بنت الانصاري 77
New member
سمعتوا بقصة عجيل الجنفاوي من اسلم من شمر وصارت له مشكله مع ولدعمه ينقال له فريح الجنفاوي فذبحه وعجيل يدري ان ورا فريح اخ اسمه فرحان ما يترك دم فريح ابد فلما ذبحه شرد لارض خواله وقعد عندهم 3 سنين و في بداية ما جاهم طلبوا منه ان يغير اسمه من من عجيل الى عبيد لانهم خافوا ان احد ينادي عجيل باسمه بالليل و يجي فرحان و يرميه فانشهر بين الناس باسم عبيد و في سنه من السنين بغا يروح عجيل حق الحج قالوله ممكن يلحقك فرحان و يذبحك شان يقول ان هذا ما بيرده عن فرض ربه و اذا كان بيموت فلازم يكون مؤدي فرضه فلما قصد مكه كل ما راح مكان من منى و عرفه و مزدلفه و يقول حق اهله ان لمح فرحان وهم يقولوله لو كان فرحان جان ارداك من وقته وفي الحقيقه كان هذا فرحان بس ينطره يرد و يخرج من مكه عشان يقتله فلما طلع عجيل من مكه الحقه فرحان واهو في الكريج حاشه الجدري فقاللهم تركوني في شعيب القرشيين وكان الجدري ماله علاج وقال لهم اخذوا ذلولي و بارودي و عنوا علي عنه و العنه مثل الصخر ينحط حواليه عشان دواب الارض ما تاكله وحطوا عندي قليل من الماي و الزاد و اذا وصلتوا حق اي احد من شمر بلغوه ان هذي حقة فرحان الجنفاويو عطوه اياه فلما وصلوا حق ارض شمر لمحوا الناس مركوبة فرحان فجا خال فرحان يسال عنها فعرف القصه و راح يبشر عجيل و قعد يناديه باسمه و خواله صار لهم 3 سنين ما ينادونه الاعبيد فعرف ان في فرحان شي فقالوله القصه يبشرونه فقال لهم واناولد ابوه تبشروني ان ولد عمي في شعيب القرشيين معنون وفيه الجدري ما يفكه حتى من الحصاني و يركب فرسه و يروح مكان فرحان ويقولونله هذا صارله 3 سنين يدورك بيرديك قال لهم ادري و شكرهم على انهم ضيفوه هالسنين بس انا ما اقدر اترك ولد عمي و انا اقرب الناس له وركب ذلوله و راح و لما وصل صوب العنه سمع فرحان صوت مركوبة عجيل شان يناديه عجيل عجيل شان يقولله يا عونك قالله انا ما احسبك تبطي علي هالبطه قالله انا ما دريت الا من 3 ايام و جيتك من ساعتها و جان يروح عند ذلوله بيذبحها و اهي غاليه عليه شان يقوله فرحان ذلولك لا تذبحها فذبحها وطبخها له و داواه من الجدري بالرمل الحار يحطه على جلده لما يخرج الخراج من الجدري ويقعد يداويه ولما يدوخ من الالم يروح يدور عن صيد يصيده وقعدوا على هالسالفه 45 يوم بعدها شفى و لما وصلوا قرب حايل شان يشوفهم واحد يعرفهم ينقال له عليان يقول حق فرحان ان ابوك بقت تنعمي عيونه مو من البكا عليك لانه ايس منك باس كان يبجي على عجيل اللي شرد منك 3 سنين بعدها راح حق موته بيدينه عشان ولد عمه لما وصلوا ارض ابو فرحان جان يقوله انت ذبحت ولدي فريح وانقذت ولدي فرحان انت ولدي الحين بدل فريح قال بعدها من الشعر الجميل عن هذا الحادث اللي صار له مع
اخاف من هرج علي عيابه اخاف من يشيله و يلقيه
اخاف من هرج علي عيابه اخاف من يشيله و يلقيه
