من تعاني مثلي من هالمرض ...ارجو المساعده

[sh000]

الله يشفيكي ويفرج همك يارب عااااااااااجل غير اجل

وحسبي الله على كل خاين و ظالم

 

[Sa7aBa]

حبيبتي الله يشفيج ويكون بعونج ويهدي زوجج للصلاح
هذا درس له وما اتوقع انه راح يسامح نفسه لو صارفيكم شي - الله يحفظكم -
اهم شي انه ان شا الله تاب وعسي ربي يتقبل توبته ويثبته ويستر عليه
وانتي الله يعينج من كل شر
اهم شي التزمي بالعلاج وبالادوية وعليج بالدعا والتوكل عالرحمن الرحيم سبحانه
لا تفكرين الحين بش اللي صار خلاص صار حاولي تنسين او تناسي عشان نفسج
كل ماذكرتي هالخيانات استغفري ربج عليح بالاستغفار
واهتمي بصحتج وباللي في بطنج الله يسهل عليج
وان شا الله لا طلع بالسلامة وشفتيه بتنسين كلشي
خلي اهتمامج بالنعمة اللي باحشايج واللي بيكون بين ايدج ان شا الله
وبتغير حياتكم للافضل بوجود هالنونو
اللي يسخره لج ويهديه
ويهون عليج كل مصاب

في دكتورة نسا وولاده ممتازه وشاااطرة اسمها د. فوزية القطان وهذا رقم عيادتها 25665408
وطمنينا عليج
بحفظ الرحمن

 

[اميره1980]

حسبي الله و نعم الوكيل
هذا ما يخاف من ربه يعني الحين علاقاته و خرابيطه ضرتج لدرجه ان ممكن يصير فيج الخبيث منه
ما ابي اشيشج ما ادري شقول بس هالنوعه ما ينقعد عندها الله فوقه حسبي الله و نعم الوكيل

 

[حلوةودلوعة زوجي]

الله يشافيج ويبعد عنج كل مكروه ويقومج بالسلامة
طمنينا عليج يالغالية

 

[aljori]

الله يجزاكم خير
للرفع

 

[حبة جالكسي]

اللة يشفييييييييييييييييييج

 

[نفـــائس]

ربي يشافيج ويقومج بالسلامه

 

[اميره بكلمتي]

الله يشافييج يااارب

 

[سمراءوافتخر]

السلام عليكم الله يشافيج شفاء تاما عاجلا غير اجل يا رب يا كريم وتولدين بالسلامه الذرية الصالحة المعافاه الغلا عورتي قلبي طمنينا عليج الغلا

 

[د. فاطمة]

إنا لله وإنا اليه راجعون
الله يعينج ويهدي زوجج يارب
ويشافيج

 

[ام كداوي]

الله يشفيك يارب المهم انا سويت بحت عن موضوع التاليل التناسلية ماينفع معاهم غير الكي بس ترا النضافة هم تقلل منهم يعني حاولي انك تغسلين بالصابون كدا مرة باليوم ونشفي المنطقة عدل لان الرطوبه بتساعد في تكاتر الفايروس وحطي على المنطقة بودر جونسون طبعا هدا ادا كانو برة موداخل واخر نتاثج البحث تقول انو تدليك التالولة كل يوم مدة ربع ساعة تخليها تختفي انشالله اكون افدتك والله يشفي الجميع

 

[bride2011]

الله يشافيج شي يعور القلب الوحده تتزوج تبي الستر وتتبهذل
الله يعافيج ماعندي فكره عن هالمرض
وبالنسبه لريلج يتوب او لا الله اعلم ادعي له بالهدايه
ووديه معاج لكل مراجعات الطبيب وخليه الطبيب يفهمه انتقال المرض والعدوى

 

[زهرة التولاي]

الله يقومج بالسلامه يارب وتشوفين البيبي بحضنج يارب أول شي لا تخافين كثري الاستغار والادعيه
المرض هذا اسمه الهربس في هربس تناسلي وفي هربس الي يطلع بالشفايف والوجه

