من بعد ما هونها لله علي شكرا ( د حيان الأحمد)

[درة أهل الطولات]

الحمد لله على سلامتج

 

[wafa82]

حبيبتي الله يعوضج خير

 

[كويتيه مذهله 87]

حبيبتي والله حاسه فيج انا اجهضت 4 وادري ان ربي كاتبلي الاحسن وخيره لي ونفسيتي تحت الصفر بس ربي عوضني بولدي الي اشوووفه ودي احطه بقلبي واصكر عليه
العمر جدامج بتييبين بداله 10 ياارب بس اهم شي سوي جميييع التحاليييييييل والحمل الياي ان شالله خليج مع د حيان الأحمد والله يعطيه العافيه يارب صح دكتور بمعني الكلمه الله يوفقه يارب


والله بعوضج حبيبتي بطفل سليم معافي

 

[ساشا]

بجيتينا ...

عسى الله يعوضج فيه خير يارب ... وكلشي يكتبه رب العالمين تاكدي انه خيره

 

[أأأميرة الورد]

الله يعوضج ويرزقج بالذرية الصااااالحة

 

[DEEMA]

الحمدالله على سلامتج وعسى ربي يعوضج ان شاءالله

 

[pinkigigi]

يابعد قلبي يابنات والله انكم هونتوها علي قبل و بعد

وواسيتوني و انا ماسكه عمري ومسويه نفسي قويه جدام أهلي و عيالي وبناتي و زوجي لأن ما ابي اخرب عليهم فرحة العيد

والله اعجز عن وصف شعوري تجاهكم وحده وحده

كل دعوه منكم نجمه زينت سما الأمل عندي يكفي في من يدعيلي و اهو ما يعرفني و لا اعرفه
و مانبي من ورا هالدعوه غير الاجر



و يكفي دعائي لربي حبيبي و مناجاتي له والله اعلم بحالي ووضعي وخوفي

والحدملله ياربي

الحمدلله