من جربت الرقص الشرقي لنقصان الوزن ..؟

[marwa2005]

اشلونكم بنات

اشرايكم في الرقص بشكل يومي انا اقصد الشرقي مع حركات رياضية لغرض تخفيف الوزن
تدرون زهقنا من الرجيمات ومشالله الجو بالخليج ما يساعد عالرياضة والاجهزة تملل والنوادي نروح يوم ويوم ........
فشرايكم نجرب الرقص ؟؟؟؟؟

يالله بنات شجعوني​

 

[نونيتا]

الرقص حلووو وخاصه حق البنات اللي يحبون الرقص مثلي


وانا اول وحده اشجعج وان شاءالله اكوون معاج بعد

وان شاءالله تضعفين بصحه وعافيه

 

[letayef_q8]

هاااااااي

انا بعد وحده كل يومي ارقص 10 اغاني 5 نهم شرقي شرقي وارقص رقص مو تمشي مثل اللي يسمونه هالايام ويضعف انا اسبوعين رقص كل يوم 10 اغاني نزلت 3كيلو بدوم لا رجيم ولا شي كنت اكل اللي ابيه واخربط انصحج فيه بس راقبي اكلج

 

[rzaan77]

اى والله صج الرقص الشرقي اول شي يطلعلج خصر ويضعف الجسم ويشده

 

[** شوق **]

وانا هم اشجعج الرقص يضعف امس رقصت بداري ساعة و عرقت مع ان الجو كان بارد .. و قريت بمقابلة د فوزية العوضي ان الرقص ايي بالمرتبة الثانية بالنسبة لتخسيس الوزن بس عاد فيدونا بأشرطتكم ابي اشتري شريط رقص شرقي غير اللي عندي عشان ما امبل و ترى هم النقازي يضعف او حتى عراقي اللي على طريقة مع كاسور مثل انكسرت الشيشة يهد الحيل و يضعف لوووووووول

 

[** شوق **]

صج عاد الرقص يشد الجسم ؟؟ انا اعرف ان يضعف بس مادري عن الشد

 

[دلــــوعــــة]

انا اول وحدة اثبت لك ان الرقص يضعف 100% بس يبي له استمرار كلللل يوم

والله نقصت 5كيلو وربي

كل يوم ارقص مصري وهركب الحنطور درقن درقن واتحنطر خخخ

 

[راماالسعوديه]

فعلا الرقص ينحف بس يبيله مداومه وخصوصا الشرقي

 

[برونزيه نعومه كتكوته]

الرقص يضعف و الدليل انا
مو راضيه امتن
طولي 155 وزني 50
ينقص وزني بس استحاله يزيد
على فكره انا اكل كل اللي خاطري فيه و دبل
<<< اكيله
عادي توصل ليه عيوش تالي الليل
بس ما امتن و السبب الرقص =)

 

[om deaj]

تشيشون ماشالله عليكم
انا كنت ارقص وانا بنت بس عقب الزواج استحي يادوب مرة كل جم اسبوع وحتى ماكمل الاغنية بس الصج انه وايد يساعد ويخلي الجسم مرن>>>مهمة هذي للمتزوجات

 

[حمامة الكويت]

بجرب اترقص شوي
شكرااااااااااااااااااااااااا

 

[زيـنـه]

عن نفسي ما جربته .. بس اعرف ناس جربوه و ما شاء الله اضعفوا مع الاستمراريه .. و الرقص الشرقي يبين الخصر و ينسق منطقة الخصر و البطن.

 

[أمونة الحلوة]

والله انا بعد سمعت انه الرقص الشرقي يضعف والدليل بالنوادي حصص رقص شرقي والله ودي بس وين مااعرف ارقص

 

[ناعمة]

اكو اشرطة تنباع ؟

 

[نونيتا]

اي في اشرطه وايد

تلقينهم بعد محلات الفيديو حفلات الراقصات

 

[sereen]

واااى عمرى انتى على الموووووضع افاااعليج الرقص الشرقى انا تبع الرقص الشرقى بصراحه كنت ارقص من جم سنه بس ماضعفت كثر الحين لانى ماكنت اراقب الاكل بس رجيم عدل سنع خبووووز مافى دهووون مافى خرابيط كاكاوات مافى والله الرقص يطيح الشحوووووووم عاد تدرين انا من 6 اشهر دخلت عندنا الجم فى امريكا انا ولا حاطين كلاس رقص والله واالله على اصووووووله ملاعين الخير دارسين الحركه اشلوووون ترفيعين طرف ريلج عشان الخصر يفتر وشى جنه رقص الفراااعنه والله يابنات اطلعوا فى امريكيات والله يرقصووووووووون ولا العرب بسبب انهم اصلا لاعبات باليه من صغرهم اتشوووفين الخصر برووحه يلعب والجسم لين يروح

انصح فيه انصح بالرقص والكيك بوكسينغ بعد ترى الحين الممثلات هابين فيه صارله فترة

 

[بطة رشيقة]

والله فكره بس هذا يبيلها وحده متفرغه تمام يعنى فشله اقعد ارقص جدام ريلى وولدى واستهبل .. وقاعده عن حمووولتى وصوت التدبدب على روسهم ههههه والاغانى فشله

 

[أحلى عيون]

والله انا عندي ماشاء الله عليها كانت ترقص وتسوي رجيم انزلت بالشهر 8 كيلووووو يعني بالشهرين انزلت اكثر من 13 كيلوااا

بس بصراحه اتركت الرقص واتركت الرجيم رجع وزنها

 

[ظبية الامارات]

ياما رقصنا ماشي فايده ...

 

[الحــــــلا كله]

انا مجربته شنوووووووووووو صار جسمي قبل العرس ولا بيونسي والله رقص شرقي خيااااااااااااااااال لا انا بعد كنت اتخبل على بن احرق سعرات حراريه وكنت ارقص عراقي ايام البرتقاله والله شي شي