من تجاربكم....ما هو افضل شامبو للاطفال؟وصابون للاكزيما؟

[من بين البشر&]

السلام عليكم ورحمة الله وبركاته.......اشلونكم كويتيات........


بدخل على الموضوع على طول تعبت من كثر ما نوعت بالشامبوهات وكل نوع فيه سلبيه ابي شامبو مناسب للاطفال بعمر المدرسه خاصه اذا فيهم حساسيه جلديه ابي شامبو للشعر وصابونه مناسبه للبشره الحساسه لان بنتي عندها اكزيما الله يشافيها ويشافي اعيالكم وعيال المسلمين ؟

 

[حناينq8]

حبيبتي سلامة بنتج يارب


ما ادري جربتي سيبا ميد ؟؟؟؟؟؟؟ ترا طبي ووايد زين

 

[Brounzi_girlly]

آنا جربت حق بنتي سيبا ميد مشى ويا بنتي
مع التحية....................

 

[سما الكويت]

افضل صابون وشامبو sensibar..

وافضل كريم..lipobase..

وسلامة عيالج وماتشوفون شر يا الغاليه..

 

[AMANI82]

سيبا ميد احسن شي

 

[ombaza]

انا ولدي اذا غسلته او حطياله منتجات جونسون يشب جسمه بس سيباميد احسن بس جسمه نااااااااااااااااااااشف حيل مادري ليش

 

[من بين البشر&]

حبيبتي سلامة بنتج يارب


ما ادري جربتي سيبا ميد ؟؟؟؟؟؟؟ ترا طبي ووايد زين

حناين .....الله يسلمج من كل شر
وسيبا ميد جربت لها الغسول للجسم مو للشعر قبل عدة سنوات ايام ماهي بالروضه

 

[من بين البشر&]

آنا جربت حق بنتي سيبا ميد مشى ويا بنتي
مع التحية....................

برونزي جيرلي تسلمين اختي ....نفس ماقلت لحناين ولاحظت انه سيبا ميد انه يطلع رغوه حيل وقلت خاف هذا دليل انه فيه مواد كيميائيه وتضرها بدال ماتنفعها وحسيت انه ينشف البشره ولازم احط وراه مرطب بعد الاستحمام واكثر منه

 

[ombaza]

تكفون عدوو جم مرة قلت بس جسمة

 

[من بين البشر&]

آنا جربت حق بنتي سيبا ميد مشى ويا بنتي
مع التحية....................

برونزي جيرلي تسلمين اختي ....نفس ماقلت لحناين ولاحظت انه سيبا ميد انه يطلع رغوه حيل وقلت خاف هذا دليل انه فيه مواد كيميائيه وتضرها بدال ماتنفعها .

 

[من بين البشر&]

انا ولدي اذا غسلته او حطياله منتجات جونسون يشب جسمه بس سيباميد احسن بس جسمه نااااااااااااااااااااشف حيل مادري ليش

لازم تحطين له مرطب على طول بعد الاستحمام ونفس ما لاحظت على بنتي نفس الشي

 

[من بين البشر&]

:eh_s(6):

 

[من بين البشر&]

افضل صابون وشامبو sensibar..

وافضل كريم..lipobase..

وسلامة عيالج وماتشوفون شر يا الغاليه..

جزاج الله الف خير يا سما الكويت بس هذي المنتجات من وين من الصيدليه ولا من الجمعيه ؟؟؟؟؟وعن تجربه ولا سامعه عنها؟......... والشر مايجيج عزيزتي...

