من دله الضيق مآهزيت فنجآلي !

[النووف]

مساكم / صباحكم مطر

انا في ضيقه مايعلمها الا الله

البارح قاعدين انا وام زوجي واخته ومرت حماي

نسولف بوحده من جماعتهم ماعرفها واخت مرتت حماي

جان تقول العجوز هذي قبل عاشقها فلان زوجي وهي عاشقته

كان يبيها وتبيه ويوم درا انها ملكت راح يهاوش اخوانها وابوها ليه ززوجتوها

لان ابوها ملك لها وهي ماتدري

وانا انصدمت وضقت !
وهي تقرب له من بنات عم ابو



الحين زوجي مو قادره اطالع وجهه من الضيق
واهله ماراعو شعوري علي بالهم طوفه

وزوجي درا اني دريت وشافني منفسه وجا يقول لي انها سالفه قديمه
والله يستر علي البنت
هو كان يكلمها بالتلفون!ويشوفها في بيت اهلها لان اخخته ماخذه اخو البنت اللي يحبها



بنات والله احس للحين قلبه يحبها

واغانيه اللي يسنعها بالسياره كلها احس لها
اغنيه دايم يسمعها ويعيدها ( ( ارتاحيتي من عذبتيني !





ماقول الا الله يصبرني

 

[رنيم الروح]

الله يعينك حبيبتي وزين عرفتي بس انتي بعد لا تنفسين خلاص البنت اتزوجت وراحت في نصيبها والي في القلب في القلب لا تقعدين كل اشوي تبينين هالشي حاولي انك اتكونين مكانها والدعاء ان الله يسخره لك وينساها

 

[Patcholli]

لي متى بيظل متذكرها مرده بينسى واهي سالفه قديمه لاتجددينها وتسوين رفريش بقلبه ..

لو ساكته ومسويه روحج ماتدرين وايد افضل ..

صدقيني مع العشره ومع المعامله الحلوه تحببين ريلج فيج وتاخذين قلبه

ابتعدي عن النكد ولاتحاسبينه على شي فات واهو الحين معاج مو معاها والي صار قبل كان ماضي انتي ماكنتي موجوده فيه .. ^_^

اهم شي الحاضر وعلاقته وانتي على ذمته

 

[Perfume]

والله خواته ما عندهم سالفة يتكلمون جدامج هالشي خلص وانتهى
انتي من حقج تتظايقين بس لا تنكدين على عمرج حبيبتي السالفة انتهت ولو ما يبيج جان ما تزوجج

 

[أم فـرح الحلوه]

حدها تضيق ع القلب وانتي صاجه ويمكن تقعدين تفكرين بكل وتربطين شغلات فيها الله يسهلها عليك حاولي تتغاضين ولا تصيرين نكديه

 

[صمت المرافئ]

استهدي بالله
ولا تسببين لنفسج مشكلة
وتضيقين خلقج
سالفة وانتهت
واللي قالتها الله أعلم بنيتها
إذا ما تقصد ... فوتي
وإذا تقصد ...
لا تعطينها فرصة تنكد عليج
حقريها وبيني انج مو متأثره
وزوجج ... حرام ...
لا تنكدين عليه ... مع العشرة والزمن
بتكونين انت الغالية وانت الحب كله
​

 

[طيبة83]

ويه أش عليج منها

ياما الرياييل حبوا وخطبوا ويمكن تزوجوا بعد بس تصير ظروف وينفصلون وتالي يتزوج ويصير اسعد منه مافي

انتي بشطارتج تقدرين تنسينه إياها

ولا تيبين له طاريها لا في الجد ولا المزح

 

[!الجادل الصعب!]

صيري ذكيه لا تقلبين الموقف عليج
ان تضايقتي وبينتي له هالشي وغيرتج بيرد يفكر
فيها .. وبترد في باله
انتي زوجته وماوقفت علا خطيه قديمه اكيد انتي بعد انخطبتي قبل يخطبج
عادي ههالشي مو معناته تفكرين فيهم .. عيشي حياتج لاتنكدين عليه
اكثر و اكثر انتي الي بتكونين خسرانه

 

[جـــواهر]

والله من صجج ؟؟؟!!!


حبيبتي طاااااف زوجج مايفكر فيها ولادرا عنها
وخل تكون ثقتج بنفسج قويه
انتي قاااادره تنسينه الدنيا ومافيها لاتخلين
الماضي عثره بطريق سعادتكم
طنششششي انت الاولي وانتي الاخيره

 

[((shoOoshoOo))]

اهله غلطانين مفروووض بالعين العافيه وساكتين شهالوقاحه !! خلاص الريال وتزوج شتفيد السالفه ..


