.... [ من تجرأ من قطف هالياسمين ] ....

[Zozαĺiиaђ]

enshalah ely y9a7i7 emti7anich ma y6ali3 el a56aa2 o y76hum kiluhm 9a7 loool
or ykon el tashyeer 9a7 <<< elyom emshayra 6 as2ila bil emti7an loool

waiting ..
O na3eeman ;**

 

[cute princess]

ناطرينج حياتي

اوكي :$

نعيما مقدما و هالله هالله بالبارت السنع

الله ينعم عليج :$ لول
كا البارت شوي ويخلص :$

اوك قلبي ناطرييينج !! بس لاتاخذين راحتج وااايد لان ناطريين لووول

ما خذيت راحتي وايد حرام عليكم :$ ما بقى شي ويخلص البارت :$

عيل نااطرينج حيااتي =)

اوكي :$

اخذي راحتج ..

شوي واخلص :$

قوه حبيبتي كيوته شلونج موفقه بدراستج حبي انا كنت متابعه بصمت واهنيج على هالمخ العجيب وناطرينج قلبو

اهلييين .. تسلمين حبيبتي :*
مشكوره ونستيني والله :* لا تقاطعين عاد :$

كلش ولا كيوت ضغطوها ضغاط ماتسوى عليج البدليه

وبصراحه صج قوووويه مسكينه الخدامه تلحق على منو ولا منو هههههههههههههههه

ودي اقولج ناطرتج بس قاعده اكتب بارت قصتي في شقللل واااااااجد

لوووووووول اي حده ... اوريهم شغل الله بعدين !! :23_asmilies-com:
يونيك وريريز :23_asmilies-com: متحلفه فيهم :23_asmilies-com: لول

 

[cute princess]

enshalah ely y9a7i7 emti7anich ma y6ali3 el a56aa2 o y76hum kiluhm 9a7 loool
or ykon el tashyeer 9a7 <<< elyom emshayra 6 as2ila bil emti7an loool

waiting ..
O na3eeman ;**

عالاقل مشيره 6 مو 40 سؤال !! لوووووووول
الله يعمي عيون الي قاعدين يصلحون :$ دعيت واهوه قاعد ياذن :$

 

[فيلجـ كول ـاويه]

لوووول حبيبتي انتي كيووووتيتي اتغشمر موتزعلين فديتج :$

 

[UNiQe^PRiNceSs]

ناطريييييييييييييييييييييييييين

:sfg:​

 

[sky tears]

waitting sweetie

 

[GaLBi 5aFaG]

ابداااااع كيووته والله :*

توني مخلصة الباراتات كلها
وناطره بارتج حبيبتي :$

 

[شيخهـ ..~!]

betty b00pa is waiting
^_^

 

[cute princess]

يا جماعه باقي صفحتين من البارت منو يتبرع ويكتبهم ؟؟

 

[شيخهـ ..~!]

انا اكتبه :d انتي بس عطيني اياه

<< تقراه بتي بوبا وترد تكمل دراستها وتسحب عالبنات

 

[أروسا]

انا متبرعه :ceaf32e183:

والصفحتين بس فيهم بدر و أروسا :eh_s(22):

احسن من هالنور الملقوفه .... مو !!!! :23_asmilies-com:

 

[فيلجـ كول ـاويه]

لاتكفين كيوت انتي كتبييه بلييييييييز لان اذا عطيتيه أ؛د تعرفين شبيسوون ^^^^ لووول ناطرين

 

[UNiQe^PRiNceSs]

المنتدى كاارثه عند كيووت ما يبطل
سو تفضلو البااارت :sfg:​

بنات ... في بنات قالو انه الاحداث تمشي بطيئه ... بس بذكركم انتو قلتو ما نبيها تخلص بسرعه !! :× غير الي طالبو اني ادخل بدر بالموضوع ! :× يعني رحمو مخي شوي :$

صار الليل ... وردت ياسمين البيت وعمر ماكان موجود ... ورد بليل متاخر حيل حط راسه ونام بدون ما يكلمها ....

اليوم الي عقبه ....
عند بدر ...

خلود : نلوح عند ماما اليوم ؟
بدر : اي الحين نروح
خلود : مانلوح بحر ؟
بدر : خلود شلون نلوح وبحر تقولها عادي ؟ لا ماكو بحر اليوم
خلود ضحك وطالع بدر ...
بدر : شيطان شيطان ... يلا امش

بدر شال خلود وناده الخدامه وراحو بيت ام ياسمين ...
عند بيت ام ياسمين ...
وصل بدر ولقى ام ياسمين توها راده البيت

ام ياسمين : هااا وصل الحلو.... هلا هلا هلا
بدر : مشكوره عمتي ماله داعي الاحراج
ام ياسمين : ههههه ما تيوز من سوالفك ... شلونك يما بدر ؟
بدر : بخير الله يسلمج.. شلونج انتي شلون عمي ؟
ام ياسمين : كلنا بخير ... حياك داخل
بدر : لا ماله داعي
ام ياسمين : تعال بس اقعد شوي اشرب معاي جاي قاعده بروحي متملله
بدر : يلا ماشي

دش بدر مع ام ياسمين .. قالت حق الخدامه تسويلهم جاي وقعدت تسولف معاه
حطت خلود بحضنها وقعدت تسولف معاه ...