 

[فرح888]

في الصيدليه دهن ومرطب وشامبو Qv روعه

 

[زوجة رجل مهم]

الله يشافي عيالج انا توني من يومين راده من عيادة الدكتور الجريوي موديه بنتي وولدي نفس اعراضج اكزيما عطاني ادويه ومن ضمنهم شامبو ولوشن Qv والله خطير من اول استعمال بنتي وقفت حك وغير جذي اهو نصحني ان ما استخدم لها اي شامبو الا هذا ليم تتحسن

 

[سروري]

انا مثل حالتج بنتي عندها اكزيما
سألت دكتوره قالتلي سيباميد بس اللوشن مو الصابونه العاديع لأن الأكزيما يبيلها ترطيب والصابون ناشف ونفس الشي بالنسبه للشامبو سيباميد وأحسن مرطبين جربتهم (لويس ويدمر)من الصيدليه بس تاخذين لها مال الويه مو مالالجسم لان مال الجسم معطر
والمرطب الثاني مال المستوصف اللي علبته بيضا خو ماعندهم مرطب غيره
وشربيها ماي وايد لان يساعد على ترطيب الجسم وانتبهي حق أكلها لأن بنتي كانت تتهيج عندها الاكزيما من الموز بس ألحين الحمدلله بس بقا البيض تتحسس منه يعني مو شرط طول عمرها تتحسس من أكل معين ممكن فتره وبعدها جسمها يتقبل هالأكل عادي
وعسى ربي يشافي عيالنا وعيال كل المسلمين

 

[سروري]

انا ولدي اذا غسلته او حطياله منتجات جونسون يشب جسمه بس سيباميد احسن بس جسمه نااااااااااااااااااااشف حيل مادري ليش

أخاف حتى اهو فيه اكزيما لان الاكزيما عباره عن جفاف البشره تحتاج ترطيب على طول في ناس حالتهم جايده مثل بنتي ياعمري بشرتها تتقرح ويطلع دم تقعد الصبح فراشها امبقع دم من كثر ماتحك واهي نايمه وفي ناس بس جفاف
وعسى ربي يشفي الجميع

 

[البرنسيسة83]

حبيبتي اخذيلها من الصيدليه احسن أو الطبيب يكتبلك احس لآن سيباميد وغيره تجاريين ............
الله يشافي بنتك

 

[جاردينيا_2000]

سيبامين مو حق الاكزيما ..وااااااااايد ينشف ..جربته مع بنتي ..بنتي كانت جذي ..دم وغي مسكينه بس جربت لها خلطه د. خالد الطيب يمكن جذي اسمه علشان منزمان امجربته ..وانتي اتسوينها بالبيت (زيت اللوز -وزيت الحبه السوده اذا مموموجوده بالحواي قولي حق الحواي ايبها حقج - وزيت الخروع -وزيت الزيتون - وزيت السمسم ) وتأكدي من موقع خالد الطيب اذا عنه موقع مادري
ابصراحه كنت احطه لها بلليل والبسها فوقه بجامه جم طويل علشان تتشرب الزايد .. راح منها ..بس طلع لها في مكان ثاني وحطيت عليه ..وراح صرت الوحق الاكزيما ..هذا كلام لما كانت بنتي عمرها 4 سنوات ..الحين بنتي عمرها 8 سنوات ..اللا الحين فيها اكزيمه بس واااايد خفت ..بس اتحسين نشافه في جسمها ..وحبوب اصغيره ..هذي الي الحين احاول اعالجها ..بس يمكن لاني من كثر ما مليت من وهيه اصغيره اجرب عليها منتجات الصابون والشامبو وما فاد ..فخليتها تستخدم اي صابون ..بس الحين راح اجرب لها مره المليون المنتجات الي اكتبوها البنات فوق واشوف يمكن اشوف نتيجه

 

[bashaer]

السلام عليكم ورحمة الله وبركاته.......اشلونكم كويتيات........


بدخل على الموضوع على طول تعبت من كثر ما نوعت بالشامبوهات وكل نوع فيه سلبيه ابي شامبو مناسب للاطفال بعمر المدرسه خاصه اذا فيهم حساسيه جلديه ابي شامبو للشعر وصابونه مناسبه للبشره الحساسه لان بنتي عندها اكزيما الله يشافيها ويشافي اعيالكم وعيال المسلمين ؟

انا ولدي مسكين بظهره و رقبته و راسه من ورى اخر راسه كله اكزيما .. بس اسبحه بشامبو بيبي جونسون .. الشامبو ماله شغل .. و كل ما بدلت حفاظته أو هدومه دهنته بفازلييين .. و راسه ادهنه زيت زيتون و ماشاءالله احس انه قام يخف الحييين ..