من سنتين الا وأخوي مايكلم أمي

[بسكوتا كتكوتا]

السلام عليكم
خواتي كويتيات انا محتاجه دعواتكم جميعا ومحتاجه تدلوني شنو اسوي علشان اساعد امي الحبيبه


والله يجعله في ميزان حسناتكم انشاء الله


بنات
انا عندي اخوي عمره 28 سنه مو صغير
اخوي هذا وايد طيب ووايد عصبي ووايد يستحي

المهم

اخوي هذا من قيل سنه ونصف او سنتين الا شوي تهاوش مه اصغر واحد باخواني في البيت هوشه كبيره وايد واخوي الصغير عمره 23 سنه

المهم امي لما درت بالسالفه صفت مع اخوي الصغير وخانقتهم اثنينهم بس شدت مع الكبير بحكم عمره اكبر من الثانيى وقالتله لا تتهاوش مع اخوك الاصغر منك حرام وعيب وووو




والله يا بنات من ذيك القتره الي الحين مايكلم امي مع انه يحبها وايد بس ما ادري شنو اللي صار فيه ما يكلمها ولا يكلمني ولا يكلم الصغير \ مقاطعنا كلنا

وامي حاز الموضوع فيها ومأثر انه ما يكلمها ولا حتى رمضان سلم عليها ولا العيد ولاولا تخيلو

كلمته خالتي وكلمه اخوي اللي موجود بره الكويت وكلمه ريلي بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بلا فايده

اهواوده بكلمها بس تلاقونه موعارف من وين يدخلها او اشلون يبدأ بالموضوع معاها


فالله يخليكم شنو تشورون علي اسوي لابرد قلب امي

 

[~Princess~]

ماله داعي يدور له باب يدخل منه

اهو ساكن عندكم بالبيت ولا بره؟؟

خل يروح لها يسلم عليها ويحب راسها... هذي امه ما راح تسأله واكيد اهي مسامحته

 

[بالقرآن أسمو]

وعليكم السلام ورحمة الله وبركاته


الله يهديه يارب

بس سنتين واااااااجد اشلون قدر يصبر عن حلوة البن

مايدرى انه رضى الله سبحانه من رضاها حاولو معاه بشتى الطرق
وقولوه انت ضامن نفسك تعيش البكره خليه يتلاحق نفسه قبل ما يعض اصابع الندم
والله يعلم في ناس واجد اتغبطك على وجود امك حوالك وايتمنون لو امهاتهم عايشين ويبرونهم

الله يهدي الجميع .

 

[يالبا روحي]

لاحووووووووول ولاقوة الا بالله ياااااااااربي شنوووووو هالقلب معقوله في قلوب كذاااا ياربي امي اذا زعلت علي دقايق ذبحني قلبي ياجمااااعه ياناس تكفوووون الوالدين الوالدين الوالدين فوق كل شي فوق روسنا مهما قسوا علينا يبقون اهلنا صدقوني ماقسوا علينا الا لمصلحتنا تكفون ياجماعه لو تشوفون قبل شلون كانوا يبرون بوالدينهم في واحد قبل كان ابوه يقعد على صلاة الفجر عشان يتوضأ ويصلي وكان ايام قبل الماي بارد مو نفس الحين سخانات تخيلوا ولده البااااار كان يقعد قبل ابوه بفتره وياخذ تب في ماي ويرفع ايده فوق عند السيراج عشان يتسخن الماي عشان ابوه يتوضأ ماي دافي شوفوووا تكفووون بر الوالدين - حنا وربي مالنا غنااااااااات عنهم جعل ربي يحفظ والدينكم والديناا ياررررررررب ويرضون علينا ياااارب الجنه تحت اقدام الامهات وحبيبتي بسكوتااا حاولوا تكلمونه وتوعونه لان اذا امه لاسمح الله صارلها شي ماارح يسامح نفسه ابدااا الواحد مو ضامن عمره - جعل ربي يهديه يارب ويهدي كل واحد يقسى على والدينه

 

[*الأميرة*]

خلي أخوج يشوف هذي النشيدة
http://www.youtube.com/watch?v=vLQkxfCKtwE

 

[غصن الغلا]

الله يهديه إنشاءالله

 

[بسكوتا كتكوتا]

ماله داعي يدور له باب يدخل منه

اهو ساكن عندكم بالبيت ولا بره؟؟

خل يروح لها يسلم عليها ويحب راسها... هذي امه ما راح تسأله واكيد اهي مسامحته

هلا اختى لا والله ساكن عندها في بيتها وتكون قاعده بالصالة ويمر جنه موشايفها

واذا دخل لقا احد من أهلنا قاعد معاها يسلم على المره الي قاعده ويمشي

والله قلبي يعورني مو علشانه بس علشان امي تقول انا لو ذابحته جان ماسوا فيني جذيه

 

