من وين تشترون بيجامات عيالكم؟

[بنت باباتي]

حرمت اشتري من سنتر بوينت مشترى الخساره
احلا شي بالبجايم اتش ام ماماز زمذركير بس على حسب الخامه نكست مو دايم

 

[ذهبيه مرصعه بألماس]

نكست و مذر كير .. لأن عيالي فيهم حساسيه بالصدر .... و بالذات ولدي الصغير لازم شي مايسبب حساسيه و قطن ميه بالميه...

سوق فاشن مل اللي بحولي مجمع بيروت .. شورتات و بنطلونات حق اللعب بالبيت و التمشي بالحوش ... عند الحموله حلوين و كد ومد و لمن تقطينهم ما تحسفين عليهم ...

حق الكشخه البدل و الملابس من الافنيوز من أتش آند أم حيل ترتاح لهم بنتي ...
زارا بيبي... للعيال و البنات ...
نكست ...
وكذا محل والله نسيت أساميهم...

 

[bent-al-asool]

نكست من تجربه تمطط ومذركير

سنتر بووويينت خامه معينه اللى ما تمطط

أمممممممم

شوفي أخذيلههم من بودينار ونص اخذيلهم من اش اند أم

يعني التنويع مطلوووب

 

[om fawaz]

والله قبل كنت محتارة مثلج بس وحدة قالتلي عن الجوهرة ... رحت والله شرييت حق ولدي من جم شهر .. كدهم كد مو طبيعي و تعرفين بعد سوالف الصبيان يعني باليووم اغيرله مو اقل من 3 مرات .. و ماشين معاه والله .. و اسعارهم زينة

 

[bedour18]

بنات ابي اعرف من وين أحصل البجايم الشتوية الدافية و كد و مد مو مهم السعر
عيزت كل سنة وانا اخذ حق العيال و من اول غسلة اقطهم

 

[نونو ام كشة]

بنات ابي اعرف من وين أحصل البجايم الشتوية الدافية و كد و مد مو مهم السعر
عيزت كل سنة وانا اخذ حق العيال و من اول غسلة اقطهم

انا بصراحه البجايم الشتوية اخذله من الاسواق الشعبية ماركة بيبي هاوس حييل حلووين ودافيين لان الشتا 3 شهور وملابس الطلعه اتش اند ام وطقته.. بس بيبي هاوس جربته بالشتوي بس واشوف البنات يمدحون بجايمه الصيفيه.

 

[cute-pink]

ماقصرتو يالغاليين

 

[مليانة حب]

أتش اند إم بصراحة رووووعه

 

[اطياف الكويت]

والله بقولكم شغله يابنات بس كل وحده تدعيلي قبل لا اقول <<<<< ذل عيني عينك
المهم بجامات بروي مو طبيعيه تهبل تهبل انا ذكيه كنت اشتريهم من بروي على 2و3 -دنانير
وطلعت من بروي رحت كارفور جان الاقي نفس البجامات اللي شريتهم توني انصدمت سعرهم 950 فلس
مو مصدقه اطالع ماركتهم ولا بروي ؟؟؟؟؟؟؟؟؟؟؟؟؟؟

 

[الـفـجـر الـبـعـيـد]

مذكير يهبلون ما استغنى عنهم و h&m على حسب عندي بجامه على ويني ذا بو احبها على ولدي

اول غسله جان اتمطط من عند الرقبه .. وفاشن مل حلوه بجاماتهم

 

[cute-pink]

كارفور يبيعون بيجامات؟؟

 

[ناتشوو]

والله بقولكم شغله يابنات بس كل وحده تدعيلي قبل لا اقول <<<<< ذل عيني عينك
المهم بجامات بروي مو طبيعيه تهبل تهبل انا ذكيه كنت اشتريهم من بروي على 2و3 -دنانير
وطلعت من بروي رحت كارفور جان الاقي نفس البجامات اللي شريتهم توني انصدمت سعرهم 950 فلس
مو مصدقه اطالع ماركتهم ولا بروي ؟؟؟؟؟؟؟؟؟؟؟؟؟؟

يعطيج العافية
اطياف
المرة الجاية بحط بالي من بيجايم كارفور

كارفور يبيعون بيجامات؟؟

ايه فيه قسم ملابس
نفس طريقة مركز سلطان

وحتى جيان بعد

 

[cute-pink]

ماقصرتو مشكورين

 

[جاكليت]

فاشن مل

 

[omm aljawa]

سنتر بوينت وسوق السالمية

 

[كوارين]

h & m

سنتر بوينت اغلب البيجامات منهم


او مذر كير

 

[الباسمه]

انا كنت اشتري من مذركير وماماز اند باباز
بس لاسف موحلوه مع الاستخدام
الحين ما اشتري بجامات الا من الجوهره وايسكريم اللي بأجيال
لا وادلكم على مكان ارخص من اي سكريم ونفس البضاعه بالضبططططط
سوق الحسناء اللي فوق خوله للعطور بمنطقه الفحاحيل
تشوفون نفس بضاعه اي سكريم بالضبط ونفس الصناعه وبنص السعر؟؟؟؟؟
واما الترينغات كنت اشتري من السوريين بس بصراحه مو شي
رجعت على h&m اسعارهم حلللوه ومديلاتهم احلى وارخص من مذركير ونكست
اممممممممممممم طولت عليكم
بس هاليومين بروح فاشن مل بشوف ترينغات البيت
ومشكورين على الموضوع
ولا تخلوني من دعواتكم

 

[عجمية ماتهاب]

رد : من وين تشترون بيجامات عيالكم؟

ابيه انتي نفسي انا كله من سنتر بوينت اروح اخممط وارد
ماعمري شريت من اتش اند ام او بي اتش اس

 

[*ماي الورد*]

رد : من وين تشترون بيجامات عيالكم؟

ايام الربيع صج كد و مد و تعمر البجامة

و حوش القيصرية بالسالمية و فاشن مل

و محاميد بهبهاني

:eh_s(17):

 

[حورية آلكويت]

رفع لعيوووووونج