من جذي ما نزل عندنا مطر !! مليت من كثر ما اسمعها شسالفه !

[المميزه84]

رد : من جذي ما نزل عندنا مطر !! مليت من كثر ما اسمعها شسالفه !

بصراحة مانزل المطر من غضب الله علينا

انا هذا ثاني اسبوع الحرارة تصير فيني وفي بنتي واختي اهي وعيالها وزوجها والخدامة حرارة وافلونزا وترجيع

وروي العدان شوفي الناس شلون طااايحه

الامراض والاوبئه قاعد تكثر والمطر ماااطق كل سنه يطق مطر صج متاخر بس موجذي الناس بتموت من الجو القذر

وانا اقول لو شفتوا بنات الكويت شنو سوو بالمسيره جان قلتوا باجر القيامه الي ترقص دقني والي مع رفيجها والي والي
ومن جذي الله بيعاقبنا لان الكويت سكت على اوربا بالفساد ولاتنسين احنا دولة مسلمة ولانقارن باوربا لان هذولاك الله يمتعهم بالدنيا وعذابهم بالاخره


والله فشلة كويت ومسلمين والفسااااد عيني عينك ولا ياليت من الشباب لا من البنات الي ماشفت بالخليج بنات رايحييين فيها مثل بعض بنات الكويت

 

[شمالية غربية]

رد : من جذي ما نزل عندنا مطر !! مليت من كثر ما اسمعها شسالفه !

ومن جانبه أكد استاذ الشريعة في كلية الشريعة الدكتور بسام الشطي انه من المعروف على مر القرون وجود علاقة وثيقة بين قلة هطول الامطار وغضب الله على الناس داعيا الى ضرورة العودة الى الله والتوبة اليه والاستغفار والالتزام بالعبادات من صلاة وصوم وزكاة وغيرها من العبادات حتى ينزل الله علينا الخير والمطر.
وذكر انه من المعروف ان الله رحيم بعباده لكنه في نفس الوقت شديد العقاب مشيرا الى انه من الملاحظ ان الله سبحانه وتعالى يحجب هطول الامطار علينا في الاوقات التي تكون الارض بحاجة اليها ومنها على سبيل المثال موسم الوسم الحالي ثم ينزل علينا الامطار في اوقات اخرى لانكون بحاجة اليها فيها لافتا الى ان هناك احاديث تدل على ان من علامات الساعة هطول المطر في غير موسمه انتهى


عن عبد الله بن عمر رضي الله عنهما قال: أقبل علينا رسول الله صلى الله عليه وسلم فقال:
ولم يَنْقصوا المكيال والميزان إلا أخذوا بالسنين وشدة المئونة وجور السلطان عليهم ، ولم يمنعوا زكاة أموالهم إلا منعوا القطر من السماء ، ولولا البهائم لم يمطروا

الرسول صلى الله عليه وسلم يقول ان حبس المطر بسبب منع الزكاة يعني بسبب المعاصي

 

[tmtmt]

يعطي العافيه شماليه
ماقصرتي

 

[بـــــــــدور]

بسم الله الرحمن الرحيم
اللهم صل على محمد وعلى ال محمد كما صليت على ابراهيم وعلى ال ابراهيم

قال الله تعالى في سورة المؤمنون ولو رحمناهم وكشفنا مابهم من ضر للجوا في طغيانهم يعمهون

اعتقد والله اعلم ان الله اعطى الكفار نعما وجنات النعيم في الدنيا لكي يجعلهم يطغون وينحرفون ويتخبطون في طغيانهم
لكن الله سبحانه وتعالى رحيم بالمسلمين ولطيف بهم فمن حب الله لعبادة انه يحذرهم وييذكرهم بانهم مقصرون حتى يرجعو لله ويسبحون ويستغفرون ومايبيهم يستمرون بالعصيان

واذا ماجانا مطر وماطلع الربيع اعتقد من تقصير المسلمين وتخبطهم مثل ظاهرة الايمو والبويات والجنس الثالث اللي منتشرة في البلاد المسلمة والفتن اللي ضهرت كلها اشياء ربي حرمها على المسلمين

وفيه حديث لرسول الله ياتي يوم القابض على دينه كالقابض على جمرة

اسال الله لي ولكم الثبات والهدايه لطريقه السوي المستقيم ويكفينا شر الفتن وحب الدنيا


اللهم اني اسالك رضاك والجنه

 

[برونزية الكويت]

والله العظيم جنج تقرين افكاري انا كنت اقول جذي استغفرلله نفس كلامج بالضبط كله يقولون غضب من الي نشوفه بس كاه الغرب استغفرلله ما ادري انا كنت اقول نفس كلامج

 

[tbola]

رد : من جذي ما نزل عندنا مطر !! مليت من كثر ما اسمعها شسالفه !

