من حقـي .. ولامو مـن حقـي ؟؟؟

[هيبة فتاه]

السلام عليكم ورحمـه الله وبركآتـه ...



_

-
-
-
-
-
-


لي من زمآن عن المنتدى بس ما انكر مراقـبه من ابعيـد لبـعيد :eh_s(7):



المهم ببلش بالمـهم ... وعل الله القـى وحدهـ تقدر موقفـــي

صارلي فتره كله اكبـــت هالمشكلــه ...

امس حسيت انه خلاص بكون قويـه شوي وبجآدل


انا عندي امي مو مفكرهـ فيني موليه ولا تهتم لأي شس يخصني من ناحيه زواج وكل اللي يخطبني ترفضـه ...

عجزت اعرف السبب لكـن بالاخير اكتشفت انه امي متوهمـه وعايشه عل امـل كبير وضيعت مني فرص حلوة ممكن تنقذني
السبب انهآ تبي ولد خألتي لي .. وكآنت تقص علي طوول الفترهـ اللي طافت من عمري

انه يبيني وانه يب يخطب وحطتني بموقف محرج قدام خالتي وبنآتهآ حسيت نفسي انه مالي هيبة ...


المهم امس من بعد طول انتظار كلمتني وده تبي تخطبني وماعرفت شرد عليها

المهم عطيتهآ رقم الوالدهـ وتفآجـآت ان امي صرفتهآ من دون حتى ماتعرف عنها شي ...


وقالت لها اني مخطوووبـه ...

رحت وتجرآت وقلت لهآ بكل جـرأه انه لاتحط امال عل ولد خالتي اللي عمره مافكر يتزوج


واني كبرت وخلاص لي متى قاعده تضيع مني فررص

تفآجآت انه بـجـت مع تنه كلامي ماكان قاسي والله كلمتهآ بـهدوء ...


حيل تضـآيقـت ....

 

[هيبة فتاه]

الموضوع توه يطلع وااااي

 

[عن النسآ أفرق ~]

-







اهوا من حقج ..
بس يمكن اهيا ودها فيه و تبيلج الخير ،
بس لو مكلمتها ع اللي خطبتلج و شرحتيلها موفقج بهداوه
و قلتي انج مو مقتنعه مثلا ب ولد خالتج
و الوقت يمشي ..
كل اللي انكتبلج خيره ان شاءالله
يمكن بعد طول الوقت الله يعوضج يارب



و مادري شـ رد .. لانها امج
روحي قولي لها موقفج بهداوه
و اكيد ما تتمنى لج الا الخيررر
و شايفه اللي يصلحلج ..



مووفقه ياااارب و حطي ببالج خيره
والله يعوضج باللي يريحج و يسعدج يارب

​

 

[pure.pearl]

تقريبا نفس قصتج على اختلاف بسيط امي ترفض كل احد كل احد والمصيبه ما تشاورني
واذا تقدم واااحد فيه امراض ولا مجنون تستشير

مادري امهات الزمن كيف بضبط مقهوووووووورة موووت تراى وصلت السن الحرج


لا تضيعين عمرج على اوهااام
ياما الوالده عشنا معاها بوهم لانه شخصيتها جدا قويه بس على احساب عمرنا ظلم ظلم ظلم لدرجه اني بموت قهر

الله يسامحها

 

[شوارفسكيه حمره]

الله يرزقكم بعيال الحلال
لا تحاتون كل وحده الله كاتبلها نصيبها متى
ادعوا بكل صلاه وصدقوني بييكم نصيبكم

 

[عن النسآ أفرق ~]

