من مدرسه ثنائيه إلى مدرسه عربيه

[بنت البحرين]

بنات لاهنتوا

متى افضل مرحله اقدر انقل فيها ولدي من مدرسه ثنائيه إلى مدرسه عربيه

ومن جربت ونقلت
ياريت تكتب تجربتها
وهل تحسفت من النقل

انا اخاف بس من الرياضيات والعلوم لان ماياخذهم بالعربي بس بالانجلش وشاطر فيهم

 

[بنت البحرين]

شدعوه ٢٩ مشاهده ولا تعق��

والله محتاره انقله هذي السنه اخاف تعب لسنين يضيع اخليه اخاف بعدين تصعب عليه المدرسه العربيه

للعلم اهو فيg3 بيروح 4

 

[Ibelievein God]

استخيري

واختاري افضل مدرسة عربية

 

[بنت البحرين]

الله يجزاج خير ع الرد

 

[بنت البحرين]

انا ودي اخليه لي الخامس والمتوسط انقله مدرسه عربيه بس سمعت وحده قالت ان اخوها انقولوه بالمتوسط و رسب بالعلوم لان كان ياخذه بالانجلش
عشان جذيه انا محتاره

 

[Ibelievein God]

انتي قويه بصيف حاولي تاخذيني الكتب من المدرسة العربية وبصيف درسيه من غير ضغط وان شاء الله يمشي ويتفوق

 

[عبق الزهور]

اذا ولدج شاطر خليه يكمل بس اذا ضعيف لا نصيحه انقليه حكومي احسن

في المدارس الخاصة الرياضيات والعلوم بالانقلش وكل سنه يكون صعب عليه
اذا انت تشوفين ان ولدج يقدر يكمل خليه
انا ولدي في مدرسه خاصة في الصف الرابع افكر انقله الحين حكومه
لان المواد كل سنه تصعب عليه والعربي تأسيسهم مو شي

 

[بنت البحرين]

عبق الزهور الحمد لله الولد شاطر ومتفوق حتى بالعربي
بس مثل ماقلتي العلوم بالانجلش يعني بتجيه مصطلحات غريبه وهذا الي مخوفني

فمادري اجدد اشتراك السنه لو انقله


الي جربت ونقلت من اي صف نقلتي وهل تعبتي او تمنيتي انج نقلتيه في عمر معين ياليت الي جربت تفيدنا

شنو تنصحوني اخليه لي الخامس لو كفايه لين ثالثه

والله ماعندي خبره

وماخاب من استخار واستشار

 

[بحور الشوق1977]

لا عادي نقليه وانتي امغضه ــــبس قويه بالعربي بصيف

 

[بنت البحرين]

لا عادي نقليه وانتي امغضه ــــبس قويه بالعربي بصيف

مشكوره حبيبتي ع الرد

بس معليه تنحت شوي تشورين علي انقله الحين لو بالمتوسط السنه الجايه بيروح رابعه

 

[عبق الزهور]

العلوم والاجتماعيات والرياضيات بالانقلش والله صعب
انا اقول انقليه للحكومه السنه الجايه احسن
صعبه صعببببه العلوم والاجتماعيات في المدارس الخاصه
احنا عيالنا مسطلحات شكبرها بالعربي وبالعافيه يحفظونها هالمره بالانقلش

نصيحه انقليه للحكومه ع الاقل اهو الحين متأسس انقلش عدل يعني ماراح يصعب عليه في الحكومه

 

[بنت البحرين]

عبق الزهور الله يجزاج خير ع الرد

انا بعد افكر جذيه اخاف تصعب عليه بعدين

وياليت بعد الي عندها تجربه تخبرني

 

[بنت البحرين]

عبق الزهور الله يجزاج خير ع الرد

انا بعد افكر جذيه اخاف تصعب عليه بعدين

وياليت بعد الي عندها تجربه تخبرني

 

[أم حمد 4]

بنت البحريين ولدج اي مدرسه

 

[بنت البحرين]

مدرسه المستقبل

 

[بنت البحرين]

ياالله بنات ابي تجاربكم
ليلحين مارسيت ع بر

 

[بنت البحرين]

سبحان الله وبحمده
سبحان الله العظيم

 

[أم حمد 4]

استخيري حبيبتي ا\ا ولدج شاطر خليه يكمل لان حرام ما كو تدريسس ولا اهتمام راح تعبيين مع منا هج الحكومه مو مثل قبل حتى المدارس مو شيء لا تقوليين صعبه اهم ياقلومونهم في مدارسم على ه\ا المنهج

 

[بنت البحرين]

الله يجزاكم خير
والله يوفق كل من رد علي
الحمد لله اعدت تسجيله في مدرسه الثنائيه والحين بيروح رابعه
وراح انقله إلى مدرسه عربيه بالمتوسطه