مواعين رمضان يابنات تعالووووو

[ذهبه غاليه]

السلام عليكم
شلووونكم يابنات
مبارك عليكم الشهر مقدما
والله يبلغنا رمضان واحنا بأحسن حال
حبيباتي طبعا عارفين رمضان شهر الخير والطبخات والحلويات والفناتك
بنات اكيد المواعين لها دور في حلوياتنا وطبخاتنا
وانا صراحه احب التفنتك>>> بدددعت حدي
المهم ادخل بموضوعي>>> مطوووله الاخت

بنات وين احصل مواعين تقديم حلوه
من ناحية الشكل واللون والديزاين
يعني مثلا في كاسات تستخدم للحلويات البارده وفي اطباق بعد هم صغيره وحلوه
بنات اتمنى تفيدوني
واللي تعرف لاتبخل علينا
ويكون السعر مناسب وحلو
فدددديتكم ناطره ردودكم

 

[PuPa^^SWeeT]

انا شريت سوالف من سيتي سنتر



ست كامل للجاي مه القوري و السوالف كلها



الصحوون شريييت ست كامل من شووربة و صحون صغار و جذي



و شريت قلاصات صغااار حلويين للجيلي و الكريم كراميل و الكييك الاوريووو



قفااشي شريت من جياان عاديين لأنه اللي فيهم حركات بسرعة ينكسرون

 

[ملكةالورود]

وعليكم السلام
سوق المشايخ الي بالعقيلة عند البيرق سوق الراقي بالفحيحيل

 

[مذهلة 78]

والله حبيبتي انا شريت من دومو ولصحون خذيت من تروفاليو ومن سنتر بوينت

 

[جذابه بنت ذيابه]

للحين ما شريت بس احلا شي اللي بسنتر بوينت و بعد كرز حلو شغله ..

 

[ام نواااف]

ترفاليو يهبل بس اشوي غالي
وعندج الاسواق الشعبيه سوق كرز مواعينه حلوه ورخيصه

 

[@ام يوسف@]

للرفع

 

[المها الابيض]

انا متعوده اشتري من بيروت ستي بمجمع بيروت

وسامعه عن المشايخ انه حلو يم البيرق

 

[لبنه بالزعتر]

امي دايم تشتري من الاسواق الشعبيه والله شغلها حلو

فديتهااااااااا

 

[ناتشوو]

انا بعد بديت القط من هنا وهناك

اخذت طقم مواعين من رد تاغ وصينية كبيرة
واخذت من سيتي ستار ماعون ينفع للسلطة وفيه مكان ع جنب ينفع لو بحط صوص فيه
وابي شوك بعد
قلاصات عندي
يمكن اخذ مطارات جديدة بعد
قاعدة اسوي جرد عالمواعين هالفترة

 

[زهره الجلنار]

اب اب

 

[مرفأ الذكريات]

سيتي سنتر الي بالسالمية حلو مواعينهم

 

[الغضى]

العملي لقطت من ستي ستار بالري منزلين شغلات حلوة
والكشخة للتقديم ناوية أروح دومو بس ابي طقم استكانات

 

[ذهبه غاليه]

فديتكم حبايبي
بنات دومو وين مكانه اول مره اسمع فيه
تراني عليميه بالمواعين

 

[قصر الرمال]

عندج سيتي سنتر وعندج قصر السلطان

 

[صمت المرافئ]

والله ذكرتوني
يبيلي ألقط مواعين لرمضان
والاسواق الشعبية حلوة مواعينها
وبالنسبة لدومو
تلاقينه في سوق السالمية الأحمر
فاتح له فرع هناك
محله يم المنصور للمكياج
​

 

[حوور~]

الاسواق الشعبيه مواعينها روعه

 

[FDET NFSY]

لللحييين ما بديييييييييييييييييييت

 

[أم ناصر93]

الحين قاعدة القط لي شغلات

اخذت من سوق شعبي جنب البيرق ما اعرف اسمه طقم استكانات وفناجين

والمطاطير للحين مالقيت قاعدة ادور مطارة ما تبرد

الحين يلوعون الجبد بسرعة يبرد الشاي والقهوة تصير مليقة

اذا وحدة تعرف مطارة زينة نفس ماركة السيف القديمة اللي ما تبرد

اكون شاكره لها

*************


لكم تحياتي

 

[نـور الكويت]

احسن نوع للمطاطير الماااني ومايبرد فيها الشاي

وسووق المشايخ رووعه الي بالعقيله

والراقي حلوو

وقصر السلطان هم حلوو. *