المهم التناسلي يجيلج من نقص المناعه لانج حامل ومناعتج ضعيف لقطتي المرض المهم الله يعينج علاجه شوي يطول ويبيله صبر وخلي ايمانج بالله قوي لانه سبحانه ماراح يخليج ترا يتعالج لا تخافين بس مايروح منج الفايرس يسير بدمج عادي لو ناخذ عينه من دم كل وحده بتلقين موجود بس عليج بالصبر له مضادات ومسكنات تساعدج عالمرض ترا هو من العجنجز لازم المنطقه ناشفه عشان يطيب وابعدي عن الجماع ولاتخافين ماراح يعديج مره ثانيه العدوه فيج بس ديري بالج من زوجج اذا وخر عن هالسوالف اتركيه لانه ممكن يعديج بامراض اقوى من هالمرض الله يهديه ادعيله

على الولاده راح يولدونج قيصري وعشان البيبي مايحمل المرض وينولد بحاله صحيه زينه
اذا انتي بالكويت روحي حق مستشفى المواساة حق الدكتورة رائده الفضلي راح تساعدج بالمرض روحي لها وادعيلي
بس الي ابيه منج خليج خويه وتشافي من هالمرض لان ممكن مايرد لج مره ثانيه بس انتي حاسه انج منبذه وخايفه لانج تعبانه منه لا تخافين وترا يروح وتردين لحياتج الطبيعيه والله يوفقج ويرزقج بالذريه الصالحه اذا تبين اي سؤال كلميني خاص وخلي ملابسج الداخليه قطن

 

[زهرة التولاي]

وبعدين شكو الكي بالموضوع هذا لازم له مضاد للمرض مع مراهم عشان تطيبين منه

 

[NOoOf 305]

ما دام تدرين ان عنده خرابيط شكو تردين له
حسبالج الحين راح يترك لا ما راح يترك و راح يظل جذي
شوفيلج احسا دكتورة نسائية و تعالجي و الاحسن تتركينه ادري عندكم بيبي جاي بالطريق بس شنو يظمن لج ما راح يصير شي ثاني
هالمرة الفايروس و يمكن يسبب سرطتن لا قدر الله المرة الجاية ايدز انتبهي و لمصلحتك تطلقي و اتركي حاولي تنسينا و افتكي منه
و الله بيعوضج بالي احسن منه ان شاء الله
ان شاء الله تولدين بالسلامة و البيبي يطلع معافا سليم الله يشافيج كثري استغفار

 

[Kensington]

العلاج:
يوجد أكثر من طريقة للعلاج، يعتمد اختيار الطريقة المناسبة تبعا لعدة عوامل منها حدة المرض و مكان ظهور الثآليل.

و يجب التأكيد على علاج الزوج و الزوجة معا و ليس أحدهم فقط.

• العلاج الدوائي:
  و هو عبارة عن أنواع من الكريمات و المحاليل الموضعية مثل Imiquimod Cream, 0.5% Podofilox Solution.
• العلاج الجراحي:
  يسبب فيروس ال HPV إصابة مؤقتة يتخلص منها الجسم نفسه تلقائيا خلل فترة تتراوح بين شهور حتى سنتان تقريبا. و بالرغم من ذلك يجب استئصال الثآليل لأنه لا يمكن التوقع إذا كان سيزداد حجمه أو سيختفي بعد ذلك. و هناك عدة طرق لاستئصال الثآليل:
  • التجميد Cryosurgery عن طريق سائل النيتروجين.
  • الكي الكهربي Electrocauterization.
  • الليزر Laser therapy.
  و تستخدم الطرق السابقة إذا كان حجم الثآليل صغير. أما إذا كان حجم الثآليل كبير فيتم استئصاله جراحيا.
  
• بعد العلاج:
  بعد استئصال الثآليل قد يستمر وجود الفيروس HPV في المريض لفترة كما سبق أن ذكرنا. و في بعض الحالات قد يؤدى إلى الإصابة بالثآليل مرة أخرى، لذلك يجب المتابعة المستمرة مع الطبيب حتى إذا بدى للمريض اختفاء الثآليل نهائيا.
  
