من وين تشترون بيجامات عيالكم؟

[cute-pink]

مرحبا

عندي استفسار من وين تشترون لعياالكم بجامات ؟

انا دايما اشتريلهم من سنتر بوينت :0bee2e8d89:


مليت من كثر ماشتري لبناتي بجامات سنتر بوينت ابي محلات خاماتها حلوة تصلح يلبسهم الياهل حزت العصر والنوم يعني ملابس مريحه بس مابي من سنتر بوينت ابي محلات حلوة جديده ابي خبراتكم ياامهات

وشاكرة لكم

 

[sun-shine79]

انا نفسك سنتر بوينت ومرات نكست بس مو كل مره احصل لان اهو تخصص بدل طلعه ومرات ماركس سبنسر ومرات سيتي سنتر المباركيه بس اكثر شي سنتر بوينت

 

[tmtmt]

جم اعمارهم ؟؟؟

انا اشتري من سنتر بوينت ... مامز اند بارز عجييييب اغراضه حلوه

هذا الي اذكره

 

[رفرف]

البجامات بالغالب من سنتربوينت ..

بس انا ماحب البسهم بجامات طول اليوم بس حق النوم ..
ملابس البيت كل مكان مذركير .. اتش اند ام نفانيفهم الاقطان حلوين ومريحين مع ليقنزات .. سنتربوينت .. ماكس

 

[bella bambina]

بجايم سنتر بوينت ألوانها مو حلوة أنا أفضل بجايم ماركس آند سبنسر ومذركير وbhs ونكست

 

[cute-pink]

مشكورين والله صح ذكرتيني ب اتش اند ام بروحلهم وبسوي مثلج فساتين وليقنز




up



up

up

 

[ذلتهم عيوني]

ماقمت اشتري من سنتر بوينت بعض خاماتهم تتمطط ويروح لونها بالغسيل
اشفيهم بجامات ايس كريم اللي بأجيال وبجامات فاشن مل حلوين

 

[أم@الحلوين]

عندج ماركس سبنسر وh&mو نكست مذر كير ماكس وحتي بالسالميه (القيصريه)عندهم بيجايم مريحه لليهال

 

[@الياسمين@]

H&Mــ bhs يهبلون
وعندج بعد الاسواق الشعبيه ترى فيهم بجايم تينن

 

[ام سلمونتي]

صراحة سوق السالمية وشه هههه على قولت بوخرشد وايد حلوين ومريحين وفي منهم حق العصر شورتات ونفانيف لان صراحة اليهال كل شوي ببجامة ولا بدلة وتعالى انا اقصد طبعا ملابس البيت لان الطلعه اكيد شي ثانى بس والله اشحلاتهم وعلى الشخصيات اللى اهم يحبونها

 

[توتاتوتا]

فيه بجامات من المحلات الرخيصه بدينار و نص و دينارين بس تنهري بسرعه

و سنتر بوينت اخر مره شريت منه كانت بجاماته اوك لا فعلا مو دايم بجاماته حلو

و مذكير بجاماتهم تمطط شطبته من قائمتي

و مازال البحث جاري عن محجلات البجامات

و ممكن اذا انتي في بيت حموله و تبين تغيرين من البجامات تشترين ترنقات و فساتين رخيصه و تكثرين منهم و ياكثرهم

 

[mimi fawzi]

h&m
next
marks & spencer

 

[MaFaZ]

عندج ماكس شغله حلوة

الاسواق الشعبية مثل فاشن مل و vip

عندج بامبكن باتش فيه سوالف حلوة

وفي محل انصدمت فيه بس شريت حق ولدي سوالف حلوة اللي اهو سيرز وفيه سوالف حلوة حق البنات بعد

 

[cute-pink]

ماقصرتو والله يعطيكم العافيه

 

[ناتشوو]

بنات في ماركة ملابس رخيصة
اسمها بيبي هاوس
علامتها الارنب
بيجايمها الصيفية من دينار ونص لي دينارين
تلقونها بأكثر من مكان من الاسواق الشعبية مثل
مترو
فاشن مل
النقرة الجنوبي وغيرهم
تأكدي انها صناعة صينية لأني اكتشفت تقليد صناعة هندية لها مو شي
وانا اشوفهم حلوين وتشكيلة واسعة من الالوان والموديلات
ومايخربون بسرعة عمرو معاي
:tek:

 

[الصعيريه]

انا اشتري لبنوتي من ,,
من سنتربوينت ... إتش آند إم ... سيتي سنتر الشويخ..
ومن الاسواق الشعبيه كرز..فاشن مل

 

[أم عبووووود]

حبيبتي سواء كانوا بجامات نوم واو ملابس البيت الشورتات والنفانيف وهالسوالف السوق متروس في غالي وفي رخيص

شوفي عندج مترو ووالفي اي بي وايد حلو والجوهرة احيانا تلقين عنده وماكس واتش اند ام حلو

عندج نكس وبمبكن ومذركير وبي اتش اس وادمز كلهم عندهم سوالف حلوة بس انتبهي عالخامات

 

[cute-pink]

فديت بنات كويتيات والله ماتقصرون

 

[rainbow_brite]

جربي بجايم نكست صج غالين بس امبيه اشكالهم اتينن والوان وماركات شخصيات ديزني وافلام ديزني انا اخذ حق الصبيان وملوت البنات احلى بعد انا اخذهم لم يسوون عرض تاخذيت اثنين ويطلع الثالث بلاش او ثلاث قطع الاقطعه الاقل سعر تطلع فري

 

[بعثرة محبره]

بجايم سنتربوينت يتمططون وتبهت الوانهم ..

بنتي لما كان عمرها بالاشهر كنت اشتري لها من مذركير نكست ماركس اند سبنسر

بس لما كبرت وصارت سنه صارت تستهلك البجايم اشتري لها من الاسواق الشعبيه ومايخربون بسرعه