من وين تشترون ملابسكم ؟ سواء للعيد او الاستقبال او العمل او...الخ. ارجو التثبيت

[*(فطوم الحلوة)*]

مشاركة: من وين تشترون ملابسكم ؟ سواء للعيد او الاستقبال او العمل او...الخ. ارجو التثبيت

السلام عليككم
الى أختي نفانيف
أبي أسألج عن الكاتالوجات إلي تشترينهم من النت ممكن تعطيني السايت
و عندي سؤال إذا ممكن أعرف الطريقة التي تشترين فيها من لندن .

 

[& ياملحي كيوووت &]

مشاركة: من وين تشترون ملابسكم ؟ سواء للعيد او الاستقبال او العمل او...الخ. ارجو التثبيت

؟؟؟؟؟؟؟؟؟؟؟؟؟؟؟؟؟

 

[snow white]

مشاركة: من وين تشترون ملابسكم ؟ سواء للعيد او الاستقبال او العمل او...الخ. ارجو التثبيت

ملابس سنتر بوينت حلوه .. بس لازم تركبين لانه مو دايما يحطون لج اشياء لايقه
زارا طبعا نحتاجه حق البديات اللي تحت الملابس والبناطلين والاشياء العمليه
طبعا ريفر ايلاند و مانغو لازم
وفيرو مودا
توب شوب

على حسب ... اذا عجبني شي من اي مكان ما اتردد اني اخذه

ومشكوووووووره عالموضوع الحلو

 

[فراشة الزرقاء]

مشاركة: من وين تشترون ملابسكم ؟ سواء للعيد او الاستقبال او العمل او...الخ. ارجو التثبيت

صراااحه اشكرج على هالموضوع الان انا كله اروح سوق ما اشتري الاني اتردد وايدالاني ما اعرف شنو الي يناسب الموضه
بنسبه لموضوعج انا عندي طبع مو حلو اني اذا شريت شي ما اعرف اركب عليه اي شي ثاني اوا اذا لبست شي حق حفله اوا مناسبه..الخ ما ارد البسه مره ثانيه


سهره: من (النقره الجنوبي) ايننن

حق العيد: (اوكسجين) اينن بس غالي شوي

مادام انا مغاسي حذائي ((تكرمون)) كبير انا اشتري من ((mysize))هذا كله مغاسات كبيره فوق 40 كله احذيه من امريكا

 

[ريماا]

انا عن نفسى
دراريع البيت اشتريهم من حريم واذا مايسون اشتريلى خامات راقية وكلف وابدع بس اسويهم استايل نواعم مااحب الخرابيط وايد
والبدل العادية والكشة يامن شرق او المهلب او الفنار او زهرة وليلى والمارينا يعنى من المجمعات الراقية
والعيد طبعا الشغل لازم يكون اسبشل ولازم دراعة على بدلة وهذى اتعب حيل على مااحصلها بعد ماافر كل المشاغل الراقية ياللة احصل وبعد مااضيف فيها تغيرات عشان اكون مميزة
والجناط والجواتى تكرمون وملابسى الداخلية كلها من برا اتعامل مع ارامكس واذا شريت من الكويت جوتى او جنطة محلى اللى احبة فيرونا
والملافع عادى من اى مكان الانى اذا كنت فى بيت اى ناس ماالبس ملفع مااحب

 

[قوس قزح@]

لاتزعلين الملابس مجمع البستان والدراريع من مشاغل رفيجاتى والملافع من تصميم اختى ههههههه اوفر والعمليه الجنزات من العدسانى اى شئ بخاطرك حاضرين للطيبيين

 

[كاكاوة سايحة]

العملي من أي مكان (زارا مانغو ريفرآيلاند أويسيس ماسيمو دوتي....)
الثقيل من الصالحية أو الراية أو مريم وساعات من برة الكويت
السهرة يامن برة الكويت أو الفاتنة أو البوشية أو الأوج أو إيكو (أدري إن كلهم نصابين)
الملابس الداخلية و البيجامات يا من برة أو من أويشو أو وومن سيكرتس بالمهلب توب شوب وايد أحب ملابسهم الداخلية بي أتش أس
الشنط (الماركات معروف وين مكانهم) و العملي من أي مكان ماهمني أو من برة)
الأحذية (أعزكم الله) أكثرهم من برة الكويت ... إلي بالكويت : العملي من أي مكان (زارا ريفرآيلاند آلدو ناين وست)
الكشخة ساعات ألقى في آلدو و ناين وست ، ألقى في الصالحية أكثر شي.
الدراريع : ماشاء الله من المعارض إشكثرها
الإكسسوارات : المعارض ...اكسسواريز...برة الكويت

 

[رقي]

