من وين اشتري كفن للموتى الله يطول باعماركم

[nfesha]

اول شي الله يطول بعمركم
ثاني شي ابي اسأل للي عندها خبره منو تعرف من وين اشتري كفن للموتى ؟؟؟

 

[..rain..]

هو المفروض يكون الكفن قطن ابيض يعني عادي من اي مكان خام

 

[لذه السكر]

اممم احنا نييبه من بره الكويت بالكويت مادري بصراحه

اتوقع موجود بالمغيسل

 

[nfesha]

يعيطكم العافيه وياليت اذا احد يعرف وعنده خبره تقولي

 

[scala house]

اتوقع حبوبة من العتيقي اللي بسوق الاقمشة
آآآخر محل وانشالله البنات يفيدونج
بس اعتقد يكون شراؤة من مال الميت
والله يآجركم في مصيبتكم​

 

[مرمر]

عظم الله اجركم

الكفن عند كل محل خام بالجمعية

واغراض الميت تاخذينهم من الحواي ما عدا دهن العود من احسن نوع الغالي

واحنا نبخر البشت او العباة نلبسها ونسكرها نبخرها عدل ونغطيه بعدين واذا بتغسلون بالبيت لازم لوح خشب زين مافيه مسامير او خشب ناقز
وبالغرفة بالوعة وانتي بكرامة وتشترين طشوت كبيرة للماي تقريبا 3

 

[مندوبة ام بندر]

عظم الله اجركم يا قلبي
بس والله ما ادري

 

[غير كل الناس]

البلديه تعطي مجانا

 

[ArEEj]

اعرف وحده بالقرين تبيعه بحاول اجيب لج رقمها وانتى عاد اخذى منها العنوان
اهى تبيعه كامل اللبس والمستلزمات اللى معاه
اعتقد سعره ب 20 والله ناسيه

وترى هم بالمغيسل في موجود بس طبعا الواحد الافضل يجيب اغراضه معاه

 

[nfesha]

اعرف وحده بالقرين تبيعه بحاول اجيب لج رقمها وانتى عاد اخذى منها العنوان
اهى تبيعه كامل اللبس والمستلزمات اللى معاه
اعتقد سعره ب 20 والله ناسيه

وترى هم بالمغيسل في موجود بس طبعا الواحد الافضل يجيب اغراضه معاه

ياريت تعطيني رقمها اذا لقيتيه

 

[nfesha]

ياريت يابنات الي تعرف تفيدني اكثر للضروره الله يجزاكم خير وعلى فكره احنا ماعندنه احد متوفي بس ناس يبونه

 

[أسرار الطبيعة]

أنا بعد بشتري لي واحد وبعطره كل فتره
شنو بأخذ من الدنيا غيره
يا ليت الرقم في الخاص

 

[مســـــك]

يالله حسن الخاتمه

 

[اللاندكروز]

اللي اعرفه ان الدوله توفره لكل مواطن يعني يكون بالمغشله.... موفرته البلديه
بس جيبي الأغراض معاج

 

[وردة السلام]

حبيبتي روحي البلوكات وسألي محلات الخامات وهم يقولون لج عند أي محل بالضبط

 

[nfesha]

مشكورين يابعدهم

 

[%ام النورين%]

ايه والله انا بعد بشتريلي واحد وابيه معاي بسيارتى وفبيتى ماراح ناخذ بقبرنا غيره اللة يحسن خاتمتنا آآآآآآمين

 

[روعه الأحساس]

يالله حسن الخاتمه وقفتوا قلبي

 

[اطياب طيبه.أم عبدالله]

اللهم احسن خواتيمنا اجمعين واجعل خير ايامنا يوم لقاءك

للرررفع

 

[نووووونا]

الله يرحمنا برحمته ويحسن خاتمتنا


ان شاءالله البنات يفيدونج ,