مشاركة: من هي كاتبة المنتدى؟؟؟؟
رنين قال:
مشـــــــــــــــــــــــــــــــالله يا أسرار البنات 
الله يبارك لج في مهارتج....
صاجه اللي يعشق شي و اندمج فيه ينسى ما حوله
و الله شوقتيني اقرأ قصتج ..أصلا صار لي فتره غايبه عن ها المنتدى ...قبل شوي بس شفت عنوان قصتج وااااايد لفتت نظري و قلت بقراها.
بس صح كلام اللي نصج ليش ما تنشرينهم كمجموعات قصصيه؟
يعني القضيه مو ماديه لن اظن ما وراها ربح زياده...لكن حفظ للملكه اللي ربي عطاج اياها...النشر بالمنتدى مرده للزوال و يذوب مع الايام....لكن الكتاب تظل له قدسيته و مرجعيته.
و ترفعين اسم بنات الكويت ان احنا بعد فينا خير...
و الأهم من كل هذا.....انج تستغلين مهارة وهبج الله اياها و تقومين بشكره عليه بتسخيرها لخدمة دينه...لو تسأليني شلون.؟؟ أقولج ان حتى و انتي تكتبين روايه عاطفيه تظل احداثها تدور في اطار من اخلاقنا و عاداتنا و مجتمعنا ...فتصير مساهمة منج في الحفاظ على فكر الامة كلهامو احسن من ان نستورد الفكر من بره على جانيت سكنت مع جون و مايكل مادري شسوا بكريستين......
مو الله يسلمج اللي يحب القصص بيقراها بيقراها...فاذا مالقه بايده شي من أهله راح للي بره.
يا الله تعرفنا على أول كاتبه من الكاتبات الكويتيات.....من الثانيه ؟
أنـــــــــا ما احب اطلع عن الواقعية ولا عن الأعراف الصحيحة
أنا بقصتي اهتميت بقضايا المجتمع ....ومشاكلها
والله ما اهتميت بقضايا مادية....
طرحت فكرة بعض التيارات في الكويت وتتجسد بالقصة في بعض الشخصيات
فهمتوووونـــــــــــــــي بنات من أقصد؟؟؟؟
قصتي اهداء لصديقتين اعشقهما عشق كبير جدا جدا
صديقات الطفولة واللي مردي لهم
وعطيتهم القصة للبوابة السادسه أمس
واليوم دقت علي تقوووول دبري الباقي دبريها وقاعدة بالصالون تستشور وتقول :
الله ياخذج رفعتي ضغطي ...ليش تجبينها ناقصة كمليها واعزمج وجيبي الباقي
وتقول أكثر وحدة حقدت عليها تهاني بس بدر ألعن
وقعدت تتكلم فقلت لها
تصدقيــــــــن أنا صرت باليوم اقرى القصة مرتين لأني مو مصدقة إني كتبتها
فقالت:لأنها واقعية جدا جدا
فالحمدلله الله هو اللي رزقني
وما ادري شلون ......هل يرضى علي وشكثر ما غلطت بدنيتي؟؟
ياااااااااااارب
فبنات اللي عندها ملاحظات تقول لي بالخاص او بالبريد
عشان اقدر استفيد وابتكر
رنين يعطيج العافية خليتيني احط لي خريطه ذهنية واحط حدود
وياليت تقرين قصتي وتعلقين عليها
وأنــــــــــا بوقــــــــــف بس لاتدعون علي
لأني بنشر كتب وارفع راس بلدي الكويت
كأول روائية كويتيه صغيرة السن
ههههههههههههههههههههه
شفتوا الغرور
