من دله الضيق مآهزيت فنجآلي !

[ملوكـه]

حريم يحبون النكد
لهدرجه ماكو مراعاه للمشاعررر
لو بنتهم مايرضون عليها !!

انسي حبوووبه وعيشي حياتج
وعلى قولتهم لاتسوين رفريش لقلب ريلج
بس حطو هالسالفه براسج وضيقو خخلقج
والوحده فيهم اللحين مكبره مخدتها ونايمه بسابع نوم

 

[ملوكـه]

مع فوفو

وانتي ياملكه
كل شي تقوله فوفو معاها
مالج راي خاص يعني !!

على قولة نهى الاحمد انه فيه عضوات
مالهم راي
معاهم معاهم عليهم عليهم !!!!!!!

 

[هذا مزاجي]

قليلة ادب هالعجووز
الله يعينج

 

[من يشابه ديرتي]

عاد الله يهداها العجوز هذي سالفه تقولها قدامج
تدور السوالف العجيز
غلطانه اذا بتشغلين نفسج بهالسالفه لانها خلاص ماضي ف حرام تدورين النكد لعمرج على شي ماله معنى

 

[مزيونه الحربي]

الله يمسح على قلبش وتنسين قصته القديمة
انسي ما ضيه ولا تخلينه يعيشه ثاني ان ذكرتيه فيها وحاسبتيه راح يتذكرها بارادتش

فثقي بارادة الله وافرحي فيها انش انتي الي كنتي مكتوبه له مو هي والحين هو نصيبش ولش لحالش فليه تعيشين بحزن افرحي يا بنيه وبث

 

[عاشقة_الجمال]

ماله داعي تنفسين وتتضايقين

عادي كل الرياييل او اغلبهم كان في حب قديم بقلوبهم

انتي عاد لاتقعدين تذكرينه بالسالفه والبنت تزوجت والله ستر عليها

 

[منال $]

حبيبي هدا ماضي وانتهى
المفروض ما تتكلمي فية صحيح انة شي بيزعل
بس اكيد كل رجال مر بتجاربة بالحياة
خليكي واثقة من نفسك البنت راحت وتزوجت والله يستر عليها
لاتخلي هالموضوع ينغص عليكي حياتك وعلاقتك بزوجك

 

[بطوووطة$بيضة]

حبيبتي كلنا لنا ماضي

واذا ابتنبشين ماراح اتخلصين

بسكم نكد تكفون صايرين ادورون النجرة يالحريم

يعني انتي الحين طنقرتي واهوا قالج شي وانتهى شنو متوقعه يسويلج يعني ؟؟؟؟؟؟!!!!!!!!شنو ناطرة يقولج بع؟؟؟؟

 

[أحلى من الخيال]

مو أول واحد
و لا آخر واحد
طوفي الموضوع و استمتعي بحياتج مع زوجج
و حبي نفسج​

 

[مولاي الفرج]

حبيبتي انتي عارفه وايد حريم ماعندهم احساس ولا اسلوب

يعني لاتهتمين بأي شي يقولونه لا عنج ولا عن زوجج لايهزون فيج شعره

وبالنسبه للبنت فهالشي صار ماضي وذكرى مو اكثر

يعني لاتقعدين توسوسين وايد بالعكس انتي الوحيده اللي الحين بحياته ولا بيقدر يفارقج

خلج عاديه ولاتحرين عمرج :***

 

[أجمل إنسـآنـه ~]

." ماضي ولأ لج دخل تزعلين منه صج تتضايقين بس خلااص انسسي"

وألحين انتي الزوجه وام العيال والحبيبه إن شاءالله ,~< وهذيج كاااااااااااااان يحبها ولو ان ع قولتج تحسين ليلحين يحبها ,~ بس خلاص صعب يفكر يرجع علاقته معاها لانه بتتزووج ولأنه تزوج,~<":!

الله يسخره لج,~.!

 

[روعه جمالي]

يااقلبي انا عجبني اسم المووضوع روعه

وبنسبه لموضوعك صج يقهرر بس اكوون معك وااااضحه

لما قريت الموضوع مدري كيف اقولك بس كلنا حبينا وعشقنا تررى
الاياام تنسى لو حبها المهم انتي نسيه ولاتذكرريه

عاايشه التجربه وبالعكس


رووعه جمالي

 

[النووف]

بيض الله وجيهكم كلكم

صج ماتقصرون بنات مالي غيركم

بس اللي تقول ماضي واكيد انساه !!

اوكي علاقه قديمه وماراح احاسبه ولا اكلمه

بس تصدقون !!

قبل لاعرف بالسالفه قاعدين انا وامه واخته وهو

قالت اخته شفت فلانه عن بنت جيرانهم ! شرت لكزس الجديد

واسم بنت جيرانهم نفس اسم اللي كان يحبها ؟

قالت جننتوني وذبحتوني بفلانه

واهله يضحكون ويطالعوني وانا مدري شالطبخه

لما عرفت اسمها تذكرت السالفه

حتي هو قله وقاحه عنده

قلت له لما قعدنا لحالنا قلت منو فلانه اللي تقول جننتوني فيها !!

