من حق ابو الزوج يسوي كذا؟؟؟؟

[*peace*]

انا مع فوفو

واضيف ان اذا مرته خوش مرا وزينه تستاهل واذا العكس لا والله الصراحه قهر !

بس همن محد له حق يروح ويقول لابوه كللللش موحلوه وتسبب مشاكل وممكن يزعل الابو ويتضايق

 

[Green tea 93]

اول شي من كلامج يدل ان زوجج و اخوانه اللي من امه كبار و كل واحد منهم فاتح بيت و يصرف على نفسه

ثانياً ابو زوجج ريال عود و يبي يضمن حق عياله الصغار بعد عمر طويل

ثالثاً فلوسه و اهو حر فيها يحرقها يسوي فيها اللي يبي هذا تعب سنينه و اهو كيفه بفلوسه

رابعا زوجج و ابوه ينيازون مع بعض

خامساً ابو عيالج اهو اللي يصرف عليهم ولا عمري سمعت ان ابو الزوج يكتب شي باسم عياله و ان كتب جزاه الله خير

 

[lunetta]

سؤال بس جاوبي عليه
لو ابو زوجك طلب منكم تكتبون نص او حتى ربع البيت اللي بفلوسكم بأسمه بترضين ؟؟؟
ولو زوجك بعد عمر طويل مات قبل ابوه (ترى له حق يورث ولده ) بترضين وماراح تصير بقلبك ؟؟؟

بس جاوبيني ؟؟؟

 

[شيخه_البيض]

مالي حق أتكلم

أبوي اللي اهوا أبوي ماتدخل بفلوسه هالمره عمي ابو ريلي

اذا عطى من كيفه جزاه الله خير واذا ماعطا عياله كيفه مرد الفلوس لهم

 

[Om-3zezan]

حلاله اهو يكتبه باسم اللي يبي

واهو اكيد ما منعهم كرها فيهم او لانه يحب عياله الصغار اكثر

اهو اكيد شايف ان الكبار خلاص تحملوا مسئولية ورياييل وعايشين حياتهم!
أما عياله الصغار بنات الغريبة عن الديرة مو ضامن مستقبلهم ولا ضامن ان الناس بترحمهم بعد عينه!

انا برايي انه قاعد يفكر بمصلحتهم ومن حقه يسوي اللي يبيه ومحد له اي حق يتدخل .. الله مايرضاها يا عالم

تخيلي باجر عيالج عقب ماتعبتي عليهم اييون يحاسبونج على فلوس!!!!!!!!

 

[..<< ندى الورد >>..]

حلاله وشقاه كيفه

 

[Patcholli]

انا ماتزوجت زوجي عشان فلوس ابوه فمالي شغل لا بأبوه ولا بفلوسه ..
خاصه اذا كان ابو الزوج جامع الفلوس من تعبه وشقاه عياله مالهم حق بالفلوس طالما انه عايش
حقهم يصير فقط لما الابو يتوفي ويكون في ورث ..

 

[Gatwa DaloO3a]

كلام ام كوثر ١٠٠٪ .. وما ازيد عليه شي

 

[Kensington]

عيالك ابوهم موجود وامهم مواطنه ولهم خوال وعزوه
اما عيال ابو زوجك موب دايم لهم بتصك فيهم الدنيا عقب عينه
خصوصا امهم غريبه تنبذهم الناس
هو تفكيره عقلاني بس المفروض مايحرم الكبار
اذا حرمهم هاذا شي راجع له

 

[Tulips]

لا طبعا انا مالي شغل فلوسه وحلاله ان شالله يحرقهم انا شكو !!

 

[femmi]

مو من حقه يميز بينهم ..شي يقهر

بس انتي طلعي نفسج من السالفه هذا حلاله وهو حر فيه لاتخلين نفسج سبب في شر او تفرقه بينهم

 

[قــل مـا تـشـاء]

أنا اقول فلوسه وهو حر فيها وأقولها بصدق
هو صحيح الابو المفروض يعدل بين عياله عشان يخليهم على قلب واحد
واذا هو خايف على عياله الصغار جان وزع الورث في حياته وفق شرع الله
واذا ريلج او واحد من إخوانه اعترض يروح يكلم أبوه او يكلم احد قريب من أبوه يخليه يحل المسألة
عشان بعد عمر طويل اذا راح الابو مـا تصير مشاكل بين الاخوان بسبب الورث
بس اسمحي لي اذا ريلج عادي عنده وانتي اللي حاره عمرج لا حبيبتي مالج حق وعيالج أبوهم يأمن لهم مستقبلهم مو يدهم
والله كريم

 

[amami al-kuwai]

حبيتي هذي فلوسه مو من حق اي احد انه يدخل ويقوله شلون يتصرف فيها

بس اذا انتي خايفه انها تصير بخاطر زوجج لا قعدتي مع ابوه سولفي معاها عن الناس وجيبيها بطريقة غير مباشر كأنج تتكلميني عن احد ثاني

واذا من باب الشرع دقي على مفتي وسأليه

 

