مهمووومه ابي رايكم بالحقوق تكفون ساعدوني

[سمو ذاااتي]

حبيبتي اقول لج رايي و ما تزعلين؟؟
وخري عن هذي الكلية و انحاشي عنها
لانه للاسف هني بالكويت مالها مستقبل و لا راتب نفس البشر
البنت الي تدرس حقوق مهضوم حقها و انا اكلمج عن الكويتية
الكل يحسب الحقوق مع الوظيفة بريستيج و منصب
للاسف اقول لكم طل!!!
اذا بتشتغلين بوزارات الكويت حقج راح يكون مهضوم راتب يفشل بكل وزارات الكويت و لا مناصب سنعة و لا ترقيات ممكن توصلج احسن المناصب
اذا بتتدربين عند محامي سوري على هالكلمة بتصيرين مطراش حقه اهو قاعد حاط ريل على ريل و انتي الي بتركضين من محكمة لمحكمة و من مخفر لمخفر ليمن الله يفرجها و تستقلين عنه بمكتب بروحج
و حزتها فكري بأجار للمكتب و رواتب للموظفين و الاهم من جذي زباين من وين بتييبين يعني المسألة كلش مو سهلة و هذا الكلام انا ماخذته من محامية رفيجتي
المؤسسات المستقلة يبيلها واسطات تكسر الصخر و هني تحصلين راتب مرتفع ووظيفة مرموقة بس يبي واسطة محترمة
الصراحة ما اشوف البنت الي تدرس حقوق ماخذة حقها
و انا اكلمج و انا شهادتي حقوق يعني عايشة الوضع و معانية منه
نصيحة من اخت لج صرفي نظر عن هذي الكلية الي بعد ما تكرفين فيها تكتشفين بعد التخرج انه عل
ى قد التعب الي تعبتيه بالدراسه ماراح تحصلين شي من ورا الوظيفة

معاها بكل كلمه وانا هم خريجة حقوق جامعة الكويت هاذي ثاني سنه من تخرجت مالقيت وظيفه تستاهل التعب اللي شفته ولا بعد تقديري جيد جدا

 

[الــشوق]

سموو ذاتي
شكرا على مروورج

 

[سمو ذاااتي]

معبوجه !! اتمني نك نيم كتبته صح

سوري بس 2000 حتي محامين الدوله اللي مو بساهل تيي اول مربوط مايصك 2000

الوزارات 750 المؤوسات 900 وشي الالف ماااكووو حتي قطاع خاص المعاش مايوصل 1000

انا وااايد احب تخصصي بس واااايد مظلوم وايد تفرقه

وانتي سعوديه يعني هم المعاش مراح يكون واايد

وهم الشغل عند محامين لوعه انا لايعه جبدي منهم وتحسييين معاهم ان يبيلج مشوار علي ماتستغلين

 

[ScarletteO'Hara]

scarletteohara
حياتي لا تزعلين هذي وجهت نظرها
وهذا الرابط شفته مريت عليه امس

كيفها تقول وجهة نظرها بس ما تجذبني
و انا ما قلت لج هذا الحجي الا عشان مصلحتج
عشان باجر لا يصير حالج من حالي لاني جد اعاني من الوضع الي انا فيه

 

[الــشوق]

والله ماادري ما ادري السراحه ضايعه بين كلامكم

 

[الــشوق]

ناس تمدح وناس اتذم

 

[راعية الطويلة]

طبعا الراتب العادي للباحث القانوني أول ما يتخرج
700 و شي

أما الأخت اللي قالت 1100 هذا في بعض الأماكن بس

و بخصوص السعودي

أكيد بيكون أقل

بس ممكن الأمر يختلف مع المحامي و القطاع الخاص عموما

استخيري

و رب يكتب لج الخيرة

 

[أحلى البشر]

صدقيني درسي شي تحبينه وشهادة الحقوق لايعلى عليها وكلن ميت عليها
وبالنسبه للبنات اللي ماتوظفوا للحين ترى هذا الواقع الكل ينطر عقب التخرج على ماتطلع الوظيفه انا نطرت سنه ونص بالبيت يالله اتوظفت مع ان تخصصي نادر ولانه ماكان رغبتي كاني اعيد دراستي من يديد
نصيحه درسي اللي تحبينه وهالتخصص بالذات عجيب وحلووو ومستقبله حلو واللي صار للناس موشرط يصيرلج تفائلوا بالخير تجدوه

 

[ScarletteO'Hara]

و عموما حبيبتي اذا انتي مصممة الله يوفقج ان شاء الله يا رب
بسهم حطي فبالج ان الكادر القانوني للكويتين فقط
فإذا راتب الباحث القانوني 770 مثلا نقصي منهم 160 الكادر و هذا بيكون راتبج
اما اذا شفتي لج شغل بالخاص هم بيعطونج راتب من الشركة من دون دعم العمالة الي هم للكويتيين
ما جدامج الا مكاتب المحامين
الله يوفقج يا رب

 

[الــشوق]

بنات مشكورين على النصائح الى قلتوها وتاكدون ان مو انا الوحيده الى استفد من كلامكم في وايد بنات مثل حالتي استفاادو

 

[سمو ذاااتي]

الله يوفقج ويكتب لج اللي فيه الخير

 

[حلاها كويتي]

والله ما ادري الله يكتبلج اليي فيه الخيره شور