.... [ من تجرأ من قطف هالياسمين ] ....

[ReRez]

بنات الموقع متنح عند كيوت تفضلو

اطول من جذي ماكو !!! ومو كل مره بكتب بارت هالطول :| بس اليوم نزل الالهام فجاه :| لا تتعودون اوكي !! :×

البارت الثالث

قامت طالعته وماقالت شي
بدر : اسف لاني صرخت عليج ما كنت اقصد و....
دمعت عيونها وقامت تشاهق
بدر : لا تبجين خلاص ... اسف
لمها وباس راسها ....
بدر : باجر نروح المستشفى حق الفحص اوكي ؟
ياسمين هزت راسها وما قالت شي ..
بدر : يلا عاد ضحكي !!
ياسمين ( ابتسمت ووخرت عنه ) : نام اكيد دايخ الحين
بدر : مو زعلانه ؟
ياسمين : لا
بدر : اكيد ؟
ياسمين : اي... يلا نام
بدر : تعالي
نومها على ايده ونام اهوه بعد
قامو اثنينهم من النوم عالساعه 9 قامو تريقو ولبسو وراحو يفحصون... تاكدو انها حامل وبدر كان وايد طاير من الفرحه ....
بالطريج..
بدر : ها وين تبينا نتغدا ؟
ياسمين : نتغدا بره ؟
بدر : اي ... تغيير
ياسمين : بس ......
بدر : بس شنو ؟!
ياسمين : قلت حق الخدامه تسوي غدا ... خل ادق اقولها ما تسوي شي ...
بدر : زين ما قلتيلي وين نتغدا
ياسمين : اممممممم شرايك ماكي ؟
بدر : ماحبه !
ياسمين : انا احبه
بدر : بتبدين دلع عشان حامل صح ؟
ياسمين : هههه اي
بدر : الله يعيني عيل ... ماكي ماكي
راحو المطعم وقامو ياكلون وبدر كان كل شوي يوكل ياسمين واهيه تضحك ومستانسه...


بعد اسبوعين ( ويك اند ) ... قاعدين يطالعون تلفزيون مع بعض ... وطلع مشهد بالفلم واحد ماسك حلاوه تشوباتشوبز بايده ....
ياسمين : الله
بدر : اشفيج ؟
ياسمين : ابي حلاوه
بدر : نعم ؟ ياهل انتي
ياسمين : بدوور الله يخليك بخاطري
بدر : خلاص باجر اييبلج
ياسمين : لا ابي الحين
بدر : ياسميين ! الساعه 12 ونص !
ياسمين ( عفست ويهها ) : خلاص انزين
سكت بدر شوي ورد التفت عليها ....
بدر : طاح حظ الي يزعلج زين !!! رايح اييبلج حلاوه
قام وحذفها بالمخده الي بايده وراح ....
رد عقب ربع ساعه ويايبلها انواع وايد ....
ياسمين : اوله اوله شنو هذا ؟
بدر : عشان ما تقولين بعدين تبين شي ثاني بعد
ياسمين : هههه تسلملي ... بدر باجر بروح بيت اهلي
بدر : متى ؟
ياسمين : امممم مادري عقب الغدا بروح اقعد عندهم لي الليل
بدر : خلاص الي يريحج...
ياسمين : ماتبي تنام ؟
بدر : لا مو يايني النوم.. روحي انتي شكلج تعبانه
ياسمين : اوكي... تصبح على خير
بدر : وانتي من اهله

ثاني يوم كان يومهم حده عادي وتغدو مع بعض وعقبها راحت ياسمين لبست وراحت بيت اهلها ....
ام ياسمين : ها يما ... شلون ريلج ؟
ياسمين : تمام الحمدلله
ام ياسمين : كل شي تمام ؟ مافيكم شي ؟
ياسمين : لا الحمدلله
ام ياسمين : وشلونج مع الحمال ؟
ياسمين : مادري عادي ... النساة مأذيتني شوي
ام ياسمين : اي لازم بعد ...
ياسمين : وين ساره عيل ؟
ام ياسمين : بغرفتها .. روحي شوفيها انا بقوم البس بنروح حق يارتنا توها طالعه من المستشفى .. ماراح اطول
ياسمين : اوكي