سلام عليكم
قريت موضوعكم وحبيت اشارك معاكم
انا طريقتي غريبه شويه وغبيه بعد
المهم اتم طول السنه اجمع فلوس حق المشترا
واحنا ولله الحمد عندنا شقق في كذا مكان فنسافر الصيف كله
عاد اشتري كل شي من بره حقي وحق عيالي حتا العيدين
واخوذ لي بدله او ثنيتن كشخه اخشهم طبعا غير ملوت العيد
اخاف انعزم او اروح استقبال
بصراحه سوق الكويت مااروح له وايد
بس اذا فيه خصم اروح خصوصا حق اليهال
السنه جهزت لهم كل شي من لندن الحمدلله
طبعا انا متحجبه اشتري عبيي ومااغير لو شصير
من مكة شرفها الله من الشرقيه
اشتري لي وحده عملي ووحده او ثنتين كشخه
وملافعي كلهم من الشرقيه لما اروح اجيل من هناك
اشتري ملافع بس بأميه دينار بس حق طول السنه ولا اغير ولا اشتري غيرهم
والحين ريلي بروح العمره قلت له يجيب لي 3 ملافع
وبالنسبه للجنط والجواتي
بصراحه كلهم ماركات ساعات تكون ماركات رخيصه بس ماعرف البس الا ماركات
مثلا توني شاريتلي بربريز بأميه وشي وشريت لي كووتش وعندي كم وحده جس ولوي فيتون وبالي ومايحضرني الباجي الحين
بناتي حق العيد اخذلهم ماركات من بربريز او موسكينو بس حق اول يوم
ثاني وثالث اخذهم لهم رخاص وعاديين
بالنسبه لساعاتي عندي 3 فقط
وحده الماس بألفين ووحده سواتش ووحده جس ووحده الماس من لبنان
يعني عندي تشكله ساعات فما افكر اشتري اللي عندي يكفيني شي حق المناسبات وشي حق الدوام
والحمدلله هذا كله من فضل الله
والحمدلله علي كل حال
وشكرا لكم مرة ثانيه

 

[رقي]

بالنسبة لدراريعي تدرون لازم للعيد وحده وللقرقيعان وللعيد
اخذهم من وحده اتفصل دراريع بس شي
واسعارهم عجيبه
مالت رمضان توني ماختها منها
حرير ومشكوكه كلها اتينن الدراعه خذوها ثنتين بالدوام يفصلون نفسها
ب65

 

[afnan_19]

ام الديس منهو هذي اللي فصلت عندها

 

[رقي]

والله فصلت عند وحده خطيره
اصلا لو تشوفين الدراعه تقولين ب300
اهيا مصممة اتصمم وتخيط عند مشغل
وتبيع شغلها علي معارفها بس
كله اتفصل حق شيوخ ومره شفتى علي وحده من الشيوخ
قميص اللي تحته جينز اينن خرافي سأـلتها قالت بشي وثلاثين
من نفس المصممة
اذا تبين رقمها اييبه لج
بس خلترد من السفر

 

[بعيون مغليك]

أنا ابي بعد رقمها ام الديس لو سمحتي

 

[بنت الاجاويد @@@]

أنا وين القى مقاسي :eh_s(11):
XXL
ودي البس بدل مليت من الدراريع:eh_s(2): كأني عجوز وياهالجسم مصارع سمنتي من فوق الحمد لله والشكر

 

[كاكاوة سايحة]

أنا وين القى مقاسي :eh_s(11):
XXL
ودي البس بدل مليت من الدراريع:eh_s(2): كأني عجوز وياهالجسم مصارع سمنتي من فوق الحمد لله والشكر

في محلات وايد متخصصة حق المقاسات الكبيرة مثل مرينا رينالدي بالصالحيه بيرسونا بالمرينا يم فافافووم محلات إفانز في بعد في دبنهامز سوق شرق ...في بعد بالمرينا محل مادري شنو إسمه بس يم ليز كليبورن ... بس حسافة عليج ضعفي <<<جنه ألحين آنا إلي قادرة أقط جم كيلو

 

[folaaaaa]

السلام عليكم ورحمة الله وبركاته
امانه ام الديس اذا حصلتي رقمها دزيه على الخاص

 

[بنت الاجاويد @@@]

يالله بنات ابي ملابس مقاسات كبيره غير اللي قالتي كاكاو سايحه الله يجزاها كل خير ....الله يخليكم لاطنشوني ....

 

[شـــــــــمس]

أنا ابي بعد رقمها ام الديس لو سمحتي

 

[وهــج]

السلام علييييكم

خووش موضووع

والله آنا مالي سووق معين

اي سووق كان آخذ منه

 

[رقي]

سلام عليكم
انشلله يابنات بحط لكم رقم المره
وبعد الدرعه عند رفيجتي بس تردها لي
بصورها وحطها لكم

 

[ايفيان]

ما شاء الله أم الديس عجبتني طريقتك بالمشترى لأنها تريحك طول السنه

عليك بالعافيه كل المشتريات اللي شريتها

وياريت تدزين رقم اللي تسوي دراريع على الخاص اذا تسمحين

ويعطيك ألف عافيه على مشاركتك