من صرت ام اثبت فشلي بترتيب مملكتي ساااعدوووني اني اغرق اغرق

[كويتيه 82]

السلاااام عليكم بناااااات


انا بسدح لكم معاناتي وابيكم تساعدووووني بليييييييييييييييييييييييييز ساعدووووني

انا اعاني مع غرفتي مو عارفه ارتبها مثل العالم والناااااس

احس لااااعت جبدي من الملابس المقططة بكل مكاااان

والله دخت

بقولكم الوضع عشان تقدرووون تساااعدوني

انا متزوجه من 4 سنوات تقريبا وعندي اطفال وحامل حاليا :eh_s(1):

اول سنه بزواجي كانت غرفتي ولا جناح ملكي بفندق سبع نجوووووم من الترتيب والسنع والبخور والورد المجفف

وكل اسبوع كنت اسوي تنظيف شااااامل واغير بديكورات الغرفة

وغرفتي كبيرة ماشاء الله يعني تقريبا 10 * 7 امتار تقريبا مساحتها
وعندي حمام خااص وحمامي كبير بعد ( لاحظواااا اني اشرحلكم بالتفصيل علشان تستوعبون معاي )

وبين الغرفه والحمام مثل الصاله الصغيروووونه او الممر الكبير :dddds:

المشكلة بعد اول بيبي بدت الفوضى تعم لاني ماكنت حاطه كبت للبيبي
المهم زادت المأساة بعد البيبي الثاني وحطيت لهم كبت برة

والحين مازلت اعاني من العفسة والملااااااااااابس بكل مكااان ملاااابس

وزوجي تأذى يعني ارتب الغرفه بالليل نقوم من النوم الصبح معفوووسه:krkrkr:

الخلااااصة زوووجي مل من هالوضع :eh_s(1):
وهو والله متعاون معاااي بس شيلمهن على قولة القايل

وانا مشكلتي ما احب اقط اي شي وصارت تجيني حالة ودي اقط اغراضي كلها بالزبالة واقعد من غير شئ

تدرووون المشكلة هذي كبيرررة بس اللي اكبرمنهااااااا

انه امي واختي وخالتي ام زوووجي كلهم حريم ماشاء الله عليهم الكل يتشاااهد بنظافة مكانهم وسنعهم

وانا داااخلة عرررض بينهم

والله قبل الزواج ( خلوني ابكي على الاطلال شوي ) كانت غرفتي تفتح النفس ماودج تطلعين منها وكنت دقيقه ومرتبه

بس من صرت ام اثبت فشلي وبقووووة

دااايما اقول شلووون بعدين لما يصير لي بيت وشلون بتحكم فيه

يالله عاااد ماكسرررت خاطركم ساااعدووووني بلييييييييييييزززز:eh_s(1):

 

[happydays]

الله يعينج

بس المهم تقطين الاشياء اللي مب محتاجتها و ملابس الاطفال و ملابسج اللي ما تبينها تبرعي بها

و دايما على طول رجعي كل شي بمكانه عشان ما يتراكم

و قللقي الاثاث كثر ما تقدرين عشان يسهل عليج الترتيب

اذا كان عندج اغراض البيابي مثل كرسي الاكل او الكرسي العادي او المشايه حاولي لا تخلينهم في الحجره دوريلهم مكان ثاني لانهم ياخذون مكان و يشوهون شكل الحجره عن تجربه

واذا في شي ثاني انا حاظره

 

[♥ąϻᴑŁ♥]

حبيبتي اشتري كراتين ايكيا ,, شكلها حلوو وتشيل ,,

وسوي تصفية على الاغراض اللي ماتبينهــا

 

[.:SuGar^GirL:.]