راحت ياسمين غرفة ساره لقتها قاعده تسوي شعرها ...
ياسمين : السلاام
ساره : اهلييين .. من متى انتي اهني
ياسمين : توني ما صارلي وايد
ساره : يلا متى يطلعلج بطن؟؟ مليت ترا
ياسمين : ههه سارووو اخر مره شفتيني الاسبوع الي طاف تبين يطلعلي بطن بسرعه جذي ؟ ترا توني داشه الثالث !!
ساره : ههه شلون بدر ؟
ياسمين : زيين
ساره : مستانسه معاه؟؟
ياسمين (نزلت راسها ) : اممم
ساره : ياسمينووو ليلحين ما نسيتي ؟؟
ياسمين : في احد ينسى روحه ؟
ساره : خلاص انتي متزوجه الحين انسيه !
ياسمين : ساره ولهانه علييه حسي فيني !
ساره : صارلج اكثر من سنه ما تدرين عنه وينه ! وتدقين كله مغلق ! شتبين اكثر من جذي بعد ؟
ياسمين : مادري ساره شلون اختفى جذي فجاه وليش سوا فيني جذي !
ساره : هفففففف انسي انسي خلاص !!! انتي على ذمة ريال الحين حرام عليج الي قاعده تسوينه !!
ياسمين : احبه
ساره : لو يحبج مايخليج
ياسمين : ساره انتي موحاسه فيني ! والله احس جني مسكونه ! احسه طول الوقت معاي ! وين ما اروح اتخيله ! ساعات اطالع بدر اشوف ملامحه فيه !! ساعات تمر ريحته علي لا تسالينيي شلون !! خلاص انا قربت استخف ! بعرف وينه وليش خلاني !
ساره : مو مهم وينه ومو مهم ليش خلاج !! المهم انه الي عندج الحين ماكو منه اثنين بالدنيا !! لا تضيعينه من ايدج !!
ياسمين : قاعده احاول ..

بالليل ردت ياسمين البيت ودشت الغرفه... لقت بدر قاعد عالفراش وبايده التلفون.. اول ما شافها رفع راسه وابتسم..
بدر : توني بدق عليج بسالج متى تردين ..
رن تلفونها رنه وتسكر ... طالعته وضحكت
ياسمين : اي حسيت انك ولهان عليي ورديتلك بسرعه
بدر : هههه
راحتله ياسمين ولمته...
بدر : اشفيج ؟
ياسمين : ولهانه عليك... مايصير ؟
بدر : هههه دووووم !!
ياسمين طقته ودزته : ليش يعني ؟
بدر : اول مره تيين بروحج وتلميني ... اذا ولهانه عليي لميتيني جذي عيل بخليج شهور وارد بشوف شتسوين
ياسمين : بدر !! لا تقول جذي ! والله ازعل
بدر : اتغشمر شدعوه اشفيج... تعشيتي ؟
ياسمين : اي وانته ؟
بدر : لا بروح عند الربع بالدوانيه اتعشى اهناك
ياسمين : خلاص اوكي
بدر : تبين شي قبل لا اطلع ؟
ياسمين : لا سلامتك
بدر : الله يسلمج.. اذا تبين شي دقي
ياسمين : اوكي.. ديربالك بالطريج
بدر : انشالله .. باي
ياسمين : الله معاك

بعد شهر .... قاعدين العصر يسولفون وياسمين كانت مسويه كيكه ويايبتها حق بدر يعطيها رايه
بدر : لحظه لحظه ما تجربينها قبلي
ياسمين : بشوفها حلوه ولا لا
بدر : اول انا
وقصله من الكيكه شوي وكلاها
بدر : اممممم حلوه
ياسمين : صج ؟
بدر : ايي
ياسمين : يلا باكل
بدر : ماكو !! كلها حقي
ياسمين : عن الملاقه بجرب
قامت قصتلها شوي وكلته
ياسمين : الله يزيد النعمه ... امبييييه شنو هذا !! حده المفروض ما تطلع جذي... استغفرالله...
بدر : هههههههههههههه طالع ويهج شلون قلب
ياسمين : شلون تقولي حلوه انته ؟
بدر : مابي ادقرج.. اخاف ما تدشين المطبخ كلش مره ثانيه
ياسمين : بعد عقب هالكيكه تبيني ادش المطبخ ؟ ناوي تتسم انته ؟؟
بدر : هههه خلج من الكيكه.... قوليلي شنو قالتلج الدكتوره ؟
ياسمين : عن شنو ؟
بدر : ولد ولا بنت ؟
ياسمين : قلتلك ماراح اقولك !!
بدر : خلصي يالمليقه
ياسمين : شتعطيني ؟؟
بدر : لج الي تبينه بس قولي !!
ياسمين : بنت
بدر : صج ؟
ياسمين : استانست ؟؟ ما ضاق خلقك انها بنت ؟
بدر : ايييي اكيد بستانس ليش يضيق خلقي؟ اليهال نعمه ... وبعدين مو يقولون البنت تاخذ قلب ابوها ؟ انتي الي المفروض تتضايقين مو انا
ياسمين : لا والله ؟؟
بدر : ايي !!
ياسمين : عيل ابشرك ! ولد مو بنت !! كنت بشوف ردة فعلك
بدر : ههههه صج ؟
ياسمين : اي !!
بدر : انزين شتبين تسمينه ؟
ياسمين : ما تبي تسميه انته ؟
بدر : لا ... بخليه على ذوقج ...
ياسمين سكتت شوي وبعدين ردت : بسميه خالد..

