مهم مهم مهم مهم مهم مهم مهم مهم مهم مهم مهم مهم مهم مهم للكويتيــــــاااات فقــــــط

[✿¸3ώẪṧĤ»]

بنات لا تردون على الأطفال.. أهما متوترين لأن اليوم مدارس..

ههههههههههه :krkrkr: :krkrkr: ..

أوووكيك أنآ طفله ع قوولتج ..

و شنووو يعني موو عآجبج مسلم البرآك أنآ وجهة نظري و قلتهآ ضمير الأمه و غصبـ "ن" ع اللي مآيرضـى خير يعني اذا مو مسلم البرآك ضمير الأمه تبين منوو يصير ضمير الأمـه الجويهل اللي طآيحلي سب بـ القبآيل اللي أبووه كآن يشتغل عندهم ؟

و اللي يسب و يشتم مطير بوجهة نظري يسب و يشتم كل القبايل و قولي اللي تقوولينه مآهميتيني مآ أظن أن الدرآسه بتوترني و ليش أتوتر أمتحآن فآينل مثلاً الحمدلله و الشكر . .

 

[فلنتينو]

مشكوووره ورع البدوو
تسلمين ع الموضوع

 

[AL-DMERA]

الله يرحم الشيخ جابر ,,
صاجه بكل كلمه قلتيها ,,
مانبي فتنه والله الكويت ماتستاهل ,,
ثـ,ـآنكــٍس ,,

 

[مستغانميـة]

أخذوا الكراسي والرتب والمنابر
و ردو لنا كويت تسعه وثمانين
ياكويتنا ردي لنا كويت جابر
ولا قلت جابر ادري انك بتبكين

...

 

[دولنغا]

صارلنا 5 سنين كل أهل الكويت يطالبون بنفس المطالب يقولون :
-نبي مستشفيات جديده << بنوا مستشفى واحد ولحد ألحين حفره!
نبي دكاتره ممتازيين احنا مو حقل تجارب والأخطاء الطبيه كثرت وأنا واحد من أهلي مات بسبب خطأ طبي
لجنة العلاج بالخارج شوفوا الكويتين والكويتيات شلون طوابير ويرفضونهم ! مووو حرااام ؟!
-نبي جامعات << سقطوا عيالنا علشان مالهم مكان بجامعة الكويت والوزير يصفنا بالبعثيين والبدون ويقول أنا سقطت علشان يصير قدوة لعيالنا ! شتبون بعد احمدوا ربكم !
-نبي سكن << عيالنا ينطرون 15 و20 سنه على ما يطلع لهم بيت
-نبي كادر << المعاشات والكوادر فيها ظلم
-نبي وظايف << عيالنا ينطرون ديوان الخدمه 5 سنين و10 سنين والمحظوظ اللي يتوظف على طول أو بعد سنه ,,,, والمهندس يوظفونه مأمور بداله ! يعني مو شرط تتوظفين على تخصصج انسي
-نبي غذاء وماء صحي << اللحم الفاسد ما زالنا ناكله واليوم بالجريده التجار زادوا في توزيع اللحم الفاسد في فبراير لزيادة الطلب على المطاعم :rgewrg: والماء سبق وقالوا مسرطن !
-نبي بيئة صحيه وهواء نقي << هالقضيه سببها الغزو العراقي والاتحاد الاوربي بعث لجنة بيئيه للكويت وأعطاهم بعض الاقتراحات لتطبيقها علشان تصير تربتنا والهواء صحي لكن للأسف الحكومه أغلقت هذا الملف ! والآن الخبراء يؤكدون ان حالات السرطان والتسمم بازدياد

تعليقي على الفقره 5 سنين شويه حق كل هالمطالب قولي 10 سنين او 15 يمشي الحال

وبالنسبه للمستشفى وأكيد تقصدين مستشفى جابر صح كلامج وايد تأخرو فيها بس يقال إنها على 2013 بتكون جاهزه إن شاء الله

بالنسبه حق الدكاتره الممتازين شي طبيعي في دكاتره ممتازين والا جان شفتي كل العمليات فاشله وفي دكاتره تغلط من إهمال وفي دكاتره تييب قصارى جهدها لكن مع جهدهم تكون النتيجه عكسيه والبعض من المرضى وأهالي المرضى ما يتقبل هالنتيجه العكسيه كأنه الدكتور قاصد هالشي ما يحطون في بالهم إنه الامر بالأخير لله سبحانه هذا غير الضرب الي يتعرضون له الدكاتره من البعض على أتفه الأمور الدكاتره هم بالأخير بشر يخطئ ويصيب لكن الفرق الي يخطئ بإهمال وإلي يخطئ مع إنه عطى كل جهده

بالنسبه للعلاج بالخارج ما عندي أي فكره بس أتمنى إنه ما يكون هناك واسطات علشان أسافر وأتعالج وإنه يكون فعلا المريض يستحق العلاج بالخارج يعني مو على ابو إنه هالمريض ما يثق بمستشفياتنا ويبي علاج برا يسفرونه لا ما يصير هناك ناس احوج منه حق العلاج بالخارج

