من فيكم راحت لمكه والطايف ؟

[ديرتي الغاليه]

قوووه :

ياليت كل وحده راحت لمكه والطايف تذكر لي الشقق النظيفه اللي سكنتوا فيها او الفنادق وبجم واسمها وشنو المميز بهالمدينتين ؟ وشنو تنصحوني فيه ؟ وبغيت اماكن بالطايف لترفيه علشان عيالي معاي :klhfl:وابيهم يستانسوون ..........انتظركم _03BA:

 

[ام عبدالرحمن]

هلا يالغاليه اول معلومه لازم اتعرفينها ان السعوديه وايد سهله و كل شي واضح جدام عينج ما يبيله ادلالة بس بالنسبه لمكه في فنادق وايد انا جربت هيلتون مكه وايد حلو و حتى بوفيه الفندق الريوق كان حلو و هذا الفندق بوسط المجمع و جدام الحرم بالضبط بس صارلي مده ما رحت له لان قمنا نسكن بنظام الشقق الي اسمونها ابراج هيلتون مكه ارخص من الفندق و فيها مطبخ و توهم امجددينها انصحج فيها...و جربت بعد فندق دار التوحيد الكل شال و شدخ فيه بس انا اشوفه عادي و بعيد عن السوق و في الفندق اليديد زمزم ماجربته بس المجمع و السوق الي فيه وايد حلو و محلاته راقيه و على فكره هذيل اقرب الفنادق الراقيه للحرم اما بالنسبه للطائف اسألج ابوي و ارد عليج لان مافيه بالي شي الحين و بالنسبه للالعاب عندج بمكه بالمجمعات فيه العاب حلوه لليهال قولوا حق التاكسي اوديكم مجمع الضيافه مول والعزيزيه و ترى مكه اونس من الطايف ...الطايف اقل تحضر و صراحة ما استلطفت الناس الي فيها شوي عصبين و مادري اشلون مكه اونس و الله ايسر امورج و اي اشي انا حاضر و ادعيلنا معاج

 

[ديرتي الغاليه]

ام عبد الرحمن .....الف شكر ....زوياليت تسالين الوالد عن الطايف لان مكه بس يوووم واحد بنقعد فيها وباجي الايام بالطايف ....... و

شنو المميز بالطايف لازم اشتريه ؟؟

 

[الطيبه]

احنا ان شاء الله بروح لمكه وروح الطائف وكنت كاتبه موضوع بأحد المنتديات

اطلب فيه اماكن عن الطائف وهذا اللي قالت وحده بالمنتدي




حديقة ارض القمر الجهة الغربية كلها كباين وخيام وفي فلل للايجار روحي هناك وانبسطي فيه مطاعم وبحيرة وكافيهات وبازرات صغيرة وانا احبها عشان هادية واضاءتها خافته ..
كمان منتزة الطائف الوطني بسيسد مو بطال للي يحبون الكشتات والشوي وفيه سد عكرمة وحاليا يقولون ماشاء الله فيه موية هذا فيه جزء للرحلات البرية وجزء مسطحات خضراء وجزء ملاهي كهربائية ومساحته خمسين كيلو يعني ماله نهاية
منتزة الحكير تبع حديقة الملك فهد حلو ويسوون فيه مهرجانات ويستضيفون سيركات عالمية بس زحمممة وازعاج والمصيفين مايعرفون الا هو..
فيه منتزه الحكير لونا بارك في شهار مدينة العاب بس ماحبيتها مرة عادية زي اي مدينة العاب فيها مطاعم ومسطحات بس كمان زحمة
منتزة الشفا البري هذا يصلح له الروحة من بدري انصحك تطلعي الساعة 7 الصباح وزوري منطقة اسمها المحمدية كلها جبال واخرها جبل دكا اعلى قمة في الطائف
اما المنتزهات الخاصة زي الحدبان في الشفا فهي وناسة ولعب ومهرجانات ومسابقات وسيرك واناشيد وممثلين ومنلوجات وعربات بس الارتفاعات فيها تتعب في المشي بس كويسه عموما
منتزه جميل لاند على طريق الشفا .. ماعجبني بس هااادي لان محد يعرفه
منتزه سمر لاند خلف الحكير لونا بارك فيه حديقة حيوانات تعبانة بس يقولون رتبو المنتزه اكثر من اول بس مااعرفه انا صراحه
اما على طريق الهدا في الجبل الاخضر .الشلال. البعيجان. النقبة الحمراء وهي اكبرهم جميعا بس عموما نفس النظام جلسات وملاهي ومطاعم ومرتفعات بس في العاب غريبة زي البوب كارت واستعراضات دلافين واغرب حيوان واكبر حيوان واطول انسان ومدري ايش عموما اللي يبغى يبسط نفسه يقدر..
فيه عندك سوق عكاظ يسوون فيه امسيات شعرية وندوات وبازارات وعروض تراثية وجاليريات ومسابقات ادبية وملتقيات وكمان عن التاريخ السعودي ومسارح << الظاهر ناوين يرجعونها زي زمان- دار اوبرا-
قرية مهرجان التسوق جنب حديقة الملك فهد طريق الهدا .. قرية تسوق وفيها صالة تزلج ومسرح تمثيل واماكن جلوس واسعاره حلوة انا بصراحه احبه لانه يعطي الطائف لمحة الصيف الحقيقية تشوفين ناس من كل الاجناس وبضايع بعضها جديد وبعضها غريب وبعضها رخيص بس زحمة
قرية الكر السياحية صالة تزلج - اطول تلفريك في الشرق الاوسط- واشياء حلوة كمان
القرية الخضراء في شارع الجيش .. صغيررررره بس يقولون مرتبة انا مااعرفها مرة
قرية الشعلة النسائيةفي الخط الدائري في الشفا حلوووة للحريم والله جمعات وسباحة وون

 

[اميرة الغيد]

عزيزتي بمكه عندج فنادق حوالين الحرم اقرب شي الهلتون (ابراج مكه) وفندق زمزم وفندق التوحيد ، اونس شي فيهم الهلتون وقريب جدا للحرم فيه سوق حلو ، فندق زمزم يم الحرم وفيه سوق وهالفنادق دايما فيها كويتيين
عمره مقبوله ان شاء الله ويرزقنا مثلها آمين

 

[كبرت وراحت على]

عندى لسته تفاصيل روحتى راح اكتبها للافادة