خوش موضوع

 

[tmtmt]

حياكم الله
وان شاءالله كلنا نستفيد

 

[love love]

لووووووووووووووووووووول


والله قبل امس قريت هالجمله من وحده بالمنتدى


وكان يوم كامل عندنا مطر بغزاره(بامريكا)

قلت شكووووو ماتمطر بالكويت يعني علشان المعاصي

خو اهني ابو المعاصي وكاهي تمطررررررر

 

[هنـــد]

اي والله صاجه

اتصدقين قبل اسبوعين بلبنان واغاني وتفصخ وتحضن ودعايات وسخه بكل مكان ومشاءالله طول قعدتنا اهناك المطر ينزل عليهم من الصبح لي الليل

تخيلي حتى وقت النوم ماقدر انام من صوت الاغاني بالفندق بالويكند لوووووووول

 

[kakawa.say7a]

رد: رد ع موضوعك يااختي tmtmt

برد ع موضوع الاخت

tmtmt
من كبار شخصيات كويتيات




اسفه حبيبتي لاتزعلي بس الحق حق والساكت عن الحق شيطان اخرس

انتي تقولين انقطاع المطر ماله علاقه بالذنوب

وردوا عليك يقولو ان الكويت ديرة خير انا معك الكويت ديرة خير وبركه
واهلها ينحطون ع الجرح يبرى
بس لالاسف لالاسف لالاسف

تغيرت حيــــــــــــــــل


شوفي لبس البنات >>كاسيات عاريات مائيلات مميلات << ابيكم كلكم تنتبهون للنقطه هذي اللي حيل متساهلين فيها متى البنات يستوعبوا ان اللي يحطوها فوق براسهم حرام وربي شكلها يخرع
انا وقسم بالله اخترع لمى اشوف حاطات اللي تحت الملفع اللي تخلي راسك كبير
خلاص بنات مامليتوا منها راسكم مايعوركم

والا اللبس الل يستر بس
ضيق ضيق ضيق
وحتى العبايه ليش لابسه عباية مدري
والعطر اللي تحطه لمى تروح للدوام
ويشمه الرجال شنو تعتبر بحكم الشرع اكيد انتوا عارفين مايحتاج
طيب حف الحواجب لاتقولولي مااحد يحف
والاغاني اللي ترقع بالسياره
وماتبون الشباب يتحرشوا والله مالومهم وربي

والمكياج والله حتى المستشفى مكياجها كانها رايحه عرس
والصوت العالي وربي وانا بنت انزعج منها وخاصه لمى ترفع صوتها ع الرجال
انا عشت بكويت وشفت وربي صايره ماارتاح فيها كلش
وهذي كلمة حق
تجيني الضيقه اول كنت كل مااضاق خلقي جيتها الحين ماابي اروح لها
من كثر السوالف اللي شفتها

كلش ولا سالفة مره الساعه 3 الفجر
وحده راكبه سياراتها ومشغلة الاغاني وحادينها شباب بسيارتين
وعادي مااكن في شي

هذا الشي الي بقلبي ولازم اوصله لكم

وعسى ربي يهدي البنات يارب يارب يارب

حبيبتي اذا مو عاجبتج الديره طلعي ليش قاعده يعني بصراحه :ssssso:
عيب تتكلمين عن عيوب الديره
وانا معاج تم تم :friends:
والله العالم ومشكوره عالموضوع:eh_s(1):

 

[بخـــارى]

رد : من جذي ما نزل عندنا مطر !! مليت من كثر ما اسمعها شسالفه !

يسلم تمك

 

[nora al]

رد : من جذي ما نزل عندنا مطر !! مليت من كثر ما اسمعها شسالفه !