ام ياسمين : ها حبيبي استانست مع بابا ؟
خلود : اي
ام ياسمين : وين رحتو ؟؟؟
خلود ماسك السلسله الي اهيه ماسكتها وقاعد يلعب فيه ...
ام ياسمين : قولي وين رحتوووو
بدر : خلود رد على ماما عوده قولها وين رحنا ؟
خلود : وين ؟
بدر : رحنا البحر ... صح ؟
خلود : ايي شفنا سمج واااايد ... السمجه تمشي جذي ( حط ايده على بعض ويحركها يمين يسار)
ام ياسمين : وين موديه الي شايف السمج ؟
بدر : موديه البحر عمتي ماكو سمج جذاب هههه
ام ياسمين : من وين ياب هالحركه اسمالله عليه ؟
بدر : هههه مادري يمكن امه
ام ياسمين : لا مو امه
بدر : تلفزيون عيل ... ما وديته مكان انا .. بس يومين ورا بعض البحر ومستانس كان يبي يروح اليوم ...
ام ياسمين : طالع على ابوه يحب البحر
بدر : اي يمكن ... يلا عيل عمتي انا امشي
ام ياسمين : بدر اذا تحاتي ياسمين ترا ماراح توصل الحين تو الناس
بدر : ميخالف ... انا عندي شوية شغل بعد ...
ام ياسمين : على راحتك يما
بدر : مع السلامه

راح بدر باس راس ام ياسمين ... وباس خلود وراح...

عند ياسمين ..
قامت ياسمين من النوم مالقت عمر ... دقت عليه ما رد ..
توها بتقوم من الفراش جان يوصلها مسج وكان من عمر
" انا عند امي وبتغدا اهناك .. اشوفج بليل "
ياسمين ردت عليه " والغدا ماراح يخلص الا بليل ؟! سلم عليهم "
قامت ياسمين بدلت وراحت بيت امها ... دشت ولقت خلود قاعد يلعب

ياسمين : هلا حبيبي هلا خلودي
خلود قام وراحلها وياسمين لمته حيل ...
ياسمين : شلون ايدك حبيبي ؟ تعورك ؟
خلود : لا
ياسمين : يما ما سالتي بدر عن ايده ؟
ام ياسمين : سالته قال عادي كان كل شوي يبجي لانه مضايقته بس عادي مو متعور يعني
ياسمين : زين اشوه
ام ياسمين : بتاخذينه وتروحون الحين ؟
ياسمين : لا عمر بيتغدا عند امه ماعندي شي اسويه بالبيت
ام ياسمين : وليش ما تتغدين معاهم ؟ فشله من زمان ما رحتيلهم
ياسمين : يما اهوه عمر مادري اشفيه ... من طاحت امه واهوه صاير 24 ساعه اهناك ومايرد البيت الا اخر الليل .. .
ام ياسمين : بدينا تحلطم وتطلعين عيوب بالريال ؟
ياسمين : يما شدعوه !!
ام ياسمين : بس بس ! الريال كامل والكامل الله .. شزينه جمال ومال وسنع وذرابه !
ياسمين : وهذا الي هامج ؟
ام ياسمين : انتي الظاهر قعدة البيت ماثره على مخج وبليس يلعب براسج وايد
ياسمين : اي يمكن ... خلاص اكلمه اليوم اقوله بشتغل
ام ياسمين : على راحتج .. وهالنتفه هذا يقعد عند منو
ياسمين : مادري يمكن اييبه عندج اذا توظفت عاد ... اوراقي كلهم عندج صح ؟
ام ياسمين : اي .. تبينهم ؟
ياسمين : لا خليهم بس اشوف متى ابي اروح اقدم واشوف شنو الاوراق الي يبونها وبعدين اقولج ...
ام ياسمين : خلاص الله يوفقج..


ردت ياسمين البيت العصر ... لقت سيارة عمر بره وراحت بسرعه تركض فوق قبل الخدامه وخلود ...
دشت الغرفه لقت عمر نايم ... راحت قعدت يمه....

ياسمين : عمر ... عمووور
عمر : هاا .. جم الساعه ؟
ياسمين : توها 5
عمر : وييه وايد نمت اشوه قعدتيني
ياسمين : بتطلع ؟
عمر : لا ...
ياسمين : انزين يلا غسل وتعال ابي اكلمك شوي
عمر : شصاير بعد ؟
ياسمين : مو صاير شي بس بروح اقدم على وظيفه ...
عمر : ليش ؟!
ياسمين : شنو ليش ؟
عمر : انا مقصر معاج بالفلوس ؟
ياسمين : لا مو قصدي بس مابي اقعد بالبيت واجازتك بتخلص عقب اسبوعين... بقعد بالبيت بروحي وملل
عمر : مو بروحج عندج خلود
ياسمين : ولي متى بجابل خلود ؟؟ طول اليوم ؟ ابي اشتاقله ابي الهي نفسي شوي
عمر : ماكو وظيفه.. فكينا من هالسالفه
ياسمين : ليش ؟
عمر : بدون ليش .. لا يعني لا ولا تعاندين ...
ياسمين : بس عمر ...
قام عمر بسرعه وراح يتسبح...
ولما طلع خذا سويج سيارته وطلع ..

