من وين احصل ماي و زيت مقري عليهم و مضمونين ؟؟؟

[بـاسي قــوي]

الله يوفق كل من ترد و يحقق اللي في بالهااا



من وين اشتري ماي و زيت مقري عليهم لفك السحر او العين او الربط بين الزوجين ؟؟؟


و اللي تعرف اياات رقيه شرعيه خاصه بفك السحر و العين لا تبخل علينا


و جزاكم الله خير

 

[عسولتي]

حبيبتي شوفى الحداد عنده ماي مقري وزيت بحاول اجيب لج رقمه وارسله لج عالخاص ..

 

[بـاسي قــوي]

رد : رد: من وين احصل ماي و زيت مقري عليهم و مضمونين ؟؟؟

حبيبتي شوفى الحداد عنده ماي مقري وزيت بحاول اجيب لج رقمه وارسله لج عالخاص ..

مشكووره بعد قلبي ناطرتج

 

[نورا الحلوة]

رد : من وين احصل ماي و زيت مقري عليهم و مضمونين ؟؟؟

يمدحون الحداد بالفردوس

 

[ملكة التاجرات]

والله ياختي تبين احد مضمون انا اقولج جيبي كتاب الرقيه الشرعيه وجيبيلج زيت وماي اقري الايات ونفثي عليهم والله مافي اسهل منها هذا الشي يسوونه ناس وايد شحقه تبين الشي جاهز انتي على بالج كن فيكون ولاانتي ضامنه انهم قارين فيه ..والله اقولج توكلي على الله انتي واقري بروحج وارقي نفسج

وانا بعطيج موقع يريحج http://www.ruqya.net/forum/index.php
فيه كل شي عن الرقيه من الالف الى الياء

وبالنسبه للكتب روحي الجمعيه فرع التسجيلات الاسلاميه او اقرب واحد تعرفينه واشتريلج كتاب رقيه شرعيه فيها ايات فك السحر والحرق وايات طرد المس ماكو اكثر من هالكتب موزعين في كل مكان وعقب اقريهم على الماي والزيت واستعمليهم على مدار شهر كامل وشوفي النتيجه وواصلي شهرين ثلاث لما تشفين واهم شي لاتنسين اذكار الصباح والمساء هذه وايد تضعف كيد الشياطين..وبس ان شاء الله اكون افدتج ..دعواتج لنا

 

[shmoo5 2ntha]

رد : من وين احصل ماي و زيت مقري عليهم و مضمونين ؟؟؟

آنا مع ملكة التاجرات ,,

لن آنا من فتره لما حاشتني العين دقيت على شيخ وقالي والله يا إختي محد بيفدج كثر نفسج لأن إنتي اللي تعانين راح تقرين على نفسج بضمير

وربج الشافي مو إحنا ,,

والله يحفظج حبوبه

 

[بـاسي قــوي]

رد : من وين احصل ماي و زيت مقري عليهم و مضمونين ؟؟؟

مشكوورين بناات ربي يفرجها عليكم بدنيا و اخره

 

[بـاسي قــوي]

رد : من وين احصل ماي و زيت مقري عليهم و مضمونين ؟؟؟

اب

اب

 

[bent-oboha]

شوفي شغلي هل موقع وقولي معاه وربج كريم

http://www.tvquran.com/rouqia.htm

 

[سوسو بنت ابوها]

حبيبتي انتي اقري على عمرج والشفاء بيد رب العالمين انكسر وادعية وراح يستجيبلج باذنة سبحانة وقدمي صدقات

 

[{هتًان}]

رد : من وين احصل ماي و زيت مقري عليهم و مضمونين ؟؟؟

وأنا مع البنات

الرقية الشرعية موجوده سمعية وكتابياً في النت

اجتهدي وارقي نفسج بنفسج

وكوني على يقين ان الله وحده الشافي المعافي

 

[جوري وبنفسج]

السلام عليكم

الله يفرج همج ويكشف ضرج ويبعد عنج شر كل ذي شر ... آمين

شوفي يا قلبي أنا عندي لج شيء بإذن الله مضمون ولا يكلفج شيء وموجود بين أيدينج ما يحتاج تشترينه ولا تدورينه

وهو

1) أخذي قلاس ماي وأقرأي فيه الفاتحة 7 مرات وأنفثي فيه واشربي منه

2) أقرأي سورة الأنبياء بعد كل صلاة >> وراح تشوفين الفرج وراح تشوفين اللي يسرج ويفرح قلبج والسورة ما راح تأخذ ألا 10 دقايق أو أقل

3) وهو الأهم حافظي على أذكار الصباح والمساء وخاصة >> لا إله ألا الله وحده لا شريك له له الملك وله الحمد وهو على كل شيء قدير 100 مرة

4) أقرأي سورة البقرة ولو مرة كل 3 أيام

5) تصدقي وأفضل أنواع الصدقة >> الهدي >> يعني الذبيحة ممكن تدفعين لأحد اللجان علشان يشترون لج خروف ويذبحونه ويوزعونه في البلاد الفقيرة مثل أفريقيا وهناك الخروف يكلف 20 دينار

** وملاحظة هامة

ألاحظ الكل أول ما يحوشه شيء على طول يدرورن شيخ يقرأ أو ماي وزيت مقري

أنا بفهم شغلة شنو موجود عند الشيخ ومو موجود عندنا هو مجرد يقرأ من القرآن وأحنا نقدر نقرأ من القرآن

وترى قراءتنا أقوى من قراءة الشيخ لأن ربي قال سبحانه ( أمن يجيب المضطر أذا دعاه ) والشيخ لما يقرأ ماراح يكون مضطر كثرنا .

وبعدين في شيء مهم أحنا غافلين عنه وهو حديث ال سبعين ألف اللي يدخلون الجنة من غير حساب ولا سابقة عذاب من صفاتهم ( هم الذين لا يسترقون ولا يتطيرون ولا يكتوون وعلى ربهم يتوكلون ) ولا يسترقون يعني >> لا يطلبون من أحد يرقيهم . فحاولو على قد ما تقدرون تحققون هالصفات علشان ربي يكتبنا منهم ... آمين .​