حبيبتي الحل الوحيد لمعاناتج إنج تقصين غرفتج بالنص
وراح يطلع لج غرفتين كل وحده 5 بـ 7 يعني حلوين
تخلين وحده لعيالج وسرايرهم وتحطين فيها كبت كبير بخزانانت واصله للسقف
وغرفتج تكون مرتبه ومقفله ولا تحطين فيها شي لعيالج
وحاولي تتخلصين من الأغراض إللي ما تحتاجينها أول بأول
من ملابس وألعاب وغيره لأن في غيركم محتاجها تبرعي فيها

 

[بنوته جامعية]

قاعدة: كل ما زدات الاغراض زادت الحوسة وكل ما قلت الاغراض قلت الحوسه وصار اسهل عليج انج تتحكمين بالوضع




ومثل ما قالوا البنات سوي تصفية
مو على الملابس بس لأ على كللللل شي


تر الترتيب ما ياخذ منج ثوااني


مثلاً:جم بلوزة طايحين بالارض

جم ياخذ منج وقت علشان تشيلينهم وتعلقينهم؟؟اخذيها ببساطة ومتعة


ملاحظة:اساس ترتيب الملابس هو طريقة ترتيب الكبت من داخل
>>على فكرة اذا كان كبتج مررررررتببببببب انتي راح ترتبين العفسة
وتصير شهيتج مفتوحة للترتيب فييييييي اييييييي وقت


ثاني شي بالنسبة للروايح


لا تستغنين عن الفواحات

لأن الشمعة تظل تنشر الريحة فترة طويلة من2الى3ساعات

اذا تحبين الدهن عود ممكن تحطين قطرات من دهن العود وتزيدينه ماي

راح تلزق بدارج ريحة الدهن عود لي اليوم الثاني

حتى لو انطفت الشمعة



واذا بتغيرين

شبي بخورة عودة شوي واهي تبخر رشي رشوش وبعدين سكري باب الغرفة


شميييي الريحة الوااااااااو الي راح تطلع

وبالنسبه حق ترتيب الكبت
اشتري علب وصناديق بألوان تشوق وفواصل تساعدج على الترتيب



ودايماً فكري بأكثر الطرق سهوله حق ترتيب الاشياء لا تصعبين الامور او تعقدينها


والله يفتح عليج وييسر امرج
ويسهل عليج وتولدين بالسلامة ان شاءالله:eh_s(6):



اللهم صل على محمد صلى الله عليه وسلم

 

[بنت العز والدلال]

هذا خوش موضوع يمكن يفيدج
http://www.q8yat.net/showthread.php?t=448828


--------------------------------------------------------------------------------

حبيبتي الحل الوحيد لمعاناتج إنج تقصين غرفتج بالنص
وراح يطلع لج غرفتين كل وحده 5 بـ 7 يعني حلوين
تخلين وحده لعيالج وسرايرهم وتحطين فيها كبت كبير بخزانانت واصله للسقف
وغرفتج تكون مرتبه ومقفله ولا تحطين فيها شي لعيالج
وحاولي تتخلصين من الأغراض إللي ما تحتاجينها أول بأول
من ملابس وألعاب وغيره لأن في غيركم محتاجها تبرعي فيها


خوووووووووش اقتراح

 

[طيرشلوا]

انا مع البنات اول شئ سوى جرد للى ماتبينة لان لو سويتى صدقينى شكثر بتخف عليج شغلات
وثانيا بعرف اذا عندج مكان ثانى غير غرفتج والا لا
وفعلا الخوات قبلى كفن ووفن قدمولج خوش نصايح

 

[(( قمر ))]

بقولج انا شسويت بشقتي يمكن تستفيدين من الفكره..


الله يسلمج انا غرفتي كبيره و بعد اول بيبي صارت الغرفه حوسه شوي تقريبا نفس مشكلتج.. في عندي غرفه فاضيه و حجمها زين فسويت لي كبت كبير من الطوفه لي الطوفه و واصل للسقف.. و سويت نظامه من داخل ارفف و علاق و دروج حق اغراض بناتي و ملابسهم و العابهم و خرابيطهم كلها.. و سويت الكبت من فوق اللي واصل للسقف حق الكفرات و البطانيات.. و علمت بنتي الكبيره وين تحط اغراضها و اغراض اختها..



ان شاء الله اكون افدتج..