ياسمين بقلبها " افففففففف مادري شصاير فيه "

قعدت ياسمين طول الاسبوع تحاول تقنع عمر كل ما شافته ولو انها ماكانت تشوفه باليوم الا ساعه او ساعتين ...

صار ويك اند وراح بدر بيت ام ياسمين عشان ياخذ خلود ...
ام ياسمين كانت قاعده بالحديقه مع خلود والخدامه ...
بدر : السلام عليكم
ام ياسمين : تعال تعال اخذ ولدك
بدر : اوله عمتي لي هالدرجه تبين الفكه منه ...
ام ياسمين : اذاني ولدك .. لا سلام ولا شي .. اخذه وروحو
بدر : ليش عمتي ليش ... شمسويلج ؟
ام ياسمين : قاعد يحن صارله اسبوع ماذيني وماذي امه ... ابي بحل وابي بحل
بدر : ههههههه خلود تبي بحر بابا ؟
خلود : ايي
بدر : يلا امش
ام ياسمين : اي وده فكوني... فتحت علينا باب كان مسكر ... مادري من وين يتبلنا سالفة البحر هذي بعد !!
بدر : هههه بتولهين عليه بهالثلاث ايام
ام ياسمين : هههه اي والله ازعاجه يبين
بدر : يلا تامرين على شي عمتي ؟
ام ياسمين : لا سلامتك وده البحر بس عفيه
بدر : انشالله ... يالله مع السلامه
ام ياسمين : حافظك الله..


راحو بدر وخلود ومعاهم الخدامه البحر ونزلو ...
كان الموج ياي والجو حده حلو ... خلود اول مانزلو عالرمل قام يركض عند الموج !!!!!
الخدامه راحت وراه بسرعه ومسكت ايده ومشت معاه تلعبه بالماي شوي ...
بدر يطالع خلود مستانس ويضحك عليه ...
التفت لقى نور قاعده تربط جوتيها ... راح وراها ....

بدر : ابي مره ايي اهني وما القاج
نور : (شهقت) خرعتني
بدر : اسف مو قصدي
نور : لا عادي شدعوه ... وين خلود ؟
بدر : اهناك مع خدامته ... اسميها صدفه ولا شنو ؟
نور : ههه لا انا اهني كل يوم هالحزه امشي ... المشي اهني احلى من الممشى .. والهوا احلى
بدر : رطوبه ساعات وين الهوا احلى
نور : ههه هم ريحة البحر حلوه حتى لو رطوبه.... خل اروح اعض خلود
بدر : شبتسوين فيه ؟
نور : اعضه وارد

راحت نور صوب خلود وشالته وباسته وقعدت تحاجيه شوي وتضحك معاه وردت المكان الي كان واقف عنده بدر ...
نور : تيي تتمشى معاي بدال قعدتك اهني ؟
بدر : وخلود ؟
نور : معاه خدامته وجدامنا ماراح يصير فيه شي لا تحاتي
بدر : اممم يلا عيل مشينا ..

يتبع...
​

 

[فيلجـ كول ـاويه]

حسافه مااقدر اقره البارت الحيييين امي اللا تبيني اصكره لووول يالله انشالله بارت اقره بارتييييييين ....

 

[The purple]

لوووووووووووووووووووووووووووول

في غلطه مطبعيه بس بسوي روحي ماشفتها

خلود ماسك السلسله الي اهيه ماسكتها وقاعد يلعب فيه ...

اعتقد المفروض لابستها

المهم تسلمين عالبارت كوكو وماقصرتي يويي

 

[طماطه وبطاطه]

عمر ين واستخف وقعد شفيه هذا:/

يا عمري على البحللللللللللللللللللللللللللللللللللللل وابو البحل والله

ثااانكس كيوت على البارت وثانكس يونيك:>

 

[أروسا]

هففففففففف اشتبي هالنور اذتني ,,, روحي لعبي بعيد عن سبيري

كت كت شوفيها ختوخر

 

[UNiQe^PRiNceSs]

عمر :eh_s(4):

وبدر يختي :tomato2:

ياسمييين:eh_s(4):

اما نووووووووور :krkrkr:
امبيه هذي ما اقدر اعلق علييها اصلا :krkrkr:

تيب اليهد :krkrkr:

شكرا اخت كيووت :ada:​

 

[sar0o0on]

تسلم ايدج حياتي ما قصرتي ويونيك مشكوره عالنقل تسلم اصابعج

 

[sky tears]

يعطيج العافيه كيووووووووت