[بسكوتا كتكوتا]

الله يهديه إنشاءالله

أمييين

 

[بسكوتا كتكوتا]

لاحووووووووول ولاقوة الا بالله ياااااااااربي شنوووووو هالقلب معقوله في قلوب كذاااا ياربي امي اذا زعلت علي دقايق ذبحني قلبي ياجمااااعه ياناس تكفوووون الوالدين الوالدين الوالدين فوق كل شي فوق روسنا مهما قسوا علينا يبقون اهلنا صدقوني ماقسوا علينا الا لمصلحتنا تكفون ياجماعه لو تشوفون قبل شلون كانوا يبرون بوالدينهم في واحد قبل كان ابوه يقعد على صلاة الفجر عشان يتوضأ ويصلي وكان ايام قبل الماي بارد مو نفس الحين سخانات تخيلوا ولده البااااار كان يقعد قبل ابوه بفتره وياخذ تب في ماي ويرفع ايده فوق عند السيراج عشان يتسخن الماي عشان ابوه يتوضأ ماي دافي شوفوووا تكفووون بر الوالدين - حنا وربي مالنا غنااااااااات عنهم جعل ربي يحفظ والدينكم والديناا ياررررررررب ويرضون علينا ياااارب الجنه تحت اقدام الامهات وحبيبتي بسكوتااا حاولوا تكلمونه وتوعونه لان اذا امه لاسمح الله صارلها شي ماارح يسامح نفسه ابدااا الواحد مو ضامن عمره - جعل ربي يهديه يارب ويهدي كل واحد يقسى على والدينه

والله يا اختى حاولنا واجد بس ماكو فايده


امي ما تبي الناس تدري فيها وتقول لا تعلمون احد من اعمامكم لانه ابوي متوفي وامي ما تبي الحريم يسولفون فيها وما تبي تكبر الموضوع وتقول اهوا الحمد الله مايصرف علي وانا مو محتاجته فليش الفضايح وترج بعد يوم تقول ليش ما يكلمني انا مو امه اما وانا والله تزعلني عليها
ومرات تقول انها تبهدلت من بعد وفات ابوي وانه اهوا بس اللي كان حاسس فيها واهوا اللي بس كان يدلعها

والله امي معوره قلبي بس شنو اسوي كلمت اخوي اللي مسافر وعلى طول كلمه وزفه جان يقوله خلاص خلاص الحين اكلمها وما سوا شي

ريلي كلمه اكثر من مره يقولا لا مافي شي اهيا بس مرتك حساسه وووو يقلب الموضوع علي
كلمته خالتي جان يقوللها صح صح صح كلامج ومن هذا القبيل ومعيطا طاف

والعيد اللي طاف استخفيت عليه مسجات تقريبا اكثر من 8 مسجات
اذكره بامي وشنو كانت تسويله ووو انها تحبه واحنا كلنا نحبها والحق عليه ما تدري منو يموت قبل الثاني وذكرت اشلون كان مهستر لما ابوي توفا
وذكرت انه الانسان له عمر معين

يرد علي معصب لعد تدزين مس ثاني

انا ما يأست ولا راح ايئس ابي مساعدتكم بالدعاء وتقولولي شنو ممكن نسوي معاه علشان نفرح امي بس

 

[غروري بطيبتي]

الله يحنن قلبه على امج ويهديه ان شاءالله
والله مادري شقولج مبين اخوج عصبي وعنيد مالي الا الدعاء
حاولتي تذكرينه بالموت وكلمتي اهلج وهم نفس الشي ماتحرك لازم هو من نفسه يتغير
الله يهديه ويسخره لامج

 

[أنوثهـ حتى الثمالهـ]

دمعت عيني والله
اخوك الظاهر عقله صغيرويعاند حتى نفسه
جربي خليه بدون ضغط منكم حتى لايعاند يمكن يبي فرصه يجي من نفسه مايبي احد يتوسط بينهم
وذا مانفع ارسليله مسجات ودام متااثر بوفاة ابوه استغلي تاثره
والله يصفي النفوس
وهم بعد خلي امك او انتي تقرا سورة البقرة في ماي وقسموه قسمين قسم خلوه ماي شرب لاهل البيت وخاصه اخوك والقسم الثاني عقب اتنظفون البيت وتشفطونه عدل اخذذوالماي المقري ورشوه على كل مداخل وزوايا البييت كل الغرف وكل الممرات
وشوفي شلون البيت بيهدي والشياطين تطلع