 

[shoshowh]

أنا مشكلتي نفسج وماعندي غير غرفتي
واايد عطوور و كتب وعفيسه كل ماارتب ماتترتب
الله يعينج ويعيني

بس انا راح اجرب الصناديق ملوت ايكيا

 

[عاشقة الكاكاو]

لوووووووووووول ديري بااالج ترى الرياال ما يحب الفوضى حتى لو هو فوضوي

اول شي قطي كل لاشياء اللي ماتحتاجينها

العاب قديمه هدوم مشققه او قديمه عزلي هدوم الصيف عن الشتا

وبعدين لا تخلين ولا شي يخص عيالج في غرفة نوومج

يعني خلي غرفة نوومج حقج بروحج رتبيها اخذ صناديق ايكيا حطي فيها اغراض عيالج

وترى الفوضى ما تخليج تركزين على شي ومع الوقت تسبب صدااع

والله هذا اللي اقدر عليه لان مادري انتي جم غرفه عندج

بس عزلي اغراضج عن اغراض عيااالج

 

[ام ضي]

ما شا ءالله الله يوسع عليكم يارب .. عيل انا غرفتي 6×4 بس الحمدلله محافظة على الترتيب اول باول . ,اسوي شغلي .. بس الله يكون بعنج انتي محتاجة كبت خاص بملابس الاطفال


شوفي مقاطع فيديو بالقسم بتفيدج اكثر .. خصصي مكان خاص للاطفال .. والخوات ما قصرو والله ..

 

[غلاي غير]

معاناتي كل يوم ارتب ونفس المشكله تبدا من جديد ما ادري ليش
تعبت

 

[ريماا]

ماقصروا بالاقتراحات الحلوة
انا معااهم اول شى استغنى كثر ماتقدرين على للى ماتحتاجينة او صارلج فترة مو مستفيدة منة خصوصا الملابس والادوات للى تاخذ حيز
ابدى بشى شى مثلا التواليت
جمعى عطورج للى قربت تخلص وحطيها بارفف الكبات على جمب وكل مابطلتى الكبت رشى منها انتى فضيتى تواليتج ومنها استفدى منهم لحد مايخلصون او رشيهم بمرش وخلى خلطة لكباتج ودارج
لمى مكياجج كلة للى ماتستخدمينة بشكل يومى وحطى بجنة للميك اب خاصة لاتخلين ولا شى برا الجنطة والمكياج العملى حطى بجنطة صغيرة وجرارة قريبة
سوى تصفية على كريمااتج الجسم واللوشنات واكتفى بجم واحد وحطى بسلة بحمامج او بصندوق
خلى لج سلة بدارج شكلها حلووو هذى خليها عشان بس ينقط شى بالارض من ملابس حطيها الحد ماتودينهم الغسالة
بحمامج حطى رفوف ايكيا وفوقها صناديق او سلال لاغرااضج او استاند خشب هم من ايكيا وحطى فية صناديق باغراضج حيل عملى ويشيل
اذا خالتج عندها مكان لكفراتج حطى كفراتج عندها
استخدمى اكياس الضغط لملابسج للى ماتلبسينها وايد الابالمناسبات راح يوفرلج مكان
واستخدمى نفس الاكياس لملابس الشتا او الصيف على حسب الفصل
اذا عندج بدارج كبت صغير خاصة للجواتى حطيها برا الغرفة وحطى لها قفل اذا خايفة من اليهال يحوسون عليج
اذا عندج كتب ومجلات يمعيهم مصندوق حلوو وحطيهم بالكبت
ان شالله اكون يبتلج افكاار حلوة تفيدج

 

[شرطيه حلوه]

انا جذي حبيبتي
كل ما صار المكان صغير واليهال كثرو اسمله عليهم تزيد الدثره
وماكو فايده مهما سويتي بترد العفيسه
أنا نفسج أول ما تزوجت شقتي تينن بس الحين كبتين زياده حق ملابس اليهال ودثره تحت الميز تواليت
وتخيلي أنا غرفة نومي صغيره فليمه حطيت سرير البيبي صار كل شي لصقه ببعض غير الكبتات الزايده
والصاله هم الكبت مال التلفزيون صار دثره مال تناتيش اليهال غير أ؟لعابهم اللي ما تخلص
وأهم شي السرير الهزاز بالصاله بنتي ما تعلرف اتنام الا فيه قبل كنت أشيله بس الحين خليته على طول موجود مو عملي كل يوم شايلته وحاطته