وعليكم السلااام

لاا حبيبتي كلاامهم صح

لانه المطر رزق من الله واذاا منعه عنااا يعني فيه معاااصي

واكبر دليل قبل رااس السنه هالسنه كنت بالبر والصبح طق مطررر والجوو يهبل وشحلاااته قبل الساعه 12 بنص سااعه بس صاااار هوووى قوووووي حيييل وغبااااااار موو صج فردينااا طلعنااا ولاا بالشارع بناات وشباب يرقصووون واغانييي ومعااصي بالشااارع !!

والله سبحانه وتعالى قال :
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

يعني المطر رزق من الله والاستغفار يجلب المطر وفيه صلاة خااصه للدعاء بنزول المطر وهي صلاة الاستسقاء

وبعدين جوونااا قبل ماكان جذي اذكر قبل 8 سنين او اكثر امطااااار موو طبيعيه اللي كاانت تصير فيضااانات واذكرهااا عدل عدل كاانت تخرررع وكااان يطق برديي على طووووول بس صاارلناا جم سنه يمكن سنتين ثلاااث صاار المطر خفيف

حتى داايم عيسى رمضااان يقول المطر لي حدودنااا بس بالعراق والسعوديه ولي حدودناا ويووقف اكثروو من الاستغفاااار

اللهم انزل عليناا الغيث ..

 

[nora al]

رد : رد: من جذي ما نزل عندنا مطر !! مليت من كثر ما اسمعها شسالفه !

تصدقين توني افكر بهالجمله!
بس صج الكفار الله يملي لهم وتصير الدنيا جنة الكافر
اما بالنسبة لجونا اهي كلمة تنقال لي صار شي من باب التخويف والردع عن المعاصي
يقولون الله منع علينا قطر السماء من ذنب فلان للتخويف والردع
وصارت قصه في عهد سيدنا موسى عندما منع قطر السماء لسنوات عديده وخرج الناس يستسقون
فأوحى الله الى موسى ان المطر منع من معاصي فلان يحارب ربه بمعاصيه
فلمن طلب منه يخرج دعا الله ان يستر عليه فستر عليه وانزل المطر
وقال تعالى لموسى منعتكم لفلان وسقيتكم لنفس الشخص
يعني عندنا قصص متوارثه ان الذنوب تمنع قطر السماء
فمن باب التكرار والتخويف قاموا الناس يقولون الله منع المطر من المعاصي وجذي..

اتمنى اكون وضحتلج الفكره لاني تكلمت بعاميه اكثر

كنت بكتبلج هالقصه بعد بس اشتيااق قالتهاا عني

عرفتي شقصد الحييين ؟؟؟

كلاام الناااس صح ولووو تردين بالزمن راااح تشووفين جووناا موو جذي اناا اذكر بااايام الثاانوي مطر خياااال وبردي وكااان الجووو برررررررررررد والشتاا شتااا من قلب بس هالسنه شفتوو شتااا ؟؟؟ شفتوو مطر ؟؟ طق مرتين وقطراات خفيفه حيييل وحده اول الشتااا الصبح ومره قبل يومين وهم شوي الصبح


فكلنااا خووات وديرتنااا ونحبهااا بس خل نكثر استغفااااار عشااان الله يرزقنااا

وسووري قرقت وااايد بس حبيت اووضحلج الفكره واتمنى انهاا وصلت

 

[tmtmt]

حياكم الله نورتوا الموضوع ...

بالعكس نوره ماقرقتي كتبت الموضوع عشان نتتاقش فيه

 

[الجفول&]

رد : من جذي ما نزل عندنا مطر !! مليت من كثر ما اسمعها شسالفه !

الناس الي تظن انه غضب من رب العالمين ماينلامون لان فعلا بالارصاد الجويه يقولون ان شاء الله هاليومين مطر ويمرون اليومين ومافي مطر او ان الامطار تسقط على السعوديه والعراق وتكون فرصتها كبيره تنزلن علينا بس سبحان الله ماتنزل منيه يعلقون ان هذا من غضب رب العالمين... امي دايما تعلق اذا جابو هالطاري تقول شلون تنزل علينا الامطار ربنا شيشوف يشوف قطع الرحم يشوف الاخ مايحاجي اخوه يشوف المعاصي كثرت ,,