بالنسبه للقبول بالجامعه يمكن بسبب الكثافه السكانيه وزيادة الرواتب والكوادر قبل المعاشات كانت 300 وشي الحين اقل شي 600 وشي بعد مو 600 بس الوصول لل 300 كان صعب والوصول حق ال 600 أصعب وإذا كان فيه زياده هالسنه راح يكون الوصول أدهى وأمر يعني شي طبيعي بعد الجامعه أو المعهد راح تشتغلين

بالنسبه للسكن انا أقول ياليت يطبقون المده على حسب سن الزوج يعني أبو 20 و22 يخلونهم ينطرون 15 سنه أو 20 سنه لأنه العمر جدامه وإذا هو من الشباب السنع يجمع مبلغ خلال هالفتره علشان يحط على بيته شي أحسن وأبو 30 وفوق يخلونه ينطر 10 سنين

بالنسبه للكادر كلنا نتمنى الكوادر بس في ناس أشوفها مظلومه اقولج شلون إنتي جامعيه وإشتغلتي بمكان مافي كادر ورفيجتج مثلن إلي شهادتها دبلوم إشتغلت بمكان في كادر ترضين إنج تكونين أقل من معاشها مع العلم إنه إنتي شهادتج أعلى بالنسبه للكادر انا اتمنى تحديد الكوادر والزيادات على شرط على حسب الشهاده مع العلم إني دبلوم

بالنسبه للوظايف تقريبا نفس إجابة القبول بالجامعه قبل ما كان عدد المتقدمين للديوان بنفس عدد المتقدمين الحين والحين لو تلاحظين كل ناس يبون مكان معين الي يسوون ربط بوزاره 5 سنين والي يرفضون جم وزاره ولا تنسين زيادة الرواتب وبعض الاماكن صار فيها كادر فكل شي تصعب

بالنسبه للحم الفاسد يبونكم تاكلون أكل بيت بسكم مطاعم كل يوم والا كل يومين :krkrkr:والماء لا مسرطن ولا شي

وبعدين ليش الإتحاد الأوربي وعندنا سلوى المطيري :tomato2: هي مو تقول زراعة شجره الجوجوبا صراحة انا قريت عن هالشجره وايد لها فوايد صحيح إنه سلوى عندها أفكار ما تدخل العقل مثل جزيرة القطط بس فكرة شجرة الجوجوبا حلوه

ورع البدو هذا ردي على فقرتج الأولى الي انا مقتبستها من موضوعج والفقرات التي تليها يايه بالطريج لي تكمله إن شاء الله :aha:

 

[إلين اليوم]

ماشالله عليج .. دائما مبدعه ياورع البدو

 

[هدوء العالم]

الله يستر علينا كويتنا الحبيبة من
أعضاء المنتديات ( إلي أنتم منهم )
والله يستر على كويتنا الحبيبة من
كل من له حساب بتويتر والفيسبوك
وهذي للأسف من الكويتين كلهم
حضري ( أساء للبدوي ) الله يهديك ومنو الخبل إلي يلتفت لك ( أنا بدوية ولا ألتفت له ولا أحد من أهلي قام على الكويت كلها من سبة واحد ولا عشرة ) خليناه يقول من اليوم لين رجيله والقبر ولا يهمنا
وبدوي ( أساء للحضري ) الله يهداك ومنو الخبل إلي يلتفت لك
وسني ( أساء للشيعي ) الله يهداك ومنو الخبل إلي يلتفت لك ( الواثق من عمره مايسوي شوشرة بالكويت )
و شيعي ( أساء للسني ) الله يهداك ومنو الخبل إلي يلتفت لك ( الواثق من عمره مايسوي شوشرة بالكويت )

أعتبروا نفسكم شجرة مثمرة لأنه لا تقذف إلا الشجرة المثمرة

أسمحيلي حبيبتي ورع البدو

 

[حبيبه العلي]

صح لسانج ياليت الكل يحافظ على الكويت لانها جوهره حرام تضيع بسبب افراد اقل مايقال عنهم جهله

واصحاب مصالح والباقي مع الخيل ياشقرا هم يطبلون واحنا نرقص لهم

 

[ReeM ^ Style]

الفتنه نائمه لعن الله من ايقظها

لاحول ولا قوة الا بالله

 

[وبعديين]

تسلم يدك على الكلام الجميل

قلتي كل اللي بقلوبنا

 

[نادين العتيبي]

الله يلطف بحال المسلمين

 

[بين المشاعر]

روعه

 

[^^yasmina^^]

يحرر

 

[^^yasmina^^]

ورع البدو مشكووورة حبيبتي ما قصرتي البركة ان شاء الله بشيخ صباح والعيب مو في حكومتنا
العيب فينا
ثع القنوات اليديدة والجرايدزادت المشاكل بينا