قال اضحك مافي شي والله ، وسكت

لما عرفت باسمها تذكرت السالفه لما يقول جننتوني وذبحتوني بفلانه واخته تقصد بنت الجيران

انا لما عرفت السالفه واسم البنت تضايقت قلت هذا مانساها لو نساها مايقول ذبحتوني ووو

قلت وقعدت ابجي عنده ذاك اليوم اقول علي بالك انا طوفه واهلك يطالعوني ويضحكون

صرت مدمغه مدري عن شي !!

وسكت وقعد يحضني علي باله بانسي

ولا جاب لي هديه ولا شي

ويقول لي بنطلع واخر شي كاشخ ورايح الافنيو

لو اعدد سوالف واتذكرها يشيب شعري!!

 

[Mjnont '3lay]

كلامي بختصره لج بكلمتين
الماضي يبقى ماضي لا تهدمين بيتج على شي كان من الماضي وانتهى وحتى لو يحبها بس تبقين انتي الزوجه وام العيال والبنت كاان يحبها وماخذاها يعني صارت شي من السراب مستحيل يرجع
والبنت تزوجت وتيسرت يعني ماكو امل انه يفكر فيها عيشي حياتج مع زوجج ولا تدورين النكد ولو كنتي حاطه هالشي بقبلج وماقلتيه له كان احسن عشان ما تفتحين عيونه على شي انتهى والله يهدي سركم يارب

 

[شيخة الزين]

الله يعيييييينج حبيبتي

 

[مـس مـطـيـر]

شي يحر و يقهر
خاصه لما تكونين بموقف الساذجه يلي على نياتها
و يلي ما تعرف شي
وياما القصص و القصص و الحالات يلي تحر و تمرض
المراه
انتي الحين عرفتي و فكري بعقليه و بهدوء لا تخربين على نفسج بالعصبيه و الحره و تصيرين مضحكه عند اهله دام كانوا يتناغزون ببنهم و بين بعض قدامج و انتي ياغافلين لكم و الحركه يلي يسونها خواته فيه نذاله و غيره حرييييييم افتكي
ونصييييحه نصييييحه ادري السالفه تحر بس لا عاد تطرين هالمرا جدام زوجج تحطينها براسه اكثر و يرجع يفكر فيها و يقارن بينج و بينها ديري بالج لا تخربين على نفسج بكثر طريااها عنده
حاولي تستغلين الموقف
انتي ادرى بتفسج و حياتج طالعي المشكله من اكثر من جانب
المرا السنعه تفكر دايم شلون تستغل اصعب الظروف و المشاكل لصالحها

 

[ام الوردة]

هههههههههه والله نفس قصتي

كلميني خاص عشان تعرفين فيه اللي قصتها ألعن من قصتچ

 

[(*ام عهــــد *)]

عيشي حياتج
وخلج واثقه من نفسج وافرضي وجودج ولاتخلين السالفه هذي تهز فيج اشعره​

 

[ازمه وتعدي]

حبيبتى كتبت لك رد طويل وانمسح

بختصرها لك بكلمتين

انتبهى وخذى حذرك من اهله و حرصى منهم عدل

شنو مصلحتهم يوصلوون لج سالفه انه يحب بنت ومااخذها

حيااتى انا اخوى حب بنت ومااصارت من نصيبه وتملك وفصخ ملكته والبنت والله ليوم ذاا ما تدرى انه بحياته بنت وحب قديم

رغم ان علاقتنا فيها موو ذااك الزود

البنات يغطون سوالف اخوانهم مو يوصلوون لحريمهم شنو كان ماااضي ريايلهم !!

حياتى الظاهر فيه قلووب سووداء من حولك

حياتى

ريلج يبي ينساا لكن فيه من يذكره لغرض مو نظيف بقلبه

انتبهى لصحتج ولريلج وابتعدى عن الاجواء المسمومه

وواذا سمع اغنيه ارتاحيتى من عذبتينى

حطى له اغنيه جريمه لماجد حميد << اضحك ويااااااج

يااقلبي ما ظل احد مااتقمص شخصيه العاشق المحرووم

قلبي عيشي حياتك بالطول وبالعرض ولا يهمج خبث البشر ولا ماضى اللى حولج

انتى الحاضر والمستقبل وغيرج سرااااب وانتهى


دعوواتى لك حبوبه​

 

[~*~الملكة~*~]

انسي ولا تتضايقين ولا تذكرين ريلج بالسالفه

لو اهو مو ناسي جان حسيتي فيه من زمان

مو وحده تقولج عن ماضيه وتزعلين لو يحبها ويبيها للحين جان حسيتي

والاغنيه مالها شغل مرات انتي تحبين وتتاثرين بغنيه مو شرط انها تخص موقف معين

ولا تذكرج بشي

خلاص انسيها ولاتذكرين زوجج فيها لانج راح تتعبين وتشغلين بالج فيها واهيا ولادرت عنكم