من وين تاخذون شنط السفر

[فلفلة]

السلام بغيت اسال عن شنط السفر الماركه التقليد من وين ناخذها وعلى كم

 

[nice smile]

سرداب الشايع اللي بسوق الكويت ..

بس ما انصحج فيهم لانه مو كوالتي ويمكن يوهقونج مع الثقل مايتحملون

اذا تبين جناط كوالتي روحي جاشنمال تشكيلتهم والوانهم حلوه وتضمنين انهم كوالتي

 

[حنانيكي]

من سرداب الشايع طقم من 4 جناط 45 دينار عجيبين توني امس رايحة

 

[غيـ الناس ـر]

حبيبتي عندج جناط ماركات اصليه ومتانه بالمثنى

وماكو فرق بينها وبين التقليد


بيير كاردان وسامسونايت


4 جناط على 100 دينار


نصيحه بيير كاردان وايد زينين وخاماتهم حلوه ومغلفين بنايلون

 

[فلفلة]

وينكم بنات

 

[رضاب 66]

بيير كاردان واااااااااااااااايد حلوه وعمليه وانصحك فيها احسن من تاخذين تقليد واسعارها معقوله

 

[banota]

شنو اسم المحل اللي بالمثنى؟؟؟؟

 

[غيـ الناس ـر]

انا باجر بروح اثبت اسمه واعطيج خبر ..

بس من بره مبين محطوط عليه ماركات الجناط


ويمه مال السامسونايت تبعه نفس الوكيل

 

[شهد ستايل*]

نفس الاخت غير الناس .................
انا ماخذه طقمين واحد اربع قطع ..والثانى قطعتين صغار ...طلعوا كلهم تقريبا 160 دينار .....وتغليفتهم النايلون تحميهم من اى شى ...وانا بعد مرات فى المطار اغلفهم بلاستيك الشركه..ماركه بيركاردان....حلوين ورزه
وفى الشايع تقليد وارخص شوى ...بس بعد حلوين انا شفتهم.....

 

[ذات الهمة العالية]

بنات شرايكم
أشترى جنطة ماركة من فيلا مودا

أو أرمنى

أو من الللى بالمثنى ببيركاردان

أو من اللى فى جشنمال


عفية ضرورى ردوا

 

[bambena]

المثنى لايعلى عليه واحسن تغليف عنده

بس راعي مقاس الجنطه حسب القرار اليديد للمطار لدول اوروبا لان في قياس يديد معين راعي المحل يعرفه

 

[غيـ الناس ـر]

اللي بالمثنى جبال قصر الجلود .. يم محل on time مال الساعات ..


حبيبتي حرام تقطين الاف على جناط فيلا مودا وهي جناط سفر .. وعندج بديل ارخص ونفس المتانه

 

[ميني كويتيه]

حبيبتي فلفله !!!!####

شوفي حلقه بنات وبس على قناه الوطن """

كل شيء موجود في الحلقه ///// يوم الجمعه 13-6

 

[SPIDER-WOMEN]

والله دلسي الصرااااحه منزلين اشكال حلووه وذربه روحي حول العالم الافنيوز او جاشتنمال
الصراحه كد ومد

 

[أساور]

جم القياسات اليديدة؟

 

[حب من طرف واحد]

سنتر بوينت منزل جناط تايجر حلوة
روحي له طقم وشحلاتهم

 

[bambena]

مادري بس انا رحت دلسي ووراني جناط قالي هذول مقاس اوروبا حسب القانون اليديد ووراني جناط ثانيه للدول الباجي

 

[ذات الهمة العالية]

بنات منو شرى جنطة سفر وسط اللى تسحب من فيلا مودا

وشلون أشوف الحلقة حق بنات وموضة عن الجناط

 

[الفاتنة]

والله انا ماختهم من سيتي سنتر خوش شنط وعندهم الماركات كلها

 

[أساور]

الفاتنة اي صوب بسيتي سنتر بالضبط