من وين تشترين ديباجج ؟!

[فرحتي2.2]

انا عن نفسي مو من مكان معين من اي مكان اشتري

 

[نياره]

انا اخذ دبنهامز عملين

 

[PuPa^^SWeeT]

ترو فاليو


ايكيا


دبنهامز

 

[نجود بنت محمد]

،

وين صاير تروفاليو ؟​

 

[miss_Ba6oOo6a]

ايكيا
تروفاليو
صفات الغانم خذيت منهم حشوة وايد حلوة مو يابسه تينن
وكله جياس كفر عن المكان وحلوين حق التغيير

وهوم سنتر بعد

 

[manoooram]

ايكيا
تروفاليو
ace
دبنهامز

 

[ناتشوو]

ياليت كاتبين
الصناعه او اسم الماركة
او مواصفات تاخذونها بالحسبان لي بغيتو تشترون

 

[حسن الخاتمة]

السلام عليكم جميعا انااخذ من كثير اماكن اهمها ديبينهامز الحشوه واخذ بعد الدوفيت الي هو التلبيس خامتهم حلوه وراقيه خصوصا الاقطان وطبعا بعد بمجمع الرحاب محل كلاسيك حلو وعنده كل الماركات وتري بنات ماركة فيثر موجوده بكذا مكان بس الي بالرحاب احس الاصليه في اماكن تقليد وتري هي صينيه بس مستوي متميز

 

[يفداك قلبى]

ياليت تعطينا التفاصيل اكثر
انا اشوف حشوات ايكيا
بس مو عارفة بالضبط
شاخذ وشخلي
ودي اسوي نفس الفنادق
جم قطعه ع السرير:eh_s(16):

انا جربت حشوات دبنهامز خذيت اللى مكتوب عليهم luxury ب 70 دينار اهما حشوتين اييون مع بعض وحده ضعيفه والثانية امتن ويتسكرون بطباقى
اذا بتحطينه بالصيف تخلين الخفيف وبالشتاء ويا بعض
بصراحة فشوا من غسلتين بس انا اغسلهم بغسالتى الاتوماتيك
اما مالوت ابيات مع انهم رخاص السايز الكبير جنه ب 32 بس اشوفهم نافشين نفس الفنادق وانا ماخذه حشوة وحده بس ودافيه فما بالج لو خذيت ثنتين
وفوق هذا شراشفهم ناااااعمه صناعتها فرنسة والله تسوى سعرها واكثر ما وبرت على كذا استعمال
وابالاوتى بسرعه ينفردون
على عكس شراشف الغانم لوعة جبد حسافه الفلوس فيهم
توبه مره ثانية اشترى منهم كفرات او شراشف
اما ايكيا شراشفهم بصراحة جربت الفيتيد منهم السير حق عيالى والله يلونون عليهم بالحبر
واغسلهم يطير الحبر بغسله وحده ويتمون فتره كرف
بس بعض الكفرات التلبيس خامتهم مو ناعمه ومقاسهم ما ايي مع بعض السراير عندى
قلت كل اللى بقلبى
واتمنى افدت

 

[ناتشوو]

ماقصرتي
والله
شرحج وافي
الله يجزاج خير
ويرزقج من حيث لا تحتسبين

 

[ليدي غاده]

زرا هوم احلا شي
الشراشف مع تلبس الوسايد اخذ ماركة كانون الامريكية حيل حلوه
الحشوه جربت ايكيا و الغانم و ماركس سبنسر للحيت ما حصلتالحشوه ايلي بالي
تكون منفوخه و مو حاره خذيت منفوخه بس حيل ثقيله غثيثه وحيل حاره تصلح للقب الشمالي
خذيت خفيفه طلعت ماتنفع ما دفي عدل حلوه للجو النعتدل
بس عيبها مو منفوخه
شكلي بجرب ابيات
هم اخذ التلبيسه من الغانم و ماركس سبنسر و ايكيا

 

[ركووزه]

اب اب

 

[نجود بنت محمد]

،

بجررب حشوات ابيات

على كلام البنات حلوووه​

 

[دهن_العود]

أنا مأبقى محل ديباجات ماشتريت منه وصار لي فتره اشتري من سرداب مترو الي بالفرو أنيه روووووووووعه وشغلهم وايد حلو أوابي الكل ايجربه مؤ خساره افلوسه

 

[@سوسن@]

انا عن نفسي مو من مكان معين من اي مكان اشتري

ام عزيزان هالكفر باين عليه روعه وخامته قطنيه بارده اذا تعرفين وين بحصله وشنو صناعتها ؟؟!

 

[أم راشد.]

انا عن نفسي من النصار اللي بغاليري حده عجيييب
اللي بالضجيج

 

[((!ورد جوري!))]

أنا أخذ من سويت هوم ونيو لاين ماركه فذر وايد حلوه في منهاالقطنيات والفخمه

 

[dandooosh]

مشكورين بنات استفدنا من تجاربكم
أنا عن نفسي ما جربت دبنهامز بس حيل عاجبني وناوية أخذ منه ان شالله ،،، جربت من سرداب المعلم بمجمع بيروت خذيت الجاكار حلوو بس خامة الجاكار حساسة شوي ممكن تتشقق

وشكلي بروح اخذ حشوة من ابيات لان صج شغلهم حلو ونوعية ممتازة

 

[ناتشوو]

تدرون المفروض نهتم بماركة الشرشف وصناعته
مو من وين
ماركة كانون الامريكية
هذا اللي عليها مدح
وبكذا مكان نحصلها حتى بالشعبيات

بنات دريم مول بالري في محلات شراشف
والله يجزيكم خير عالاضافات
اذا تعرفون ماركات زينة خاصة مع الغسل المتكرر ماتخرب حطوها

 

[@سوسن@]

تدرون المفروض نهتم بماركة الشرشف وصناعته
مو من وين
ماركة كانون الامريكية
هذا اللي عليها مدح
وبكذا مكان نحصلها حتى بالشعبيات

بنات دريم مول بالري في محلات شراشف
والله يجزيكم خير عالاضافات
اذا تعرفون ماركات زينة خاصة مع الغسل المتكرر ماتخرب حطوها

طيب شلون شكله والوانه وجم قطعه يكون ؟؟