 

[كويتيه 82]

ياااااااااااااااحلوووكم يابنات ديرتي بردتوا جبدي

واقتراحتكم حلووووة كلهاااا

انا برد عليكم وحدة وحدة علشان استفيد من خبراتكم

 

[كويتيه 82]

الله يعينج

بس المهم تقطين الاشياء اللي مب محتاجتها و ملابس الاطفال و ملابسج اللي ما تبينها تبرعي بها

و دايما على طول رجعي كل شي بمكانه عشان ما يتراكم

و قللقي الاثاث كثر ما تقدرين عشان يسهل عليج الترتيب

اذا كان عندج اغراض البيابي مثل كرسي الاكل او الكرسي العادي او المشايه حاولي لا تخلينهم في الحجره دوريلهم مكان ثاني لانهم ياخذون مكان و يشوهون شكل الحجره عن تجربه

واذا في شي ثاني انا حاظره

يابعد عمري يا هابي ديز

عسى ايامج كلها سعيدة
انتي نفس نصاااايح اختي كله تقولي اول بأول شيلي
وبديت اسمع نصيحتها من قريب بس انا مشكلتي مثاليه بالترتيب ( لاحظوا التناقض :krkrkr: ) لاني ما احب اشيل وادحس وخلاص لا لازم كل شئ بالمسطرة والقلم ولمن زاد علي الجهد بطلت اسوي شي لاني ما اعرف افرق بين الترتيب السريع والتعزيل على قولتهم

والاثاث كان عندي كنب بالغرفة طلعته بره حطيته بصاله حقت بيت حمولتي فوق محد يستخدمها
واغراض البيبيات اول كنت اخليهم بداري بس خلاااص ماصرت اقدر اتحملهم حطيتهم بغرفه فاضيه فوق بس همن الغرفه مو لي يعني ما امون عليها جزاهم الله خير ساكتين عني

ومشكووورة ياقلبي على النصاااايح

 

[كويتيه 82]

حبيبتي اشتري كراتين ايكيا ,, شكلها حلوو وتشيل ,,

وسوي تصفية على الاغراض اللي ماتبينهــا

مشكووورة ياااقلبوووو

كراتين ايكيا خوش قكرة

والتصفيه صعبة علي لاني لما ابي اسويها القاني رادة كل شئ لمكانه ومو قاطه شئ

لدرجة اني مرة قلت لاختي ودي تدشين داري وتقطين كل اغراضي لانه لو علي ماراح اقط شئ :tomato2:

 

[كويتيه 82]

حبيبتي الحل الوحيد لمعاناتج إنج تقصين غرفتج بالنص
وراح يطلع لج غرفتين كل وحده 5 بـ 7 يعني حلوين
تخلين وحده لعيالج وسرايرهم وتحطين فيها كبت كبير بخزانانت واصله للسقف
وغرفتج تكون مرتبه ومقفله ولا تحطين فيها شي لعيالج
وحاولي تتخلصين من الأغراض إللي ما تحتاجينها أول بأول
من ملابس وألعاب وغيره لأن في غيركم محتاجها تبرعي فيها

هلا قلبي مرزوقه سيسم اسمج مميز:eh_s(6):


فكرتج خوش فكرة ولمحت لزوجي عنها بس قعد يقول انا احب غرفتي تكون كبيره

بس بقعد وراءهالسالفه لغايه ماتتم باذن الله

 

[كويتيه 82]

معليش بنات حاشتني ظرووف وما قدرت اكمل باقي الردود

بس كل كلمه كتبتوها على عيني وراسي

وان شاء الله ارد عليكم كلكم بس تعدل ظروفي

فديت فزعتكم واهتمامكم

 

[**(فـيـلا دانـتـيـل)**]

الله يعينج