[3oosh <3 MJ]

والله هو حر بفلوسه
ولو فرق بين عياله في رب يحاسبه

 

[علقمه-المفلوعه]

اذا عدل خير على خير واذا ماعدل ربج بيحاسبه واذا ام زوجك نصحته بالحسنى وبس اما ان الواحد يجبره ترى الفلوس وصصصصصخ دنيا
وشي ثاني احس له نظرة دامج خصصتي انها من دولة عربيه ترى كلنا مسلمين

 

[RowTow]

أستغفر الله العظيم
أعوذ بالله من طمع بني آدم.
آنا أمي و أبوي عندهم عيال صغار من أب أو أم ثانين, و لو أموت ما أقول لهم ليش تعطونهم و ما تعطوني. هذا و اهم أبوي و أمي.
أجي بعد هالعمر أحاسبهم على فلوسهم؟ عقب ما صرفوا علي دم قلبهم من كنت باللفه ليما تخرجت و تزوجت و توظفت؟
و انتي حيالله مرت الولد و حاطه عينج على فلوس الرجال و هو بعده عايش؟ حبيبتي متى ما مات ساعتها يصير فيه حق الله و ورث, أما ما دام حي لو يشب بفلوسه محد له شغل.
و و الله لو بيحط شي باسمهم فهذا من بعد نظره و خوفه عليهم, إذا انتي اللي ما لج فهالشغله لا ناقه و لا جمل جايه تفكرين و تقولين مرته مو كويتيه و "عيالي" لهم حق بفلوس جدهم. باجر شبتسوون فيهم من بعد عينه لو مات و هم بعدهم قصر و مكسورين الجناح و مالهم إلا أمهم اللي "مو كويتيه"؟

 

[صمت المرافئ]

السلام عليكم ...

حبيت اخذ رايكم لو ابو زوجك متزوج وحدة صغيرة وعنده منها اولاد وبنات صغار ب7 و9 و14 و3 وربي فاتحها عليه وعنده خير من حقه انه يسجل بيوته واملاكه باسمهم بس ولا ؟ولا تشوفين ان عيالك لهم حق بالفلوس مثلهم؟ خاصه انه زوجته من بلد ثاني عربيه يعني ؟

لو دريتي انه ابو زوجك يسوي كذا بدون علم اولاده الكبار شنو تسويين ؟؟؟؟؟

لفت نظري هالكلام بصراحة !!!
عيالج شكو ؟؟؟
مع احترامي لج
عيالج ما يورثون شرعا
اللي يورث زوجج واخوانه الأشقاء ... وغير الأشقاء <<< من الزوجة الثانية
أما عيالج مالهم شي ...
آنا معاج ان أبو زوجج غلطان انه يسجل بيوته وأملاكة باسم عياله من زوجته الثانية
لأنه قاعد يظلم عياله الباجين ويبخسهم حقهم
وهالشي راح يدمر علاقتهم كإخوان ويصير بينهم حسد
والأفضل تخلون أحد قريب من عمك ينصحه
ويذكره بحقوق عياله الثانيين وما يفرق بينهم
ولا يظلمهم ...

​

 

[نجدية2011]

اسمعيني ززززززين
مايخصك كتبهم باسم اهلها ولا دولتها
لاتتورثونه وهو حي
ولاتتسبيين مشاكل بينه وبن عياله الكبار ع وصخ دنياا
ومستقبلا اذا تطور الامر و درى زوجك لاتقولين له انا كنت داريه وكذا
خليك ساكته ولا لك دخل بمشاكلهم
ولا تكونين بنزين للنار
وتسببين مشاكل

الله يحفظك من كل شر

 

[دنيتي بنتي@@@]

استغفر الله العظيم
سبحان الله صار اللي يبي حقه طماع اي وحدة تكلمت ماابي احلف بس لو اهي مكانهم كان ما قالت هالكلام
واللي تقول عيالك شكو ليش من يصرف على عيالي غير ابوهم مع انه الحمد لله عندنا خير بس الحق حق وانا ما تكلمت عن ورث اصلا من قال بيكون في ورث بعد عمر طويل ان شالله والابو قالت يوزع اللي عنده على عيال ويحرم عيال وعايش جو مسوي شباب لو تشوفونه كنه اول مرة يجيبه عيال طاير فيهم ومو معبر عياله الكبار اللي بعضهم صار جد
وزوجته مسويه هي السنعه ودايره بالها عليه وعينها على فلوسه

 

[G!RLooNa]

وااااي انتي لو شريجتها جان شسويتي!

ليش جذي غيرانه منهم و لا تقولين مو غيرانه وااااضح من اسلوبج الغيره ذابحتج من مرته و عياله!! شوفي كلامج .. طاير فيهم، مرته مسويه روحها سنعه !

بس و الله الريال شايف و حاس انكم مو بالعين مرته و عياله عشان جذي سوا اللي سواه لان ما يأمنهم عندكم عقب عينه و زين يسوي اذا جذي مناشبينه و قاعدينله عظم بالبلعوم و تعيبون على مرته و عياله