 

[انا البطه البلديه]

الله ياربي يهديه ويحنن قلبه مع ان اخوج الله يهداه مو صغير بس انا اقول سكتوا عنه وطنشوه مرده بيرجع يكلم الوالده لانه احس يعاند وكثر ما انتوا تحنن عليه اهو يعاند اكثر خل الوالده مثل ما قالت وحده من الخوات تقرأ سورة البقره وتشوف
والا امها تعزمكم كلكم الا اهو خل تبين له انها مو مهتمه وخل تشوف ردت فعله شلون
وعسى الله الحي القيوم يهديه يارب

 

[موت وميلاد]

لاحول ولاقوة الا بالله العلي العظيم

الله يهديه ويهدينا معاه

ادعيله في قيام الليل وتصدقي بنية الله يصلح مابينهم وانه يحنن قلبه على امه

 

[miss_lymoona]

خليه ابوج او واحد كبيره يروح يمسكه من ايده بالقوه وبخليه يبوسها وبهالحركه صدقيني بيطيح كل شي

انا مجربتها كنت مااكلم اخوي لمدة 4 سنين وابوي مره وحده مسكني حيل وخلاني ابوس اخوي وكل شي الحمدالله تصلح

 

[الخاتم الذهبي]

والله يأختي حالتك مثل حالتي عندي اخو ادعوله بصلاح من يوم متزوج وهو مقاااطعنا ومقاطع ابوي وامي له 8 شهور محد داري عنه ومايبغا يكلمنا واذا احد فاتحه بموضوع الاهل والوالدين زعل منه وقاطعه مدري وش جاه بالله ادعوله بالهدايه المشكله زوجته بنت عميييي

 

[ملكة الياقوت74]

حبيبتى لازم يعرف اخوج ان الجنه تحت اقدام الامهات ليش يكابر ومتردد ان يكلمها انتى كلمى وقوليله الله يسامحنا على اخطائنا وسيئاتنا وانتى يا عبد ماتسامح اغلى انسانه فى الوجود اهى شالتك فى بطنها تسع شهور وانصحج اتقوليله اييبلها ورد ا و هديه ويتسامح منها وانشالله الله يهديه ويتاسف لها

 

[pure.soul]

لا حول ولا قوة الا بالله ، الله يهديه إن شا الله ويحنن قلبه على أمه ..

تدرين ليش مو قادر يكلمها ؟ لأن الفجوة زادت مع زيادة المدة سنتيييين مو ناطق لسانه بلسانها فصارت بينهم فجوة كبيرة و يحس انه هالشي صعب عليه بس طبعا هذا مو عذر ، هاذي امه جنته و ناره .. انتي حاولي قد ما تقدرين ادزين له مسجات تذكرينه بالاحاديث بالآيات اللي عن الأم و ادعي ادعي ادعي لا توقفيييين الدعااااااء و تذكري انه الله قريب مجيب دعوه الداعي اذا دعاه و ربج يحب العبد اللي يلح بالدعاااء .. و قولي له باجر عيالك يسون فيك مثل ما سويت في امي ترا و الله الأم مو شويه و بر الوالدين شي عظييييم و ذكريه بهالدعاء " اللهم اعنا على برها حتى ترضى عنا فترضى، اللهم اعنا على الإحسان إليها في كبرها اللهم ورضها علينا، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها اللهم ارزقنا رضاها ونعوذ بك من عقوقها "

 

[نهاوند]

لا حول ولا قوة الا بالله

ما يدري المسكين عاقبة اللي يسويه يظن ان عقابه بس بالأخرة ما يدري عقاب الوالدين بالدنيا والاخره

والله ادعي له بالهداية لانه كسر خاطري ما يدري عاقبة اللي يسويه وشنو كبره عند رب العالمين والله يصبر قلب امج

 

[غير كل الناس]

الله يهديه انتي وباقي اخوانك كلميه لاتخلونه هذي الام اللي توافيق رب العالمين تجي بعد رضاها وشلون عاللي مقاطعها رب العالمين مايوفقه


كلموه وخلوه يروح يبوس راسها وايدها ويطيح بحضها يبكي


الله يسامحه ويسامحش بكيتيني علي هالصبح

 

[PinkY Dreams]

يمكن يستحي يكلمها لانه الفتره طويله اكيد امج تدري انه يستحي بعد عمري اكيد عارفه ولدها
دمعت عيني على سالفتج يارب يطيح على ريل أمه ويبوس ريلها مهما سوا تره الام تنسى بدقيقه من تشوفه جدامها