اللي عليج طنشي ونفسي يو جم يوم خليه يحس انج متضايقه واذا حاول يراضيج او يتميلح خلاص حبيبتي انسي وربج كريم قادر يخليه ينساهااااا ويحبج انتي اكثثثر

 

[غنوة ستايل]

قله ادب انهم قالوا
بس انتي انسي الموضوع
لو يبونه جان عطوه بنتهم
ولو تبيه كان قالت ابيه !
كلام فاضي حب المراهقه والشباب هذا
انتي الاصل انت الزوجه . اللي بيجيب منها عياله
واللي بينادونه باجر بابا
طيعيني وانا اختج
الرجال اول ما يسمع كلمه بابا يطخ بسرعه . ويصير يموت عليج بس عشان لعيال
رفيجتي نفس حالتج بس اهوا كان متزوج ومطلق
وجابت له عيال . تعالي شوفي وشلون طاير فيها وبعياله .

 

[ام الحلوااات]

مــــاااضــــي ريـــلـــج مـــا يــخــصـــج ومـــو مـــن حــقـــج تــحـــاســبــيــنــه عــلــيــــه
شـــــي راااح وانــتــهـــى بـــزواجــــهــــا وزواجــــه مـــنـــج
حــطــي ريــلــج بــعــيــونــج وحــبــبــيــه بـــااســلـــوب وطــريــقــه نــعــامــلــج فــيــج
وخــلــيــــه يــنـــســــاهــــا بـــدوون مـــا تــذكــريــنــهــا بــســااالـــفــتـــه مــعــاهــــا
امــا بــاالــنــســبــه لاهــلــه عــطــيــهــم طـــاااف ولا تــبــيــنــيــن لــهــم انــج مــتــضــايــقــه ويــعــرفــون نــقـتطــة ضــعــفــج​

 

[فوفو22]

اللي يحب النكد والحزن

يلقاه

واللي يبي يعيش بسعاده يقدر

معظم الرجال مروا بقصص حب ملتهبه

ولظروف ما... ما تم الزواج

وتزوجوا باخرى وكونوا بيت واسره وعيال

وصارت قصه الحب القديمه

حتوته ظريفه ....لها جوها ووقتها

فحبيبتي لا تنبشين بالماضي

وعيشي حياتج صح

فوفو

 

[قلبهـ 86]

اللي صار مضى وانتهى

واهي راحت بحال سبيلها


اهم شي تحببينه فيج وتنسين كل اللي سمعتيه عشان مايأثر ع علاقتكم وحياتكم

 

[انثى عاشقة]

اهل الزوج وظيفتهم في الحياة التنكيد !!
انتي طنشي وكل فترة والثانية قولي لهم
بس اخذ الي احسن منها ومرتاااااااااااااااااااح بحياته
وخليه يفهمهم هالكلام
قطع مايستحون ..
​

 

[Tom ♥ Jerry]

.


حبيبتي سالفه قديمه و منو ماله ماضي ؟!:/
تعوذي من ابليس .. و ابتدي صفحه يديده مع ريلج
اختارج انتي و انتي الاساس
خلج ذكيه و نسيه مو بس هالبنت الا نسيه اهله كلهم :*

 

[Gifts&Occaions]

الله يعينج

 

[عجميه ماركه]

وااي حبيبتي

عادي تضايقيً وابجي ابجي ابجي ليما يصفا راسج



وافر شي سجادتج وصلي وادعي ربج انه يسخره لج و يحبج ومايفكررر بغيرج

بعدين شي وااااااااايد الحلو انه دريتي بها لموضوع من أهله مؤ منه او مره زل جدامج او شي هذا دليل انه ماضي وراح بالنسبة له

 

[!! دلوعته !!]

الله يعيييييييييييينج ي قلبي

 

[ملگه]

اللي يحب النكد والحزن

يلقاه

واللي يبي يعيش بسعاده يقدر

معظم الرجال مروا بقصص حب ملتهبه

ولظروف ما... ما تم الزواج

وتزوجوا باخرى وكونوا بيت واسره وعيال

وصارت قصه الحب القديمه

حتوته ظريفه ....لها جوها ووقتها

فحبيبتي لا تنبشين بالماضي

وعيشي حياتج صح

فوفو

مع فوفو