  و إذا تكررت الإصابة مرة أخرى بالثآليل بعد العلاج الجراحي يلجأ بعض الأطباء إلى حقن الثآليل بمضاد فيروسي Antiviral حتى تختفي الثآليل. لكن هذا العلاج تكلفته عالية و لا يقلل من احتمال تكرار الثآليل مرة أخرى.
  
  و يجب التنبيه على السيدات المصابة إن عليها المتابعة حتى بعد العلاج عن طريق إجراء مسحة من عنق الرحم Pap Smear كل 6 شهور على الأقل، و كل 3 شهور إذا كانت الإصابة السابقة في عنق الرحم

 

[اخت الدكتور]

لاحول ولاقوة الا بالله روحي عيادة بوحمره والله يشفيك

 

[غدووور الكويت]

الله يشافيج ويفرج همج ويصلح زوجج

 

[aljori]

تخيلو اليوم زوجي يقولي انا نمت معاج بعد ماطلع فيج الفايرس ع اساس يبي يطمن انه مافيه شي !!
يعني يتهمني انا اللي ناقله له المرض!!
قلت له تشكك بطهارتي وعفتي وانا محد لمسني غيرك !!
قال اناما اتهمتج بشرفج !! قصده ان المرض جايني من المراحيض !!
يعني الحين رفيجاته المغربيات هم الطاهرات وانا يا زوجته قذره!!
دبروني والله كرهت نفسي !!
انا موكله امري ااه تعالى بس تعبت نفسيا احس نفسي منبوووووذه يا ناس والله
ادعوووولي

 

[أم ريــــما 22]

شوفي حبيبتي يشهد الله اني ابقولج الصج واللي صار فيني نفس حالتج بالظبط السنه اللي طافت حملت وباالشهر الثالث تقريبا بدت اشياء غريبه تطلع ع المنطقه من تحت وهي اثاليل مرت الشهور وانا ع بالي انها اشياء يتني من الموس او ماشابه بس بعدين بدت تكثر وزوجي قام يخاف ع نفسه قالي بنقولللدكتوره اللي نراجع عندها وانا اقول بتروح ليم ماوصلت الشهرال6 قامت تعورني وقلت للدكتوره يوم شافتها تروعت وخرعتني معاها حسبي الله عليها وسوت تحاليل ع طول وقالت تطلع عقب اسبوع المهم دقت علي وقالت ان الموضوع خطير ولازم اجي باسرع وقت رحت انا وزوجي طوالي قالت ان المرض اللي فيني اهو الــــــــــــــزهـــــــــــري السيلان
أأأخ يابنات والله العظيم انصدمت صدمت عمري حسبي الله عليها ونعم الوكيل طلعنا انا وريلي نشيل تقاريري لافه الدنيا فيني وماادري وين اروح رحنا لشقتنا قمت اناقز من فوق الدرج ابي اسقط البيبي كنت ابي اسقطه باي طريقه الله يغفرلي زوجي خاف ع عمره لانه انسان ملتزم ولله الحمد وسفراته قليله
سافرنا ع طول للرياض لاننا بديره ثانيه ورحت لأكبر مستشفى وسوينا انا وياه التحاليل مره ثانيه وطلعت النتايج سليمه بريلي اول شي بعدين طلعت نتايجي انا واللي كان فيها كان الـــــــــــــــــــــــــــــــــــــــــفايــــــــــــــــــــــــــــــروس اللي عندج اللحين وسويت قيصري وجبت احلى بنيه ولله الحمد ريما وعمرها اللحين 6 اشهر وشويه ادعيلي ربي يحفظها هي وابوها لأني ماشكيته والدكتوره قالتلي الفيرو جاي لج من ضعف المناعه اثنا الحمل وماله علاج وانتي حامل وع فكره سويت عمليتي القيصريه انا وحده ثانيه نفس حالتي بالظبط وضايعه بالطوشه ماتدري وش السبب
نسيت اقولج اني وانا حامل عالجوني وكووها بالنار ليما راحت والحمدلله بس الفايروس يبقى والعلاج فقط اهو المسحه كل 6 اشهر لعنق الرحم الله يشافيني انا وياج وجميع المرضى ممكن اراسلج ع الخاص اذا ماعندج مانع