من تجاااربكم .. دكتور يلف البيبي

[أبله كويتيه]

السلام عليكم بنااات

عفيه انا من جم يوم دشيت شهري

وامس راجعت والدكتوره تقولي البيبي وايد فوق وايد مرتفع

وللحين ما لف ولا نزل بالحووووض

وتقول ماقدر الفه لج لاتسالوني ليش بس مو راضيه :eh_s(10):

ختولي اهي مسافره اصلا

بس عفيه ااذا تعرفوون دكتور زيين يقلب لي البيبي

وشلون الطرقه افتج ملف عنده واقوله ابيك تقلب لي البيبي ولا شنوو

بليييز بنااااااات ابي دكتووور زين يقلبه لي

مابي اتوهق ويولدووني قيصري هالخاص ..............


ومنو مرت بنفس تجربتي وشسووووي

بجر ومتوهقه

 

[miss_Ba6oOo6a]

مادري اذا هالشي زين لفة البيبي ولا لا
واذا وضعية البيبي ماتساعد ولا مايقدرون لا خاص ولا حكومه بنتفع الي الله كاتبه بيصير
شوفي الرياييل اشطر ابهالسوالف ولفي علا المستشفيات وشوفي ووخري عن الحكومه افضل لا عنابه ولا شي حتا حق اليهال لو مو اجهزتهم
ولا شي بس حق الخدج غيره لحد يفكر يروح

 

[أبله كويتيه]

مس انا فكرت بالحكومه لان الخاص صدمتني

امس تقولي اسبوع اذا ما لف احتمال قيصري وانا ماصارلي جم يوم دشيت شهري

مو راضيه تنطر علي .. حسيت انها تبي فلوس بصراحه عشان جذي فكرت بالحكومه

اي الرياييل اشطر انا كنت مابي ريال استحي

بس الحين راااضيه ريااال المهم شااطر ويلفه لي بس ابي اسااامي

مثل منو

 

[كلاسيكال]

حبيبتي ان شاء الله يلف من غير دكتورة ، والدكتورة شنو تقولج قيصري وانتي توج داشة شهرج وبجر!!!

انا اللي اعرف ان اغلب البجريآت تكمل شهرها ، وعسى ربي يهون عليج ويسهل ولادتج طبيعي ان شاء الله ،

والله ماعندي فكرة لاني بجرية مثلج ، بس سمعت يمدحون محسن طلبة جنه اللي بالامومة مادري محمد طلبة !! سوري مو مركزة عالاسم

 

[أبله كويتيه]

بعد عمري اجمعين يااارب

مشكووره وماقصرتي

بسال عنه

 

[بخـــارى]

وحده صار فيها جذي من جم يوم بالتاسع ومفتوحه 10سم يعني ولاده والياهل راسه فوق وكانت طالبه دكتوره رشيده بالامومه
الدكتوره نادت دكتور اشرف مجدي وماشاءالله لف راس البيبي وولدت طبيعي والحمدلله

 

[anooma_86]

حبيبتي لفة راس البيبي خطره وايد مو اي دكتور يصلح يسويها و في دكاتره يعرفون بس مايغامرون يسوونها ويصير بالبيبي شي.. انتي نطري توج داشه ظهرج انشالله راح يلف

 

[yasmeen_q8]

جربي تروحين حق عمر عصام او احمد بكري بالسلام ما اذكر بس مره سمعت ان واحد منهم لف راس البيبي حق وحده من البنات

 

[نـعـومـه]

يعني ريول البيبي تحت وراسه فوق ؟؟؟

انا امي ولدت باختي جذي وولدوها وريوله قبل راسه ومافيها الا العافيه واختي بعد ريل البيبي تحت راسه فوق وولدو عادي لا لف ولا شي

وهذا بحكومه بصباح اتوقع لو خاص يمكن فتح بطن

ميزه الحكومه كله طبيعي الا بالغصب قيصري

 

[تبطي عظم!]

انا خالتي ولدت بنتها طبيعي وكان راسها فوق ورجولها تحت!!!

ان شاءء الله يلف البيبي

 

[بتبوتااا]

اخوي بعد انولد من ريوله

وبعدين حياتي سبحان الله الياهل وقت الطلق يلف بروحه وانصحج تنطرين لي اخر شهرج لانج بجر ياقلبي والبجر يطووول ..

 

[روحي ابوي]

حبيبتي رفيجتي بجرها بعد كان نفس وضع البيبي مالج وهي كانت تراجع عند د.عالية الفضلي ،، ولفت لها الياهل وولدت طبيعي الحمدلله ،،ممكن تروحيلهاا وهذي دكتورتج ماعندها سالفه ليش ماتنطر عليج أنتي بجر والبجر تاخذ شهرها وزود .. عسى ربي يقومج بالسلامه

 

[miss_Ba6oOo6a]

وااي مادري انا اخاف بهالسوالف فتح بطن ولا يصير بالياهل شي
ولا يلفونه غلط ولا الحبل السري نطري ليه اخر الشهر انشالله يلف بروحه اذا ما لف
قيصريه عادي مافيها شي مادري ليش اتهولون الطب تطور ولا يصير بالياهل شي الخاص احسن والدكاتره اشطر
شوفي استشاريين وغيري دكتورتج اخذي استشاره احسن

 

[ابتسمامه]

نطري ان شاء الله يلف بروحه وما انصحج تخلين الدكتور يلفه موزين لا سمح الله يضغط على راس البيبي ويصير فيه شي

 

[Om_Ksha]

حماتي جذي راحت لدكتوره وقالت قيصريه بعدين سالت وراحت عند عادل زهير اعتقد اسمه .. اهوا مادري شنو زهير ولفه لها علاطول .. وولدت طبيييعي

 

[توته999]

حبيبتي روحي حق دكتور (محسن طلبه) بمستشفى الامومه وبتدعيـلي .. والله كثر مايقدر مايولد المره قيصريه كل اهلنا عنده من عمـر واذا رحتيله مره وحده والله ماتقدرين تغيرين بعد وبتظلين دايما عنده ويلف البيبي وايده خفيفه وفاهم شغله عددددددل ولحد يخوفج ويريحج حتى بالولاده ماتحسين بولااااااااااشي وربي وايد تكسر خاطره المره ومايخليها تحس بالولاده ابــد .. طبعا التييسير كله من ربج وبعدين الدكتور فاهم وشاطــر

عاد مابي منج الا دعوه طيبه وان ربي يسهل علي ولادتي ويحفظلي اللي ببطني :yaaaaaarb:

 

[بربيره]

خالده المجيبل لفت اختي ببطن امي و ارتاااااااحتتتتت روحيلها و شوفي

 

[بنت التوخذه]

تو االناس ليش مستعيله عليج. عليج بالسجود لمده طويله تره وايد زينه

 

[ELFAD3Ah]

نطري لي نهاية ظهرج وانشالله يلف

 

[ELFAD3Ah]

نطري لي نهاية شهرج وانشالله يلف