مواعيد التسجيل في الجامعه والتطبيقي

[أسمى حب]

السلام عليكم ورحمة الله وبركاته


حبيت ابارك لكل من انهى المرحله الثانويه . وخلص من هم الاختبارات وبدا مرحله جديدة


واهدي لهم مواعيد التسجيل في جامعه الكويت حسب النسب

وباجر أن شاء الله يجيب لكم الخبر اليقين على التطبيقي

وعموما التسجيل فيه يبدأ يوم السبت 8 / 7 / 2006

 

[شادية]

مشاركة: مواعيد التسجيل في الجامعه والتطبيقي

الله يبارك لج ومشكووووووووره لانه اشكثر بيستفدون وجزاج الله خير

 

[you 2]

مشاركة: مواعيد التسجيل في الجامعه والتطبيقي

الله يعطيج العافية

 

[flfoola]

مشاركة: مواعيد التسجيل في الجامعه والتطبيقي

عساج على القوة
احب اضيف ان باجر في معرض للراغبين بالتسجيل في التطبيقي في مبنى 7 بالعديلية - يعني اللي تاخذ الظرف تقدر تسأل بهالمعرض عن التخصصات الموجودة و الاقسام التابعة للكليات و المعاهد و تستفيد ..

 

[أسمى حب]

مشاركة: مواعيد التسجيل في الجامعه والتطبيقي

يسعدني مروركم

وادي الغروب


يو تو


فلفوله
وين صاير بالضبط اوصفولي يا بنات ما ادل ................. بودي اختي .

 

[saro0ona]

مشاركة: مواعيد التسجيل في الجامعه والتطبيقي

مشكوووووووووووووووووووووووووووووووووورة

 

[flfoola]

مشاركة: مواعيد التسجيل في الجامعه والتطبيقي

جمعية العديلية على يمينج .. ستاربكس على يمينج كملي سيدا .. طوفي اللفة اللي توديج الجمعية .. تلقين بوابة على يمينج دشي ... و سألي الحارس عن مبنى 7 اهو اللي فيه التسجيل و المعرض ..
انتي بس تدشين البوابة تاخذين يمين تمشين سيدا شوي و تلقين مبنى 7 على يسارج ..

و حياج الله

 

[HoNeY_GirL]

مشاركة: مواعيد التسجيل في الجامعه والتطبيقي

مشكووورين بنات ماقصرتوا وايد راح يستفيدون منه

 

[أسمى حب]

مشاركة: مواعيد التسجيل في الجامعه والتطبيقي

المستندات المطلوبة للتقدم للجامعة

طلب التحاق رسمي كامل البيانات وموقع من الطالب
(1
النسخة الأصلية من الشهادة الثانوية
(2
البطاقة المدنية للطالب ( سارية المفعول ) ونسخة عنها للمطابقة
(3
عدد (2) صورة شخصية حديثة وملونة
(4
سداد مقابل نقدي قدره (10 دنانير) غير قابل للرد نظير تقديم طلب الالتحاق
(5
بالنسبة للطلبة غير الكويتيين تطلب منهم مستندات أخرى لإثبات فئة المتقدم
(6

 

[abla_momaiza]

مشاركة: مواعيد التسجيل في الجامعه والتطبيقي

مشكوره فيض كل الشكر جيتي بوقتج الصراحه ضايعه ما ادري شسوي بسجل ولدي بس ما اعرف متي التسجيل والمكان بالتطبيقي ردي علينا بسرعه حاولت ادش على موقع التطبيقي ما استفدت شي والمعرض اللي قالوا عنه ما زال مستمر ولا لأ؟

 

[LaSt WoMeN]

مشاركة: مواعيد التسجيل في الجامعه والتطبيقي

المعرض باقي له ساعة على ما يخلص

 

[abla_momaiza]

مشاركة: مواعيد التسجيل في الجامعه والتطبيقي

شلون يعني شنو راح يطوفني امبيه ما ادري عنه ؟ قصدج المعرض كان تنويري ؟ انا قاعده اعابل وهو ولا بالبال نايم لهذى الحزه

 

[LaSt WoMeN]

مشاركة: مواعيد التسجيل في الجامعه والتطبيقي

اي بالضبط تنويري .. اذا ما لحقتي عليه سألي وين تلاقين الكتيبات الخاصة بالكليات او المعاهد اللي انتي حاطتهم اببالج .. و من خلال هالكتب تقدرين تعرفين اكثر عن التخصصات و شنو اللي تميلين له اكثر و شنو الفرص الوظيفية له ..

بس لازم تاخذين أظرف من مبنى 7 ,, أخر يوم للتسجيل 30/7 ..

و بالتوفيق ..

 

[abla_momaiza]

مشاركة: مواعيد التسجيل في الجامعه والتطبيقي

يا عمرى فلانه مشكوره على ردج السريع الصراحه استفدت من هالمعلومات القيمه ما قصرتي

 

[أسمى حب]

مشاركة: مواعيد التسجيل في الجامعه والتطبيقي

المعرض توني اتصلت عليهم واصدموني ان اليوم أخر يوم لأستلام المظاريف , وبعدي ما اخذت لأختي شئ

بس يفتح بعد من الساعه 5 الي 8.5 والتسجيل يستمر الي30 /7 / 2006

ادعوى لأختي أن شاء الله تتسير امروها .

 

[LaSt WoMeN]

مشاركة: مواعيد التسجيل في الجامعه والتطبيقي

حياج الله حبوبة .. حاضرين

 

[abla_momaiza]

مشاركة: مواعيد التسجيل في الجامعه والتطبيقي

مشكوره فيض يعني اليوم نقدر ناخذ المظاريف منهم ؟ ونيتدي للتسجيل من يوم السبت ؟ والأوراق نفس المستندات المطلوبه بالنسبه للجامعه ؟ آسفه على الازعاج؟

 

[LaSt WoMeN]

مشاركة: مواعيد التسجيل في الجامعه والتطبيقي

تسليم الأظرف مستمر لي 30/7 لا تحاتين فيض معلومة اكيدة .. بس انتي احتياط روحي قبل هالتاريخ .. اضمن

و المعرض خلص اليوم لا تتعنين .. و اللي تقولين عنه في العصر ذاك معرض ثاني هم خلص اول امس ..

و كل التوفيق لاختج ان شاء الله

 

[abla_momaiza]

مشاركة: مواعيد التسجيل في الجامعه والتطبيقي

يعني ما اروح اليوم للمظاريف ؟ ومتي اروح ووين؟

 

[أسمى حب]

مشاركة: مواعيد التسجيل في الجامعه والتطبيقي

حصلت في ارشيف احد الجرايد