سرحت ياسمين شوي ... وقعدت تتذكر....
...: حبيبتي شتبين نسمي عيالنا ؟
ياسمين : ههه عيالنا عاد.. ليش جم واحد بنييب ؟
....: 10 صبيان و10 بنات
ياسمين : هذول كلهم منو اييبهم ؟ انا بروحي ؟
...: بروحج شلون ؟ انا وياج !
ياسمين : لالالا 20 عاد ؟ بصير بطه وجسمي يخترب
...: ويعني ؟! ماراح يتغير مكانج عندي
ياسمين : هههه
...: يلا شتبين تسمين ولدنا العود ؟!
ياسمين : نسمييه اممممم..........


بدر : ياسمييييين !!! قاعد احاجيج اشفيج !!
ياسمين ( فزت ) : شنو .. مادري ما سمعتك
بدر : فيج شي ؟؟! تعبانه ؟؟
ياسمين : لا سرحت شوي ... خل اودي الكيكه المطبخ اشوف الخدامه تقدر تاكلها ولا تنقط

مرت 5 شهور وكانت ياسمين تحاول تغير نفسها عشان خاطر بدر ... قامت تسولف معاه اكثر وتطلع معاه ... تضحك وتتغشمر حدها غيرت معاملتها معاه...
صار موعد ولادتها ... وداها بدر المستشفى وظل اهناك وكان حده خايف ... ابو ياسمين كان قاعد يمه ويحاول يسولف معاه ويهديه بس بدر ما كان باله مع احد الا مع ياسمين ...
ولدت ياسمين ... ويابت ولد .. الكل فرح واستانس ... بس ياسمين كانت عيونها متفوخه وحمره من البجي ....
بدر : الحمدلله على سلامتج حبيبتي
ياسمين : الله يسلمك
بدر : اشفيها عيونج ؟ ليش تبجين ؟؟
ياسمين : تعبانه شوي مافيني شي لا تحاتي
بدر : يلا عيل انا بروح اييب امي ماعندها احد اييبها
ياسمين : اوكي ديربالك
بدر : انشالله .. باي
فضت الغرفه مافيها الا ياسمين وساره....
ساره: عدلي ويهج عدليييه !! ميته من البجي مادري على شنو !!
ياسمين : ساره بس
ساره : ليش تسكتيني ؟ شوفي بدر شلون طاير من الفرحه ! وانتي الي قدرتي عليه انج تقولين المفروض هذاك يكون معاج اليوم !!
دشت ام ياسمين ...
ام ياسمين : اشفيكم شهالصراخ ؟!
ياسمين : مافينا شي...
ام ياسمين : ساره شقايله حق اختج ؟
ساره: قلتلها تتكحل شوي خرعت ريلها بويهها
ام ياسمين : توها والده وينها وين الكحل ! يوزي عن البنيه بس !
رد بدر ومعاه امه باركتلها وقعدت معاهم شوي ومشو كلهم الا بدر...
ياسمين : ماراح ترد البيت ؟
بدر : لا ... بنام عندج
ياسمين : وين بتنام ؟
بدر : عالقنفه اهني
ياسمين : اخاف ما ترتاح
بدر : ميخالف .... ماعتقد انتي كنتي مرتاحه بعد وانتي تولدين
ياسمين : هههه يعني عشان نصير متساوين ؟!
بدر : اي... عشان لما يكبر ولدنا ما تقوليله انا ولدتك وتعبت فيك ... حتى انا تعبت ترا ونمت اهني وظهري بيتكسر بعد
ياسمين : هههه الله لا يحرمني منك...
قرب بدر باس راسها وراح انسدح عالقنفه...

 

[zooz92]

يحلييييله بدر مسكين شكله يحبها

بس ياسميين ليش جذي معقوولة مع الا يسووي لها وهم ما نسته =\ ويقولون بعدين الرياييل خوانين >> عصبت

يعطييج العاافية على البااارت كيووت

نااااااااطرينج ..~

 

[ReRez]

مادري منو كسر خاطري امتنع عن الرد لأني تضايقت

مشكوره حبي والله خوش بارت الله يستر من اللي ياي

 

[The purple]

يا عيني

شكله راح يطلع البطل الهمام بعد هالغيبه !!

