من وين نشتري خااام الجوخ؟؟ وأدوات الأعمال الفنية؟؟

[7oorq8]

السلام عليكم

بنات واللي يعافيكم حابة أبدي أعمال فنية لشغل وقت فراغي، فحبيت أبدي بخاام الجوخ،

من وين نشتري خااام الجوخ؟؟ وأدوات الأعمال الفنية؟؟

وشاكرة مساعدتكم وما يمنع تذكرولي أكثر من مكااان

 

[أم الولد]

رفع

 

[أشرق الأمل]

حبيبتي مابييلة سؤال روحي سوق الخامات (البلوكات) واخذي اللي تبينة والمتر بديناروكل ما تحتاجينة هناك .بس الادوات الفنية مثل شنو؟؟؟

 

[أشرق الأمل]

عموما المكاتب الكبيرة فيها الادوات اللي تبينها مثل السنافر وغيرها واله يوفقج.

 

[{هتًان}]

رد : من وين نشتري خااام الجوخ؟؟ وأدوات الأعمال الفنية؟؟

البلوكات

والمباركية بالسرداب في محل

وان بغيتي الاشكال الجاهزة ترى متوفره بس عليج تشتغلين فيهم

 

[7oorq8]

شاكرة مروركم خواتي،

بس في مكان غير البلوكات ؟؟

واختي بريق الله يرزقج بكل خير يارب قصدي الاصماغ اللي تلزق الخامات والبلاستك وجذي//

 

[اخت أخوها]

في أكثر من مكان

في بالمكتبات ملوت الجمعيات
أنا شريت من مكتبة جمعية الخالدية عندهم الجوخ مقطع مقاس a4 تقريبا
وهم شريت من الزهور الشرقية في حولي بسرداب بياع الورد يبيع القطعة ب 900 تقريبا مقاس (90 *90)
وبعد في ببركات
الصمغ هو المسدس الحراري تلقينه في المكتبة
والله يوفقج وتستثمرين وقتج في الخير

 

[ريهام فاشن]

وعليكم السلام حبيبتي .. حلو انج تشغلين وقت فراغج بشي ينفع ... البنات ما قصروا معاج
بس حبيت ازيدج على كلامهم كم شغله :
* الادوات تلقينها بكل مكان مثل محلات الكلف والخام والمكتيات وبعد في شغلات تلقينها عند
محلات بو اميه فلس واذا تبين شغلات بالجمله روحي سوق المباركيه الغربلي او الشايع اعتقد
تلقين كل اللي تبين .
* اذا حبيتي تسوين شي يعني مثلا تبين تشتغلين ع الجوخ طبعي لج رسمات او اشكال من النت
وشفيهم وطبعيهم ع الجوخ بشكل مرتب واهم شي انج تبدعين بشغلج وتسوين على ذوقج...


وبالتوفيق حبيبتي والله يرزقج ويبارك لج ان شاء الله...

 

[7oorq8]

في أكثر من مكان

في بالمكتبات ملوت الجمعيات
أنا شريت من مكتبة جمعية الخالدية عندهم الجوخ مقطع مقاس a4 تقريبا
وهم شريت من الزهور الشرقية في حولي بسرداب بياع الورد يبيع القطعة ب 900 تقريبا مقاس (90 *90)
وبعد في ببركات
الصمغ هو المسدس الحراري تلقينه في المكتبة
والله يوفقج وتستثمرين وقتج في الخير

مشكوورة أختي عالدعوة الحلوة:
تصدقين أسهل مكان اروحله بالنسبة لي جمعية الخالدية واايد فدتيني
والله يباركلج فيما عندج ويرزقج كل خير

 

[7oorq8]

وعليكم السلام حبيبتي .. حلو انج تشغلين وقت فراغج بشي ينفع ... البنات ما قصروا معاج
بس حبيت ازيدج على كلامهم كم شغله :
* الادوات تلقينها بكل مكان مثل محلات الكلف والخام والمكتيات وبعد في شغلات تلقينها عند
محلات بو اميه فلس واذا تبين شغلات بالجمله روحي سوق المباركيه الغربلي او الشايع اعتقد
تلقين كل اللي تبين .
* اذا حبيتي تسوين شي يعني مثلا تبين تشتغلين ع الجوخ طبعي لج رسمات او اشكال من النت
وشفيهم وطبعيهم ع الجوخ بشكل مرتب واهم شي انج تبدعين بشغلج وتسوين على ذوقج...


وبالتوفيق حبيبتي والله يرزقج ويبارك لج ان شاء الله...

مشكوورة أختي على اسلوبج الراقي
والله يباركلج فيما عندج ويرزقج كل خير

 

[مناوي الكويت]

حبيبتي روحي بو 100 تلقينه كوده اختي ماخذه منهم وارخصلج وكل الالوان

 

[ابيار علي]

حبيبتي روحي بو 100 تلقينه كوده اختي ماخذه منهم وارخصلج وكل الالوان

اختي ممكن تقولين لي اي سوق بوميه يبيعهم لانه ولا مره رحت سوق بوميه ولقيت عنده شي يسوى

والجووخ القاه عند بو ميه يعني ؟؟؟؟؟

اذا ماعليج امر تقولين لي اي مكان ينباع

 

[love life]

موفقة غلاتي
وانشالله ما قصرو معاج
بس يبيلج مقص حاد علشان يقص معاج عدل ومرتب
وانا استعمل خيط وابره علشان اخيط ما الزق
وطبعا البلوكات والكلف عندهم اشياء تينن من شوارفسكي وخيوط وغيرها من الخامات
اللي اذا انتي بس شفتيهم تبدعين

 

[أشرق الأمل]

اخت اخوها وايد القطعة الواحدة من خام الجوخ ب900 انا اخذ المتر ب دينار من البلوكات

والله يوفج اعمال الكل انشاءالله

 

[ريهام فاشن]

حبيبتي عند الكلف تلقين متر الجوخ بدينار... ونص المتر بنص والقطعه الصغيره ب 200 فلس...
والتركيبات روحي بعد الابراج الثلاثه بسوق المباركيه عندهم من 100 فلس كل اللي تبين انا اخذ شغلي منهم
وبالسرداب بعد شي عجيب والله.... وطيور الجنه بجميع فروعه حلوووو وينفعج بعد ... اتمنى اني افدتج ..

 

[Q8stylle]

up up

 

[ماريمار الكويت]

شوفي حبيبتي تلاقين بالبلوكات كلشي عند مالوت الكلف
وعندج بعد كل الادوات بمكتبة المقهوي
مكتبة جرير اللي بحولي بارك
وعندج مكتبة العجيري هم كلشي
وعندج بهمن للكلف اللي صوب المبرور واقيصر بالسالميه كلشي
الله يوفقج

 

[بنوته@كيوته]

حياتي انا مره رحت محل الكلف في جمعية الدعيه ولقيت واايد شغلات تخص الجوخ والادوات إللي تتركب عليهم وفناتق
يا رب اكون افدتج