من جبت بنتي زوجي تغير

[كبرياء اميرة]

قوة

من جبت بنتي وزوجي تغير ماالومه الصراحه احس مقصرة معه بنتي اشغلتني

اذا رحنا بنام بس تبجي واخذها ونطلع للغرفة الثانية وزوجي ينام بروحه:eh_s(2):كان متعود ماينام والاانا بحظنه الحين لي شهرين وهاذي حالتنا واذا جيت بنام عطاني ظهره يقول تعودت انام جذي :eh_s(16):شلون ارده نفس قبل وشلون اعدل نومة بنتي عمرها 4شهور

 

[جوري 2007]

حركة يعطيج ظهرة هذي قويه اشكره بيوصلج مسج انه مو عاجبه الوضع وانج هاملته وهو ماتعود على جذي

لحقي على ريلج قبل لايطير منج

نظمي نومة البنت 4 شهور سن كافي انج تنومينها قبل نومتكم بساعه وتحطينها بسريرها وتلزقين بريلج

 

[كويتية بروما]

الله يهديه لج

 

[Laidy n3ooma]

اب

اب

 

[ام زهقانه]

تكبر باجر بنت وان شاء الله يتعدل ادعي ربك

 

[iLLuMinaTion]

حبيبتي هذي فتره مؤقته

 

[shelatah]

الله يهديه لج

 

[Miss Chanel]

كلمـــيه حبيتي وفهميــــــه
واذا بنتج مزعجه وماتنام اقلبي سبوحها يعني خليه قبل لاتنام ولاتقولين اخاف تمرض اسم الله عليها
دفيها اهـــــــــــم شي وماعليها شر انشالله ....
وخلاص عدلي نومت بنتج والبيبي اذا صار عمــــري 6 شهور نومه يتعدل وانتي وشطارتج شلون
تظبطين لها وقت لنومتها وقعدتها

 

[فلافل وبطاط]

يابعد قلبي حااسه فيج
غلط واكبر غلط امي دايم اتحذرني لا تاخذين
الياهل بغرفه وريلج بغرفه
خليه يتحمل بجيها ويشاركج المسئوليه
نوموها واذا ما يحب انتي لازم اتعدلين نومتها

انا مريت بهالمشكله بس الحمدلله عدت على خير
كان يهدنا ويطلع ومايرد لين تنام
قمت انا ادق عليه واقوله شكلها ماراح تنام لين تيي
تقرا عليها واتحطها بحضنك
وفعلاً اسمله عليها بتكمل سنه اذا ابوها موجود
تبيه يقرا سورة الفاتحه لين تنام

والله يهديه لج يارب
وتتعدل نومة بنتج عسا ربي يخليها

 

[flower quen]

يو الله يعينك هالفتره
حيل صعبه
اذا زوجك له وقت محدد ينام فيه
نوميها قبله
واذا ماله وقت معين اذا شفتيه بينام
خوذي بنتك وحطيها بينكم
قولي ابيها تنام بينا خليه يحس انه حتى هو له مسؤوليه
بس لاتصير عاده لك انها تنام بينكم

 

[ماني من الناس]

يعني بعد هو مفروض يراعي انه وقتج صار مو مثل قبل

وان فيه شخص ثاني يتطلب اهتمامج ومراقبتج ووقتج


هذي الدنيا

 

[أم توتو]

الله يعينج صراحه اليهال دايما جذيه بس احسن حل انج تسهرينها ماتخلينها تنام بالنهار وايد والله يسخره لج

 

[Mini-wife]

حبيبتي هذي مو مشكله
شغله طبيعيه كل وحده بجر مرت فيها
يبيلكم شوية وقت وتتعودون عالوضع اليديد
حاسه فيج كني انتي وريلج بروحكم ونومتكم وحده ولازقين ببعض واللحين كل واحد بزاوية لفراش
دوام الحال من المحال
بنتج الله يخليها لكم تمت 4 شهور والياهل بهالفتره تقدرين تتحكمين بنومته وتعودينها على حزة نوم معينه
ويبيلها وقت مو تقولين حاولت اعدل نومها ومايتعدل
ماكو شي بيوم وليله يسير
وانا مع الاخت اللي قالت لاتطلعين للغرفه الثانيه اذا بتج قعدت خلي ريلج يساعدج واذا ماساعدج خليه يتعود على هالشي

وبعدين اذا ريلج يعطيج ظهره ويقولج تعودت انام جذيه انتي لزقي فيه
مماكو احلى من هالوضعيه انج تكونين وراه ولامته وايدينج على بطنه
هالحركه تعودنا عليها انا وريلي لان لما اكون حامل يخاف يتحرك ريلي واهوا نايم ويكفخ بطني بالغلط
صدقيني كل زوجه تعرف شلون ترضي نفسها وزوجها
واسفه قرقت واايد
تقبلي مروري

 

[ساإرهـ]

الله يهديه لك

 

[نفهمها صح]

الله يهديه
طفله شي طبيعي بتجلس وبعد 6 شهور اوو 3 بيتعدل نوومها
الرجاجييل ابد ميعذروون

 

[دلــــــــــع!]

مثل ما قالوا البناات
عدلي نوم بنتج وافضي لزوجج

 

[KOKO_284I]

كلنا اول شي انعاني جذيه حبوبه

كلميه وفهميه انج مقصره شوي بسوهذي فتره واتعدي وهذا مو الوضع الدايم واذا عطاج ظهره لميه من ظهره وقوليه اما انا ما تعودت ومشتاقتلك وايد الريال داخله ياهل اصغر من اللي قاعده تهتمين فيها الحين

لا اتحاتين حبوبه هذا وضع مؤقت

 

[نونو جين]

لاتطلعين من الغرفه ولاتحنين يننتني وشفيها وليش ماتنام لاااا
قولي واحلاته سلم قلبهم يبون يلعبون مافيهم نوم
لعبها فلان عشان تتعب واطخ تنام الله يحفظها شوفها تحبك
يسلم قلب الحلوين يختي تهبل مثل ابوها عذاب عذاب
ترا يغاروون
وعادي عندنا وعندج خير بس الله يعينا عليهم هههههه

 

[نونو جين]

انا مو معا اللي تقول فهميه انج مقصره
بالعكس احنا نتعب ومجهودنا دبل اهوه والعيال
ولازم يساعد عشان يخف الحمل

 

[كبرياء اميرة]

مشكورين خواتي على ردودكم قبل جم يوم حاولت اعدل نومتها معنا مااخذت نص ساعه الا تبجي وعصب زوجي حرام الساعه 6لازم يقعد وطلعت انا وبنتي ومانامت الا الساعه 7الصبح