-




^ ي هنيج .. لج الجنه ان شاءالله
في حديث عن الرسول عليه الصلاة و السلام
فيما معناه ان كل عذراء ما تزوجت لها جنه من غير حساب
يعني من الصوبين امج ما عصيتيها و جنه
و لج زوج بالجنه ان شاءالله كـ البدر
ترا الزواج مو كل شي
ترا حالج اللحين احسن من حال الف وحده ببيتها مع زوجها و عيالها
نفرض ان وافقتي على واحد من اللي تقدمولج
والله ما وفقج لا سمح الله .. شنو تفضلين ..
بتقولين يا ليتني ما وافقت و نفس الشي تقطين لومج على امج
اكيد امج تبيلج الخير
و ربكم ما حرمكم الا عشان يعوضكم باللي احسن
وحده عمرها قريب الـ 40 . . ما تذمرت ولا قطت لومها
تقدملها واحد ما كانت حتى تحلم فيه
هذا عشان صبرت و ما حطت اللوم على امها ولا اخوها
هذا نصيب و قدر و مكتوب ...
والله ما يعطيج الا الخير ان شاءالله ..
سبحانه استغفريه و حلي المشكله بهدووء
هذي امج اكيد تحبلج الخير و تبيلج اللي احسن منهم
و نفرض انها عنيده * السموحه
بس ترا كله خيره من الله لج ..
ادعي ( اللهم ان كان رزقي في السماء ف انزله .. و ان كان في الارض ف اخرجه .. و ان كان بعيدا ف قربه و ان كان قريبا ف يسره و ان كان قليلا ف كثره وان كان كثيرا ف باركلي فيه )
استغفري بيومج و ادعي ..
و ايقني ان الله ما ياخر امر الا لـ يكون خيره ان شاءالله

الله يوفقكم و يرزقكم بكل اللي تتمنونه .. و احسن يارب

​

 

[ناتشوو]

اذا الموقف مثل ماذكرتي
مافيه شي
بالعكس حتى لو ولد خالتج
زين
مااشجع الخوات ياخذون من بعض
لابد بتصير شغلات
وحزازات بينهم
ع شنو
خلك بعيد وسعيد
وكلن غالي عند الثاني
والله يرزقج بالزوج الصالح
اللهم امين

 

[هيبة فتاه]

ماقصرتواا

 

[قطوووة]

كلميها او خلي احد قريب ممنها يكلمها

يمكن في شي بعد ماتدرون عنه

 

[لمى الهاجري]

انتي قولي لها اوكي ولد خالتي واينه ليش ما خطبني شوفيها شترد

 

[مناير احمد]

الله يسهل امورك ويهدي والدتك

 

[Gifts&Occaions]

الله يعينج

 

[فوفو22]

من حقج الاستفسار بكل شي يخصك

فوفو

 

[You FOR Me Only]

مافي ام ماتحب الخير لعيالها ماتدرين اكيد لها سبب

ولو شنو يصير ترى تظل امج والزواج مو كل شي قعدي معاها وشوفي شتقول لج

 

[المرتاحة]

مادري شقول لج بس شكل الوالدة انصدمت وما توقعت ردت فعلج

حاولي تكلمينها مره ثانية بهدوء و تاخذين بخاطرها وفهميها ان عمرج قاعد يمشي والفرص تييج ليش نفرط في هالفرص




والله يوفقج ويرزقج ياااارب

 

[Patcholli]

قوليله انا مابي ولد خالتي حتى لو تقدملي برفضه فلاتضيعين الفرص والناس الي قاعدين ايونلي على واحد ماراح اوافق عليه وبس

 

[Um Tuki]

قويلها ولد خالتي مايبيني لو يبيني جان ياني من زمان لا تغصبوني عليه و لا تغصبونه علي و انتهى الموضوع
قوليلها ابي اشوفحياتي العمر يمضي و انا ليلحين بعينج صغيرة يا يمه

 

[IT shadow]

زواج الاقارب عقارب!
ونص الامهات يشوفون عيال اخوانها وخواتها ايننون
واخر شي من تحت لي تحت
البعض مو الكل !
وانتي مو مجبوره فيه يمكن اصلا اهو حاط عينه على بنت ثانيه
الله يوفقج ويكتبلج الخير والزوج الصالح

 

[اميره1980]

طبعا من حقج تسألين عن سبب الرفض
انتي بصراحة تبين ولد خالتج ؟؟ كلمي امج ان تجس نبض خالتج اللي تبيج حق ولدها و تقولها ان متقمدلج شخص وايد زين و تشوف رده فعلها
اذا خالتج قالت لا نبيها حق ولدنا اوكي الامور بتمشي لكن اذا قالت الله يوفقها خلاص روحي بطريجج و امج بتسمع و تشوف بعينها ان اختها ما تبيج لولدها
لازم تحطون حد حق هالسالفة قبل لا سنين عمرج تمشي

 

[3rosta]

ماتدرين ربي شكاتب لج ..

انتي بصلاتج ادعي ربي يرزقج الصالح