من بلغت دورتي 8 أيام .. فجأة صارت 3 أيام هذا شي عادي والا فيني شي :(

[خاطر مذبوح]

بسمالله الرحمن الرحيم


بنات آنا من بلغت عمري 13 دورتي مدتها 8 أو 9 ايام و كمية الدم تكرمون واايد تنزل مني
والحين عمري 24 فجأة آخر دورتين كانت 3 أيام و ياليت اليوم الثالث كله ينزل علي..
لا بدايه اليوم الثالث خلاص يصير الدم مو احمر وخفيف حييييل
آنا قلت يمكن انقطعت و تبي ترجع بس ما رجعت ما ادري هذا شي عادي والا لا
شنو أسباب نقصان ايام الدورة و منو صار معاها جذي
امي تقول عادي بس مو معقولة شي فجأة يتغير اكيد اكو سبب وودي اعرف شنو الاسباب اللي تخلي ايام الدورة تقل جذي
حدي متضايقه ياليت تفيدوني خواتي

 

[زيـטּ عَبْس]

يمكن فيج فقر دم او شي




للرفع أكثـر

يمكن الخوات يفيدونج

 

[قطوة@@]

رد : من بلغت دورتي 8 أيام .. فجأة صارت 3 أيام هذا شي عادي والا فيني شي

حبيبتي يمكن هرموماتج متخربطه اشويه

و لا نفسيتج تعبانه

راجعي دكتورة امراض نسا احسن

و ان شاء الله مافيج الا العافية

طمنينا عليج

 

[شيخــه]

روحي الطبيب احسن واضمن لج

 

[خاطر مذبوح]

مشكورين حبيباتي ع الرد يزاكم الله خير
انا كان المفروض اروح اسوي تحليل هرمونات الدورة اللي فاتت
بس ما رحت و ناطرة الدورة اتييلي عشان اروح والله يسهل انشاءالله

 

[FuTuRe DoC]

يمكن هرموناتج متخربطه.. اهوا العاده احسن يوم حق تحليل الهرمونات يكون بخامس يوم من الدوره .. بس انتي سويه حتى لو بثاني يوم ووديه عند دكتورة امراض نسا ..

 

[خاطر مذبوح]

^
^
تسلمين حبيبتي

 

[شندوخه]

رد : من بلغت دورتي 8 أيام .. فجأة صارت 3 أيام هذا شي عادي والا فيني شي

شربي دارسين وزعفران اذا فيج شي ومو راضي ينزل ينزل ان شاءالله
وانا اللي اعرفه ان ادوره الصحيه 3 ايام بس هم انتي راجعي طبيبه نسا

 

[الجوهرة777]

الدورة لما تصير ايامها شوي علامة لبعض الأمراض

اللي أعرفة تكيس المبايض


وخمول الغدة الدرقية << أعراض اخرى :


الكسل - الخمول- الامساك - زيادة في الوزن - زيادة النوم -الدورة تقل
اذا عنج احد الأعراض هذي أو أكثر من واحد سوي تحليل الغدة الدرقيه

وان شاء الله ما يطلع فيج ولا شي وترجع دورتج طبيعية

 

[خاطر مذبوح]

شندوخة - الجوهرة
الله يعطيكم الصحة والعافيه مشكورين على الرد ..
والله يبعد عنا وعنكم الأمراض
ناطرة الدورة اليايه اذا الله احيانا واسوي تحليل هرمونات
لأني بديت اخاف =\

 

[ام نواف وسديم]

اولا من اسباب نقصان الدوره الحاله النفسيه وهذي مهمه جدا وبعد فقر الدم ولاهم انو الوحده ماتهتم بنفسها في ايام الدوره
وضروري اكل الرشاد الي هي الثفاء جدا جدا لانها منظفه للأرحام

 

[BaiTotia]

رد : من بلغت دورتي 8 أيام .. فجأة صارت 3 أيام هذا شي عادي والا فيني شي

يمكن تاكلين أو تشربين شغلات باردة؟؟؟؟

 

[خاطر مذبوح]

بنـات ..
شفـيكم انا طول عمري اتييلي 8 ايام
و عادي اشرب اشياء حاره .. و حتى لو ما اشرب اتظل 8 ايام
انشالله لو اكل آيسكريم اهي 8 ايام من زمان

وانا من النوع اللي احاول كل ما اتييني اشرب لي من هالاعشاب زنجبيل مرميه هالسوالف ..

بس فجأة اخر دورتين صارو 3 ايام .. مع ان ما فـيه شي غيرته بنظامي عشان أشك ..

مادري .. الله يستر ..

مشكورين حبيباتي ع ردودكم

 

[خاطر مذبوح]

..
..

 

[..meme..]

حبيبتي آنا كل مره تييني 5 اياام الدوره او6 وفي يوم 3 ايام بس وانقطعت اقطعتني 3شهور جنه

وامي راحت للدكتوره اسألتها قاالت عاادي في بنات ايقطعوونهم جذي بعديين اتيي .. والحمدلله يتني بعديين

ف لاتحااتيين ورووحي احسن عند الدكتووره عششان تتطمنيين

 

[خاطر مذبوح]

حبيبتي ميمي شوي طمنتيني
آنا خفت لأن قريت ان اضطرابات الدورة الشهرية تدل على خلل أو مرض
لأن الطبيعي انها تنزل منتظمه اذا ما انتظمت معناته في شي تغير بالجسم
الي اقصده اكيد فيه سبب يخلي الدورة تنقطع؟
بس انشالله خير

يزاج الله خير

 

[..meme..]

حبيبتي ميمي شوي طمنتيني
آنا خفت لأن قريت ان اضطرابات الدورة الشهرية تدل على خلل أو مرض
لأن الطبيعي انها تنزل منتظمه اذا ما انتظمت معناته في شي تغير بالجسم
الي اقصده اكيد فيه سبب يخلي الدورة تنقطع؟
بس انشالله خير

يزاج الله خير

لاحبيبتي لاتحاااتيين ومثل ماقلتلج انا الدكتوره قالت شي عاادي

وفي بنااات جذي بس بعديين اتييلج ان شاءلله

ونصيحه روحي عند الدكتوره احسن عششان تتطمنيين ..

وماعلييج شر ان شاءلله

 

[~ غـــيـــر البِشـــر }}]

يمكن متجمده اشربي اعشاب


او روحي الدكتور

 

[loooly love]

اب
اب
اب

 

[كرسي دوار]

للرفع