متشكرين يا ريري

 

[spongebob93]

waaaaay athnenhom kasreen 5aaa6ry bader w yaasmeen
thaaaaanx cute 3la hal.partat abd3tay al9ra7a

 

[UNiQe^PRiNceSs]

رورو :krkrkr:
سكتي بس :krkrkr:
كيوتو والقصه والبنااات بصوب :krkrkr:
وانا وانتي بصووووووووب:krkrkr:
مسويلنا قصه بروحنا لا ونزف كيوووت بعد
:krkrkr::krkrkr::krkrkr::krkrkr:

يحلييله بدر ونسني صج خوش ريااال !!
لا والي غاثني ان عندها جذي ريااال !! وتتذكر هذاك اي هدها !!! :eh_s(4):


ثانكس حبي :$
ناطرييينج عقب باجر :$​

 

[طماطه وبطاطه]

وااااااااااااااي يختي يختي هالبدر عسسسسسسسسسسسسسسسسسل

كيوت شكلي بسوي مثل ما سويتي بقصه اموره مع جراح

ولا تزفين والله مو قصير حده طويل ولا تخافين من خرعتنا ما راح نتعود على بارتات طويله

ثانكس حبي .. ناطرينج عقب باجر

 

[Danya =)]

اثنينهم مساكين
ياسمين وبدر
تسلميين حياتي كيوت عالبارتات
ناطريينج :*

 

[^ليلاس^]

عسى ما يطلع ويخرب حياتها

تسلمين كيوتة :eh_s(15):

 

[Danya =)]

اثنينهم مساكين
ياسمين وبدر
تسلميين حياتي كيوت عالبارتات
ناطريينج :*

 

[شيخهـ ..~!]

كيوت يسلم مخج
وريريز تسلم ايدج
^^
عشان محد يزعل ^_*
والبارت حده نايس
واحلى شي فيه ان البارت اللي طاف حملت ياسمين
وهالبارت اولدت >> صج لا قالوا عصر السرعة ... وناسة لول
وناطريج كيوت لا تطولين علينا :$ :$
:eh_s(9): :eh_s(9): :eh_s(9):

 

[ba6re8a]

اللي بببببببعدو

 

[G!RLooNa]

الله قصه يديده توني اشوفها

يا دنيا ارحميني فيها بارت ما قبل الاخير

يالله خل اروح اشوفه

يعطيج العافيه كيوت :d

 

[so_what]

انا ما بعلق على البارت ، بس بعلق ان البارت طويييل وناااسه :eh_s(9): لان شكلها اول و آخر مره بارت هالطول :eh_s(6):

 

[marshmelo0o]

تسلمين كيوت
القصه واااايد حلوه مبين من اول بارت
تبي الي وراااااااااااااااااااااااااااااااااااااااه

 

[cute princess]

صباح الخير عليكم فردا فردا
قاعده متاخر لا وشابكه بعد اشوف ردودكم والله قوات عين لووووووول
المهم
شكرا على حسن تعاونكم :$
وارد اذكر ... ماكو بارت اليوم يعني لحد ينطر :$
اشوفكم المغرب وارد عليكم فردا فردا لول ​

 

[شيخهـ ..~!]

ويي كيوت نفس حالتي انتي لووول
تلبس هدوم المدرسة المليقة اللي ما ادري متى ايي شهر 6 وافتك منها واقولها :bye22: للأبد لوول
وتطل عالقصة يمكن في بارت بالغلط
بس شابكة بقولج شي
كيوت حلمت ان بدر يحب وحده غير ياسمين :eh_s(16):
:eh_s(2):

 

[Riooma]

ya3alha altharba zain chetheh. al7en khale9aw alryayel oo ehya em7asla wa7ed 3asal etgoli walhana 3ala althani.laykon emsamya khalid 3ala 7bebha? tara wala adesh feha sejen

 

[المستبــده]

والله اثنينهم كسرو خاطري
بس بدر اكثررررر

يعني صج انها تحب غيره بس لمن تشوف كل هالاهتمام من بدرر والحب المفروض انه ياخذ مكان هذاك
ودام انها مو قادره تنساه شحقه وافقت على بدر بله !!
انا اعترررض


وناطرينج باجر :؛)

 

[تانغو]

عجيييييييييييييييييييييييييييييييييييييييييبة


انا من اشد المعجبات بقصصكم عوااااااااار قلب بس حدي احب جذيييييييييييييييييييييييييييييييييييييييييييييييييييييييييييييييييييييييييي

احبج كيووووووووووووووووووووووووووت