من حق ابو الزوج يسوي كذا؟؟؟؟

[دنيتي بنتي@@@]

السلام عليكم ...

حبيت اخذ رايكم لو ابو زوجك متزوج وحدة صغيرة وعنده منها اولاد وبنات صغار ب7 و9 و14 و3 وربي فاتحها عليه وعنده خير من حقه انه يسجل بيوته واملاكه باسمهم بس ولا ؟ ولا تشوفين ان عيالك لهم حق بالفلوس مثلهم؟ خاصه انه زوجته من بلد ثاني عربيه يعني ؟

لو دريتي انه ابو زوجك يسوي كذا بدون علم اولاده الكبار شنو تسويين ؟؟؟؟؟

 

[sosowaty]

اعلم ريلي يكلمة لا ما اسكت عن حق ريلي و عن حق عيالي

 

[FUSHIA-GIRL]

اقول حق زوجي ...
لكن بالاول والاخير هذى فلوسه وحر فيها بس لازم يعدل بحياته

 

[sugar rose]

هو صج حر بفلوسه بس مو معناها يحرم عياله من حقهم بس ما أدري إذا إنت لج حق إدافعين ولا ما لج شغل هذا راجع حقه هو وعياله

 

[ام كوثر2007]

واالله يا قلبي انا ما اشوف لنا حق بفلوس اهالينا ...


هذى الفلووس اهم تعبوا فيها وشقوا


بيعطونا بنفس راضيه خير علي خير ..


ما يبووون يعطونا مهم ملزومين صراحه


شنو حقج وحق عيااالج .. حقج وحق عيالج تاخذينه من ريلج ابو عيالج يتعب ويوكلكم ويشربكم

والابو العود مالكم شغل بفلوووسه يا قلبي ان شاءالله يحرقهم اهو حر فيهم ...


والحرمه عمرها ما تدخل نفسها بأمور الخاصه بعايله الزوووج عشان ما تسمع كلام ما يسرها ..

 

[ترف بابا]

ما دامه حي كيفه

ويمكن خايف يموت وما يعطونهم اخوانهم الكبار شي ...

 

[بــــدره]

العدل بين الابناء واجب

 

[رنيم الروح]

اخبر زوجي يكلم اخوانه وبعدها يكلمونه عشان يعدل بينهم احسن من بعدين هالزوجه تكوش على الدنيا وتقط المسكين بعد ماتستغني

 

[ام فتوته]

لاحولا ولاقوه الابالله حتى بذي تدخلون
فلوسه هو الي شقى فيها يعطي مايعطي
يحرقهم هو حر جمعي بين الاهل لاتفرقين
لاتكونين سبب مشاكل اتقو الله

 

[دنيتي بنتي@@@]

الكلام سهل وكلنا نعرف نصف كلام بس لو وحدة من اللي يقولون حلاله وكيفة وهالكلام حطت نفسها مكانهم كان ماتت من القهر ليش هم عياله والثانيين عيال البطة السوده

ولو الواحد ماله حق بفلوس ابوه له حق بفلوس من؟؟؟؟؟

 

[النوري نور عيني]

شنو بتورثونه واهو حي ...ما لكم شغل ولا لكم حق اتدخلون بفلوسه وحياته ...وخلي نفسج مكانه وجايين عيالج يحاسبونج ...متاكده انج ما راح تلرضين ...

 

[G!RLooNa]

مادري الريال كيفه بعدين شلون انتي دريتي و عياله ما يدرون!!

مو حلوه تطلع منج .. لا تصيرين انتي سبب هواشهم انتي اللي بتطلعين بالشينه اذا اهما دروا و بيتصرفون كيفهم بس انا اشوف انتي مالج شغل بالسالفه

 

[ام كوثر2007]

الكلام سهل وكلنا نعرف نصف كلام بس لو وحدة من اللي يقولون حلاله وكيفة وهالكلام حطت نفسها مكانهم كان ماتت من القهر ليش هم عياله والثانيين عيال البطة السوده

ولو الواحد ماله حق بفلوس ابوه له حق بفلوس من؟؟؟؟؟

حبيبتي احنا لمن نقوول راينا بموووضع مو قاعدين نرضي احد ولا نبي نعجب احد بكلامنا ولا نبي احد يقول علينا مثالييين وعيال اصل وهالامور


احنا نقول اللى يمليه علينا ضميرنا .. ومالنا شغل بحد . انتي طلبتي شورنا واحنا ردينا

وصدقيني انا وحده من الناس لمن ادخل اي موضووع بعطي رائي فيه احط نفسي مكان صاحبه المشكله عشان اعرف ارد عليها ..


وانا حطيت نفسي بمكان عياله وشفت


انهم مو عيال البطه السوده .. لكن عياله من الزوجه الثانيه اعمارهم صغيره .. وريلج وخوانه ما شاءا الله كل واحد زنده يمشي عليه التيس يعني متوظفين وشهادات والحمدلله مو محتاجين فلوس ابوهم بشي

لكن اليهال المساكين هذيل لا صار بالابوو شي .. تتوقعين ريلج واخوانه بيرحمونهم ؟؟؟؟؟؟؟؟؟؟


ما اعتقد دامهم ميتين علي الدنيا جذى ويبوون ويفكرون بفلوس ابوهم .. ​

 

[pure-poison]

واالله يا قلبي انا ما اشوف لنا حق بفلوس اهالينا ...


هذى الفلووس اهم تعبوا فيها وشقوا


بيعطونا بنفس راضيه خير علي خير ..


ما يبووون يعطونا مهم ملزومين صراحه


شنو حقج وحق عيااالج .. حقج وحق عيالج تاخذينه من ريلج ابو عيالج يتعب ويوكلكم ويشربكم

والابو العود مالكم شغل بفلوووسه يا قلبي ان شاءالله يحرقهم اهو حر فيهم ...


والحرمه عمرها ما تدخل نفسها بأمور الخاصه بعايله الزوووج عشان ما تسمع كلام ما يسرها ..

عدل كلامها :eh_s(15):

 

[ام حسين 80]

لازم يعدل بين عياله
الله يهداه

 

[نشيج الروح]

إذا ريلج يبي يتكلم ....لا تدخلين فيهم لأن عيالج مالهم شغل ... الأبو هو الي له دخل ويتحااااااور مع أبوه إذا فيه شي .... وربي يغنينا من فضله الفلوس مو كل الحياة ولا تحطينها بقلبج وقلب عيالج وريلج ... وإذا لهم حق إن ما خذوه بالدنيا بياخذونه بالآخرة بس أتهاوش أو أحقد صعبببببة .... ممكن يحز بالخاطر وبس

 

[العنوووووووود]

فلوسه واهو حر فيها حتى لو عطا عياله كلهم الا زوجي يبقى حقه الانسان مفروض يكبر عقله بالامور الماليه

 

[فوفو22]

قانونيا وشرعا كل راعي حلال حر بحلاله بحياته

ولكن من باب حسن المعامله بين الابناء

الواجب يترك شي لباقي الاولاد لحفظ حقوقهم

والموضوع بين الاب وابناءه

وحريم العيال يطلعون من السالفه

فوفو

 

[نـعـومـه]

لااازم يعدل بين الابناء

عشان لايسبب كره بينهم

 

[Beyoncee]

والله كلام الاخت فوفو عين العقل
انا من رايها