شي لمن رديت لديرتي طلبوا يزورونا لانهم جايين زياره على مكه لمن خطبوا وكل شي قاله ابوي لازم تشوفها زين هههههه
طبعا امه واخته موجودين انا دخلت عندهم لمن قعدت خشيت ورا اخته وحطيت يدي على وجهي ههههههههههه
يوم الملكه قعد يذكرني بهالموقف ويقولي ها ي جبانه الحين قرب زواجي للحين يقولي اي ي جبانه هههههه

 

[لمى الهاجري]

لوووووووووووول وناسة نبي مواقف اكثر عزابية واتطمش

 

[ياحبي له..!!]

مشكوره ع الموضووع الحلوو

انا موقفي خايس ولحد الحين نااقده ع نفسي وامي بعد نقدت علي
لاني اول مادخلت تعرجبت ودخلت اركض من الخرعه قعدت عند امي
ولما قعد يسالني ارد عليه واخر شي بطيتها ضحكه وطلعت
بس اشوه كنت خايفه يقول خبله بس انثول علي ����

 

[اروحله فدوه]

Upp

 

[يرخصلك كل غالي]

يا حبي له موقف صعب الله يعينج


انا اول مرا شافني بالدوام جايً يسوي معامله بس مريت قام من الكرسي صار الوضع اللي مو قاعد ولا واقف

وبعدين لما سال عرف اني عماميً جيرانهم هههههههههه اكيد استغرب شلون صرت بنت عقب شطانه وانا صغيره

والله يتمم علينا بخير

 

[يرخصلك كل غالي]

وجيرانهم من عمر ابووي

الدنيا صغيره عقب هالعمرً يتناسبون ومن معاملةة

 

[بنوته ستايل]

اممممم انا اول مره شافني بيوم تلبيسه الشبكه هو كان مرتبك بسسس ماقاليً الا الحين..حزتها موبين عليه ان مرتبك

بس لان اهو طبعه مايحب يدخل وفي حريم خخخخ بس طلعو وخلونا بروحنا ربع ساعه او اكثر شووي..

<<انا صننننننننننم ما اسمع ولا ارئ ولا اتكلم ..<<ضيفو عليها ما اضحك بعد


وانكسرت رقبتي من كثر ما اطالع الطوفه وهو قعد ينكت وانا عمك اصمخ لين ما قال يعني اقوم امشي..!!<<انا هني ضححححكت��

اممممم وبس قال كلام واجد والحين اقوله شنو قلت يقول ما اذكر من كثر ماكنت مرتبك مادري شنو اقول لوووول


وبس الله يتمم لنا ع خير


<<ملحوظه لاتستغربون من العداد لان عرسي صار اخر الشهر ومالي خلق اغير العداد خخخخخخ

 

[بنوته ستايل]

^^^^^


<<<تم تعديـــــــــــل العــــــداد..

 

[Beyoncee]

خوش موضوع مواقفكم تهبل كلها حيا وبراءه
الله يوفقكم