مهم حق كل البنات و لا تقولين مو مهم حقي .... اقري عن التهاب الفطريات

[كريستال ليدي]

حبيبايبي لازم تحطون في بالكم أن الفطريات أصلا موجودة بصورة طبيعية في المنطقة الداخلية
إهية نفس نوع الفطريات وحيدة الخلية اللي بالفم و إسمها كانديدا البيكانا

إهي صار إلتهاب لأن زاد العددة فوق المعدل الطبيعي أو إن المنطقة صارت حمضية
لأنهم محبين للبيئة الحمضية

آنا طالبة و تخصصي ميكروبات

مشكورة على التوضيح حبيبتي ... بس انا اللي صار عندي كان التهاب مو طبيعي يعني فيه حكة و حرقة و افرازات و لما سويت تحليل قالولي ان كمية الفطريات اللي موجوده بالمنطقة زايدة عن الطبيعي و مسويه التهاب

 

[Miss_Moon]

مشكووره

 

[كريستال ليدي]

حياكم الله

 

[النووور]

مشكوره عالموضوع المفيد

 

[ميمي الحلوه]

حياكم الله

طيب شنو سويتي علشان راحت منج الحكه

ياعمري قولي

 

[كريستال ليدي]

طيب شنو سويتي علشان راحت منج الحكه

ياعمري قولي

حبيبتي خذيت علاج حبوب اول شي و ما فاد لان الالتهاب كان قوي و بعدين خذيت كورس تحاميل مدة اسبوعين و الحمدلله ماكو الا العافية

 

[G.U.C.C.I]

 

[المزيونه بنت المزيون]

مشكوره حيل هلى الموضوع الروعه

 

[ميمي الحلوه]

مشكوره ياعمري

بس انا بنت مو متزوجه اظن مايصيرون لي التحاميل صح؟؟؟؟

ماقصرتي ياعمري

جزاج الله خير

 

[شندوخه]

يعطيج العافيه موضوع جدا مهم
توني ادري عن هالنقطه
-لا تكثري من تناول السكريات والنشويات والحلويات لأنها تساعد على انتشار فطريات المهبل

 

[ή ő 0 и Ч *]

مشكووره

 

[كريستال ليدي]

يعطيج العافيه موضوع جدا مهم
توني ادري عن هالنقطه
-لا تكثري من تناول السكريات والنشويات والحلويات لأنها تساعد على انتشار فطريات المهبل

تصدقين شندوخة حتى انا انصدمت لما قريت هالشغله ... كلش ما كنت ادري ان لها علاقة بالالتهابات !!!

 

[زهرة البنفسجى]

‏- استخدام بعض النساء "الدوش" المهبلي، غير الصحي
‏
شنو الدوش المهبلي ؟؟؟

ديما أقرأ دش مهبلي

شنو الدوش المهبلي ؟؟؟

 

[Om-Nasser]

يعطيك العافية وما قصرتي على المعلومات

 

[البرنسيسه77]

يعطيج العافية لكن بصراحة هذى المشكلة اعانى منها بشدة صار لى الحين 5 شهور وراجعت دكتورة نساء اكثر من مرة وعطتنى كبسولات ومراهم وتحاميل كل مرة نوع غير عن الثانى لكن الحكة تروح وترد واحس الدكتورة انحرجت منى لانها عطتنى تقريبا حميع الادوية خلاص ما بقى عندها شى اخر مرة قالت لى سوى تحليل سكر وتعالى وللحين ما سويتة لكن بليز اللى تعرف دكتورة شاطرة لا تبخل على فيها

 

[البرنسيسه77]

اختى كويتية ماسية وين عالجت عند اى دكتورة وعلى فكرة السبب الرئيسى للحكة اللى اشكى منها بسبب خلطة سمعت عنها فى المنتدى وهى خلط الديتول الخضر مع المرة والماء من بعدها جتنى حكة مو طبيعية

 

[كريستال ليدي]

‏- استخدام بعض النساء "الدوش" المهبلي، غير الصحي
‏
شنو الدوش المهبلي ؟؟؟

ديما أقرأ دش مهبلي

شنو الدوش المهبلي ؟؟؟

الدوش المهبلي حبيبتي شغله تشترينها من الصيدلة لتنظيف المهبل يا تسوينها بالبيت او عند الطبيب

المهم اهوا عبارة عن غسيل داخلي للمهبل للتنظيف

اطلع كل اللي بالمهبل من افرازات و بقايا الدورة و كل شي

بس يقولون كثرته من صحية

 

[كريستال ليدي]

يعطيج العافية لكن بصراحة هذى المشكلة اعانى منها بشدة صار لى الحين 5 شهور وراجعت دكتورة نساء اكثر من مرة وعطتنى كبسولات ومراهم وتحاميل كل مرة نوع غير عن الثانى لكن الحكة تروح وترد واحس الدكتورة انحرجت منى لانها عطتنى تقريبا حميع الادوية خلاص ما بقى عندها شى اخر مرة قالت لى سوى تحليل سكر وتعالى وللحين ما سويتة لكن بليز اللى تعرف دكتورة شاطرة لا تبخل على فيها

الله يعينج يا قلبي و الله ضاق خلقي عليج ... انا اسبوعين و ما قدرت اتحمل شلون 5 شهور !!

انا اول شي عالجت عند بوشهري بس وايد كبر الامور و خرعني جان اهده و اروح حق طبيبة في دار الشفا اهيا هندية اسمها (لكشمي) بس ممتازة اول شي عطتني علاج ما فاد و المرة الثانية اللي عطتني علاج اقوى خذيته و صرت اوكي الحمدلله

 

[كريستال ليدي]

اختى كويتية ماسية وين عالجت عند اى دكتورة وعلى فكرة السبب الرئيسى للحكة اللى اشكى منها بسبب خلطة سمعت عنها فى المنتدى وهى خلط الديتول الخضر مع المرة والماء من بعدها جتنى حكة مو طبيعية

ديتول و مرة !!!!!!!!!!!!!!

الله يهداج بس يا قلبي الديتول بروحه يحرق و المرة بعد اسمها مرة حتى الجبد ما تتحملها

شلون تحطينهم بمكان حساس جذي ... الله يشفيج يا قلبي و طمنينا عليج اذا صرتي احسن

و ما اوصيج روحي حق هالطبيبة ترى وايد زينه

 

[بنت_بوظبي]

يعطيج العافية