من واين تشترون قهوه عربيه شغل عدل

[النويره]

اشلونكم بنات
شخباركم
ابي اسال من واين تشترون قهوه عربيه بس انا ما احب اللي يحطون فيها مسمار يتعب معدتي المسمار
ابي قهوه شغل عدل ولذيده وريحتها تفوح ولا متروسه مسمار
هذي عروس مو قهوه ههههه
عفيه لا تبخلون علي

يارب قولوا امين كل وحده بالمنتدي يعود عليها وعلينا الشهر الفضيل بالصحه وبلغنا الله اياه ويجعلنا من قيام هذا الشهر المبارك اميييييييييين

 

[ام الدرر]

حبوبة
الشويخ محلات التمور اللي يم سوق لندن
زوجي ياخذها من الحويس مو مطحونه وبدون اي خلطات
واطحن كميات صغيرة حق جم يوم بس
واذ بسوي القهوة احط فيها اللي ابيه
وحتى الهيل يشتريه منهم ​

 

[النويره]

فديتج ام الدرر
تسلمين

 

[غـلآوي ّ ~]

أحـسن قهوه اللي تجيج بخيشـه اسمها نيباري ميسور وعليها علامة دله بالأخضر هذي الاصليه اللي باللون الاحمر مو شي

هذي تهببل وتحصلينها بـ 19 أو 20

وتحمسينهآ بالبيت عقب تطحنينها وتصير زي الورررده < هذي طريقة امي

وفي القهوه المطحونه وجاهز بمحلات التمور بأي منطقه تحصلين

 

[أ.س.م.ا.ء]

مطحنة زماني قهوتهم حلوة
انا آخذها مطحونه بدون هيل

 

[أميرة 22]

شنو احسن انواع القهاوي ؟؟

 

[ليان]

اب اب اب اب علشان خاطرج ​

 

[محترفة خلطات]

اشلونكم بنات
شخباركم
ابي اسال من واين تشترون قهوه عربيه بس انا ما احب اللي يحطون فيها مسمار يتعب معدتي المسمار
ابي قهوه شغل عدل ولذيده وريحتها تفوح ولا متروسه مسمار
هذي عروس مو قهوه ههههه
عفيه لا تبخلون علي

يارب قولوا امين كل وحده بالمنتدي يعود عليها وعلينا الشهر الفضيل بالصحه وبلغنا الله اياه ويجعلنا من قيام هذا الشهر المبارك اميييييييييين

هلا اختي ،، الله يبارك فيك يارب ويارحمن يجعلنا واياك والمسلمين ممن يصومه ويقومه على الوجه الذي يرضيه عنا

غلاتي القهوه في واحد بالخفجي يبيعها روعه شغل عدل وطعمها الكل يعجبه ،، رحت له بس والله ما اقدر اوصف لك لكن اذا تبي اقول لزوجي يقولي وين بالضبط عشان اوصف لك عدل

 

[فلانه وعلانه]

تبين مطحونه وجاهزه قهوة ام ابراهيم حلوه

 

[james546613]

المطحنة الي في جابر العلي بالقرب من الجمعية عندهم خوش قهوة